Deut 25:1 - Kaqchiquel Bible

¹ Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Deut 25:1 ပူးပေါင်းရင်းမြစ်များ

Wuj Richin Etamabel-Tzij 17:15

Ek'o yebanon chi ri aj-mak choj rubanobal nikiben chire y ri maneq rumak nikiben aj-mak chire; chi ka'i' banobel re' kan itzel k'a nitz'et roma ri Jehová.

San Mateo 3:10

Y pa ruwi' ri' nich'on-wi ri tzij: Ri ikej e naban chik chuxe' ronojel ri che' ri man nikiya' ta kiwech, richin yechoy. Y ronojel k'a ri che' ri xkechoy, xkek'aq pa q'aq', nicha'.

Wuj Richin ri Malaquías 3:18

Jari' k'a toq rix xtitz'et chi man junan ta ri xtinben chike ri e choj y ri itzel kik'aslen, y keri' chuqa' xtitz'et rukojolil ri xkesamajin wichin y ri man xkesamajin ta wichin.

Wuj Richin ri Habacuc 1:13

Rat Jehová kan at ch'ajch'oj y man nakoch' ta natz'et ri mak. Chuqa' man nakoch' ta natz'et ri etzelal ri yebanatej. ¿Achike k'a roma xtaya' q'ij chike ri aj-Babilonia richin xtikiben ri etzelal? ¿Achike k'a roma kan man jun xtabij, toq rije' xqojkiya' pa tijoj-poqonal, stape' roj más choj qak'aslen chikiwech rije'?

Wuj Richin ri Habacuc 1:4

Ri apixa' xa kan maneq chik rejqalen niban chire. Xa kan man jun chik ruchojmilal nibanatej. Ri e banoy etzelal kan jantape' k'a e kitzeqeliben ri choj kik'aslen. Y ri winaqi' xa nikixotoba' ri ruchojmilal.

Ez 44:24

Toq k'o jun ch'ojikil chi'ikojol, rije' xke'ok to'onela' y xtikiq'et-tzij achi'el nubij chupan ri nupixa'. Chuqa' rije' kan k'o chi xtikitzeqelibej ri ruchojmilal, k'o chi nikinimaq'ijuj ronojel nimaq'ij y xtikiya' rejqalen ronojel q'ij richin uxlanen.

Wuj Richin ri Jeremías 21:12

Rix ri aj pa rachoch kan ri rey David, kan tiq'ata' k'a tzij pa ruchojmilal ronojel q'ij. Kan tikolo' ri wineq ri nitz'ilox roma jun chik wineq. Roma wi man keri' ta xtiben y man niya' ta kan ri itzel taq ibanobal, ninwelesaj woyowal chiwij ri achi'el q'aq' rubanik. Nik'at k'a y man jun nitikir nichupun. Yin Jehová ri yibin.

Wuj Richin ri Isaías 11:4

Xtuq'et k'a tzij pa ruchojmilal pa kiwi' ri man jun k'o kik'in, chuqa' kan pa ruchojmilal xtuq'et-tzij pa kiwi' ri man kinimirisan ta ki'. Ronojel ri xtubij, jari' ri xtibanatej chupan chijun ruwach'ulew, Y rija' kan xkerukamisaj k'a konojel ri e banoy taq etzelal.

Wuj Richin ri Isaías 5:23

Rix chuqa' yixpuaqix xaxe richin chi nibij chi ri wineq man jun rumak. Jak'a rik'in ri wineq ri choj ruk'aslen, kan man niben ta ri k'atzinel.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Wuj Richin ri Isaías 1:17

Tiwetamaj niben ri utz. Kan titija' iq'ij richin nikanoj ri ruchojmilal. Kan ke'ito' ri yetz'ilox. Kan tibana' pa ruchojmilal kik'in ri meba'i'. Y kan ke'ito' ri malkani' toq ek'o chuwech ri q'atbel-tzij.

2 Sam 23:3

Ri qa-Dios roj israelita xch'on. Ja ri to'onel qichin ri xbin re ch'abel re' chuwe: Toq jun niq'aton-tzij pa ruchojmilal, kan achi'el ri saqil ri nel-pe nimaq'a' yan ri man jun sutz' k'o chuwech. Toq jun q'atoy-tzij kan k'o rukiy ri Dios chuwech, kan achi'el ri job ri nibanon chi nibek'ulun-pe ri q'ayis pan ulew.

Ex 22:9

Xabachike k'a wineq wi nibe'ilitej-pe jun bóyix rik'in, jun bur, jun karne'l, tzieq o xabachike y k'o jun ri nibin chi richin rija', re ch'ojinik re' xtuk'uex k'a chikiwech ri to'onela'. Y ri xtel aj-mak xtutzolij k'a ri rubanon-qa richin chire y xtuya' chik el jun pa ruwi' y xtuya-el chire ri rachpochel.

Deut 17:11

Kan tibana' k'a ronojel ri nubij ri pixa' y ri ruchojmilal ri achi'el ri nikibij-pe rije' chiwe, y man tijech'ej kan iwi' pa iwijkiq'a' y ni ta pa iwajxokon.

Deut 24:22

Toqaqa k'a chi'ik'u'x chi rix chuqa' kan man jun xk'oje' iwik'in toq xixk'oje' pan Egipto; roma ri' yin nibij chiwe chi titaqej ronojel re'.

1 Rey 8:32

rat Ajaw kan tawak'axaj ri chila' chikaj, y xtaben k'a ri ruk'amon. Xtaq'et-tzij pa kiwi' ri winaqi' ri'. Kan xtaben k'a chi xtiqaqa ri ruk'ayewal pa ruwi' ri aj-mak, y xtaben k'a ri ruchojmilal pa ruwi' ri maneq rumak. Rik'in ri chojilej aq'atbel-tzij, rat xtaq'et-tzij pa kiwi'.

Wuj Richin ri Isaías 5:20

¡Kan toq'ex k'a iwech ri nibij utz chire ri itzel, y nibij itzel chire ri utz! Kan niben chire ri saqil, q'equ'm y chire ri q'equ'm, saqil. Kan niben k'ey chire ri ki', y chire ri ki' niben k'ey.

Wuj Richin ri K'uxla'anik 3:35

Toq man pa ruchojmilal ta niq'at-tzij pa ruwi' jun chik, ri nimalej Dios kan nutz'et ronojel;

Wuj Richin ri K'uxla'anik 3:36

toq nijal rubanik ri qitzij toq k'o jun ch'ojikil, ronojel re banobel re' kan man utz ta nutz'et ri Jehová.