Deut 26:10 - Kaqchiquel Bible

¹⁰ Wakami k'a Jehová, qak'amon-pe chawe re nabey taq ruwech qatiko'n; jare' ri nabey taq ruwech qatiko'n richin ri ruwach'ulew ri xaya' chiqe, xkixcha'. Y k'ari' xtiya' kan ri ichakach chuwech ri Jehová y kan xtiya' ruq'ij y kan xkixxuke' k'a chuwech.

Deut 26:10 ပူးပေါင်းရင်းမြစ်များ

Apocalipsis 22:9

Jak'a rija' xubij chuwe: Man taya' nuq'ij. Yin xa in jun chuqa' rusamajel ri Dios, junan awik'in rat y kik'in ri ch'aqa' chik q'alajirisey ruch'abel ri Dios, y chuqa' kik'in ri yeniman re ch'abel re e tz'ibatel chupan re wuj re'. Kan ja ri Dios taya' ruq'ij.

1 Corintios 10:31

Roma ri' yin ninbij chiwe chi toq yixwa-yixuk'ya' o xabachike chik ri niben, kan tibana' k'a richin niya' ruq'ij-ruk'ojlen ri Dios.

Romanos 2:1

Roma ri' kan man yixtikir ta nibij chi maneq imak, roma xa yixch'on chikij ch'aqa' chik winaqi' y nibij chi man utz ta ri kibanobal ri yebanon mak ri keri'. Jak'a rix xa kan keri' chuqa' niben, y roma ri' xa iyon niya-iwi' pa k'ayew.

Wuj Richin ri Isaías 66:23

Xtibanatej k'a chi ronojel ik' y q'ij richin uxlanen, kan konojel k'a winaqi' richin chijun ruwach'ulew xkepe richin nokiya' nuq'ij. Yin Jehová ri yibin.

Wuj Richin Etamabel-Tzij 3:9

Rat kan taya' k'a ruq'ij ri Jehová rik'in ri abeyomel, kan taya' k'a ruq'ij rija' rik'in ri nabey taq ruwech ri atiko'n

Wuj Richin Bix Chire ri Dios 95:6

Kixanpe k'a, tiqaya' ruq'ij ri Jehová, y tiqaqasaj-qi' chuwech. Kan qojxuke' k'a chuwech ri Jehová ri xbanon qichin.

Wuj Richin Bix Chire ri Dios 86:9

Konojel tzobaj winaqi' ri xe'aben, xkepe chawech y xtikiya' aq'ij rat ajaw. ¡Kan xtikinimirisaj k'a ri abi'!

Wuj Richin Bix Chire ri Dios 22:29

Konojel ri e beyoma' kan xkexuke' chawech y xtikiya' aq'ij, roma konojel re winaqi' re' xa kan xke'ok chik poqolaj, y kiyon rije' kan man yetikir ta nikiya-qa kik'aslen.

Wuj Richin Bix Chire ri Dios 22:27

Konojel k'a ri winaqi' ri e richin chijun ruwach'ulew, xkepe y xtikiya' aq'ij. Chi achijlonela', ixjayilonela' y alk'ualaxela', xtikiya' aq'ij.

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.

Deut 26:17

Wakami kan xijikiba' k'a itzij chi kan ja ri Jehová ri i-Dios, y kan nitzeqelibej ri rubey y niben ri nubij ri pixa' ri xuya' chiwe, y chi kan jantape' xtinimaj rutzij.

Deut 26:4

Ri sacerdote xtuk'en k'a ri chakech ri niya-apo chire, y xtuya-apo chuwech ri porobel richin ri Jehová ri qa-Dios;

Deut 26:2

Jari' k'a xtik'uaj ri nabey ruwech ronojel ri itiko'n ri xtiben-qa chuwech ri ruwach'ulew y niya-el chupan jun chakech. Y yixbe ri akuchi k'o-wi ri rachoch ri Jehová richin xtinatex ri rubi' chiri'.

Deut 18:4

Chuqa' k'o chi nikik'ul ri nabey taq ruwech tiko'n richin ri jalajoj ruwech ixin, ri vino, ri aceite y ri nabey rusumal ri karne'l ri nisokaj-el.

Ex 22:29

Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Deut 8:18

Toqaqa k'a chi ik'u'x ri Jehová ri qa-Dios roma kan ja rija' ri xtiya'on ronojel ri uchuq'a' y ri ch'obonik chiwe richin xkixbeyomer, richin nuben ri rujikiban kik'in ri qati't-qamama', achi'el re xqatz'et yan.

Wuj Richin Etamabel-Tzij 10:22

Ri urtisanik richin ri Dios, kan nuk'en-pe beyomel chike ri winaqi'; y ri winaqi' xa man rik'in ta k'a tijoj-poqonal toq nikiq'i-q'anej ri'.