Deut 24:19 - Kaqchiquel Bible

¹⁹ Toq xtapon ri q'ij richin q'atoj trigo chupan ri iwulew, wi rix nimestaj kan jun q'etaj trigo, man kixtzolin chik richin nibek'ama-pe. Re' xa kan tik'oje' kan richin nikik'uaj ri man e iwinaq ta ri ek'o chi'ikojol o jun meba' o jun malka'n, richin keri' ri Jehová ri qa-Dios kan xtuya' urtisanik pa ruwi' ronojel ri xtiben.

Deut 24:19 ပူးပေါင်းရင်းမြစ်များ

Wuj Richin ri Chojmirisabelri'il 23:22

Toq napon ri q'ij richin nik'ol ri tiko'n man k'a tikanoj-pe ronojel y man k'a tipich'olij-pe ri xk'oje' kan, roma re' kan tiya' kan chike ri man jun k'o kik'in y chike ri man e iwinaq ta, yin Jehová, ri Dios iwichin rix ri yibin, xcha'.

Deut 14:29

richin niya' chike ri levita ri man jun nikichinaj kan chi'ikojol, chuqa' ri man e iwinaq ta ri ek'o chi'ikojol, ri meba'i' y ri e malkani' ri ek'o pan itinamit richin xkewa-xke'uk'ya' jebel. Richin keri' ri Jehová ri qa-Dios xtuya' urtisanik pan iwi' rik'in ronojel ri xtiben.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

San Lucas 6:38

Wi rix rik'in ronojel iwánima ye'ito' ri winaqi' rik'in ri nik'atzin, ri Dios xtuya' chuqa' ri rajel-ruk'exel chiwe, achi'el toq nanojisaj jun chakech rik'in ixin. Kan nasiloj jebel richin k'iy nibe chupan. K'ari' jebel napitz'-qa, y napulisaj. Kan achi'el ri niben rix kik'in ri winaqi', kan keri' chuqa' xtuben ri Dios iwik'in rix.

Wuj Richin ri Isaías 32:8

Jak'a ri wineq ri utz, kan utz yeruch'obola', y rik'in utzilej rubanobal, kan xtinimirisex ri ruq'ij.

Wuj Richin Bix Chire ri Dios 112:9

Rija' kan man k'ek' ta; kan yeruto' ri man jun k'o kik'in. Ri ruchojmilal kan jari' ri nuben jantape'. Rija' xtuk'ul ruwaq'ijaj jantape'.

Wuj Richin ri Achin Job 42:12

Y ri Jehová kan más k'a xrurtisaj ri Job chupan ri ruk'isibel taq rujuna' chire ri ruk'aslen, kan más k'a k'iy ri beyomel ri xuya' chire ke chuwech ri pa nabey; kan xek'oje' e 14,000 rukarne'l, e 6,000 ru-camello, e 1,000 k'ulaj rubóyix y e 1,000 taq rubur.

Deut 26:13

Jari' k'a toq kere' xtibij chire ri Jehová ri qa-Dios: Kan xinch'er yan kan ri nutiko'n ri ninya' chawe rat; richin xtintaluj chikiwech ri e levita y ri man e nuwinaq ta, richin xtinya' chike ri meba'i' y ri malkani', achi'el ri abin chuwe. Y man nuq'ajon ta ruwi' re apixa' re', y man numestan ta ri rubanik.

Wuj Richin ri Rut 2:16

Y chuqa' tibana' utzil chi kan pa rubanik tibana' chi nitzaqala' kan juba' richin numol-el rija', y man kixch'olin chirij, xcha' ri Booz chike.

Deut 15:10

Kan tiya' k'a ri nik'atzin chire rik'in ronojel ri iwánima, y man tiben k'ek'el rik'in. Roma re utzilej banobel re' ri Jehová ri qa-Dios xtuya' urtisanik pan iwi' rik'in ronojel ri ye'iben.

San Lucas 6:35

Jak'a rix xa ke'iwajo' ri winaqi' ri ye'etzelan iwichin. Kan utz tibana' kik'in. Y toq rix k'o niya' pa qajik, man k'a tiwoyobej ri qajibel richin. Richin keri' nim ri rajel-ruk'exel ri xtik'ul, y xtiq'alajin k'a chi kan ix ralk'ual chik ri nimalej Dios ri k'o chila' chikaj. Roma rija' janila utz kik'in ri winaqi' ri janila e itzel, y ri man jun bey yematioxin.

Wuj Richin Etamabel-Tzij 14:21

Ri wineq ri kan nrixowaj ri rachk'uljay, kan mak wi ri nuben; jak'a ri wineq ri kan nujoyowaj ruwech ri man jun k'o rik'in, jebel ruwa-ruq'ij.

Deut 24:18

Man k'a timestaj chi rix chuqa' xixxime' pa samaj pan Egipto, y ri Jehová ri qa-Dios xixelesan-pe chiri'. Roma ri' ninbij chiwe richin kan titaqej ronojel re'.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.