Deut 26:14 - Kaqchiquel Bible14 Man jun chire ronojel re' xintej ta toq ink'o pa bis; ni man jun chire ronojel re' xinchop ta toq man in ch'ajch'oj ta; y chuqa' man jun chire re' nusujun ta chike kaminaqi'. Jehová ri at qa-Dios, yin kan nuniman-pe atzij y kan nutaqen-pe ronojel ri abin chuwe. အခန်းကိုကြည့်ပါ။ |
Chiri' kan man xtisuj ta k'a ri vino richin sipanik chire ri Jehová. Ri kamelabel ri xtisuj chuwech kan man xtuk'awomaj ta. Ri iway xa kan tz'ilobitajineq k'a achi'el ri wey ri nitij ri akuchi k'o-wi jun kamineq. Ri wey ri' xa kan xaxe k'a iwichin rix, re' kan man xtik'uaj ta k'a pa rachoch ri Jehová.
Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.
Jari' k'a toq kere' xtibij chire ri Jehová ri qa-Dios: Kan xinch'er yan kan ri nutiko'n ri ninya' chawe rat; richin xtintaluj chikiwech ri e levita y ri man e nuwinaq ta, richin xtinya' chike ri meba'i' y ri malkani', achi'el ri abin chuwe. Y man nuq'ajon ta ruwi' re apixa' re', y man numestan ta ri rubanik.