Deut 24:6 - Kaqchiquel Bible

⁶ Wi k'o jun wineq k'o nuqej iwik'in man tik'utuj kan ri ruka' o ri ruq'a' ruka' chire richin jun retal chi nutzolij ri ruk'as chiwe, roma re' xa kan achi'el ja ta ri ruk'aslen ri nik'utuj kan.

Deut 24:6 ပူးပေါင်းရင်းမြစ်များ

San Lucas 12:15

Jari' toq ri Jesús xch'on chike ri winaqi' ri kimolon-apo-ki' y xubij: Kan titzu' k'a qa iwi' jebel, richin chi man tipe rayinik iwik'in. Roma stape' janila k'iy rubeyomel jun wineq, man ja ta ri' ri xtiya'on ruk'aslen, xcha'.

Deut 20:19

Wi rix nichop chi oyowal jun tinamit, y k'o chi yixk'oje' chupan k'iy q'ij richin yixtikir nik'en kan chuwi-kiq'a'; man ke'iqasaj ri che' rik'in ikej, roma nik'atzin ri kiwech chiwe richin ye'itej, xa taq che' chuqa' richin pa taq juyu' y man e achi'a' ta richin yetikir nikikol-ki' chiwech rix. xbanon

Wuj Richin ri Rutikeribel 44:30

Jak'a re wakami achike xtiqaben re xqojtzolin-el rik'in ri qatata', wi man qak'uan ta ri qachaq', roma ri qatata' kan rik'in ri qachaq' k'o-wi ri ránima roma janila nrajo'.

Apocalipsis 18:22

Ni man jun bey chik xtik'ases ta ri pa taq rubey rik'in ri kich'abel ri arpa, ri trompeta y ri xul. Chuqa' man xkek'oje' ta chik samajela' ri yebanon jalajoj ruwech samaj y man xkeq'ajan ta chik ri ka'.

San Mateo 24:41

Y wi ek'o ta e ka'i' ixoqi' ri junan yeke'en, ri jun xtuk'uex-el y ri jun chik xtik'oje' kan.

Deut 24:5

Ri jun achin ri k'a juba' tik'ule', man xtitaq ta el pa labal, ni man xtiya'ox ta chik jun samaj chire; kan xtik'oje' pa rachoch jun juna' richin keri' nuya' kikoten chire ri rixjayil ri k'a juba' tik'ule' rik'in.

Deut 24:7

Wi jun wineq nilitej chi releq'an-el jun ruwinaq richin nibe'ok rusamajel o richin nuk'ayij-el, ri nibanon keri' kan xtikamisex, richin nik'is-el ri etzelal chi'ikojol rix.

Wuj Richin ri Achin Job 22:6

Roma toq ri awach'alal xkiben jun kiqajo'n awik'in, kan k'o na chi k'o xkiyuquba' kan awik'in y xa maneq achike roma xaben keri', kan xawelesaj kan ri kitziaq ri nikiq'uj, kan xaben k'a chike chi tew xkina'.