Deut 24:8 - Kaqchiquel Bible

⁸ Rik'in juba' nipe ta chiwij jun itzel laj yabil ri nutaluj-ri' kan titaqej k'a ronojel ri nikibij ri e sacerdote levita chiwe ri nubin yin chike.

Deut 24:8 ပူးပေါင်းရင်းမြစ်များ

Wuj Richin ri Chojmirisabelri'il 14:2

Jare' ri ruchojmilal pa ruwi' ri jun wineq richin nich'ajch'ojir chire jun chike ri itzel taq yabil ri nutaluj-ri'. Ri q'ij toq niq'alajirisex chi ch'ajch'oj chik ri wineq ri', jari' toq ri sacerdote nel-el chirij ri akuchi ek'o-wi-qa. Y ri wineq ri' k'o chi napon rik'in. Y rija' xtutz'et ri yawa' wi k'a k'o na ri itzel yabil chirij.

San Lucas 17:14

Ri Jesús kan xerutzu' y xubij chike chi kebiyin y tibekik'utu-ki' chikiwech ri sacerdote. Rokik k'a kichapon-el binen richin nibekik'utu-ki' chikiwech ri sacerdote, jari' toq ri yabil xk'is-el chikij y xech'ajch'ojir.

San Lucas 5:14

K'ari' ri Jesús xubij chire: Ninchilabej chawe chi man jun achoq chire tatzijoj-wi, xa choj kabiyin pa rachoch ri Dios richin tabek'utu-awi' chuwech ri sacerdote. Tasuju' ri sipanik ri nubij chupan ri wuj ri rutz'iban kan ri Moisés richin naq'alajirisaj chikiwech ri winaqi' chi at ch'ajch'oj chik, xcha-el chire.

Marcos 1:44

y xubij: Man jun achoq chire tatzijoj-wi, xa choj kabiyin pa rachoch ri Dios richin tabek'utu-awi' chuwech ri sacerdote. Tasuju' ri sipanik ri nubij chupan ri wuj ri rutz'iban kan ri Moisés richin naq'alajirisaj chikiwech ri winaqi' chi at ch'ajch'oj chik, xcha-el chire.

San Mateo 8:4

K'ari' ri Jesús xubij chire: Ninchilabej chawe chi man jun achoq chire tatzijoj-wi, xa choj kabiyin pa rachoch ri Dios richin nabek'utu-awi' chuwech ri sacerdote. Tasuju' ri sipanik ri nubij chupan ri wuj ri rutz'iban kan ri Moisés richin naq'alajirisaj chikiwech ri winaqi' chi at ch'ajch'oj chik, xcha-el chire.

Wuj Richin ri Chojmirisabelri'il 13:57

Y wi nibek'ulun chik pe ri pus, nel chi tzij chi xa ruchapon ninimer, y ri achoq chikij k'o-wi ri pus, kan xkeporox k'a.

Wuj Richin ri Jeremías 33:18

Chuqa' jantape' xtik'oje' jun sacerdote ri rijatzul kan ri Leví, richin ronojel q'ij nusuj sipanik ri niporox chijun, ri sipanik richin jalajoj ruwech ixin y nusuj ch'aqa' chik kamelabel chinuwech, xcha'.

Wuj Richin ri Chojmirisabelri'il 14:14

Xeri', ri sacerdote nuk'uaj-el juba' rukik'el ri chikop, y jari' ri nuya' juba' chirij ri wineq ri nuch'ajch'ojirisaj-ri': nuya' juba' chutza'n-qa ri ruxikin, chuwi' ri nim ruwi-ruq'a' y chuqa' chuwi' ri nim ruwi-raqen ri ek'o pa rijkiq'a'.

Wuj Richin ri Chojmirisabelri'il 14:57

richin keri' rix yixtikir nitz'et ri ch'ajch'oj y ri man ch'ajch'oj ta. Jare' ri ruchojmilal ri k'o pa kiwi' ri itzel taq yabil ri nikitaluj-ki'.