Deut 24:17 - Kaqchiquel Bible

¹⁷ Kan tibana' pa ruchojmilal kik'in ri man e iwinaq ta y ri meba'i'. Y chuqa' man tik'utuj jun rutziaq ri malka'n richin qajbel richin ri ruk'as.

Deut 24:17 ပူးပေါင်းရင်းမြစ်များ

Deut 16:19

Kan tibana' ronojel pa ruchojmilal. Man tiben chi niya' chire jun ri xa man ruk'amon ta richin nuk'ul, y man tiben chi man niya' ta chire jun ri ruk'amon richin nuk'ul. Man tirayij chi yixpuaqix. Roma wi keri' niben xa nuben chiwe richin nutz'apej runaq'-iwech richin niben pa ruchojmilal y ri iq'atbel-tzij xa nuben chi ja ri e choj yeqaqa kan chuxe'.

Ex 23:6

Man jun bey tiben chi man niben ta jun chojmilej q'atbel-tzij rik'in jun wineq, xaxe roma nitzu' chi man jun ok k'o rik'in.

Wuj Richin ri Miqueas 7:3

Konojel ri winaqi' kan e nowineq k'a chubanik etzelal. Ri e tata'al man jun nikiben wi maneq naya' chike. Ri to'onela' xa nikik'ayij-ki'. Ri winaqi' ri k'o kuchuq'a' xa nikiben ri nikajo' rije'. Y konojel xa kiya'on chikiwech.

Wuj Richin ri Jeremías 5:28

Y kan janila e ti'oj, roma jebel yetzuq. Ri kimak kan ik'owineq chik ruwi' ri nikiben, roma man nikiben ta pa ruchojmilal kik'in ri meba'i', ni man nikiq'et ta tzij pa ruchojmilal pa kiwi' ri man jun ok k'o kik'in.

Wuj Richin ri Isaías 1:23

Ri e aj-raqen ri ek'o pan iwi' kan man e nimey ta tzij, y kan xe'ok kachibil ri eleq'oma'. Chikijujunal niqa' chikiwech chi yepuaqix, y xaxe sipanik nikajo' nikik'ul. Man nikiben ta pa ruchojmilal kik'in ri meba'i', ni man yekito' ta ri malkani' toq ek'o chuwech ri q'atbel-tzij.

Deut 1:17

Man tiben rukojolil kik'in ri winaqi' chupan jun q'atoj-tzij, xa junan tibana' kik'in, chi k'o kiq'ij chi maneq kiq'ij. Man jun achoq chuwech tixibij-iwi', roma re q'atoj-tzij re' kan richin ri Dios. Wi k'o jun k'ayew nuben chiwech, tik'ama-pe wik'in yin, richin chi ja yin ri yichojmirisan, xicha' chike.

Ex 23:9

Man ke'iya' pa bis ri man e iwinaq ta ri ek'o chi'ikojol. Rix iwetaman ri nuna' ri kánima rije' roma ri man e iwinaq ta, roma xa kan xina' yan toq xixk'oje' pan Egipto.

Ex 23:2

Man jun bey ke'itzeqelibej ri winaqi' roma e k'iy y xa man utz ta ri nikiben. Kan man jun bey k'a tixotoba' rubanik ri chojmilal, xaxe roma e k'iy chike ri winaqi' ri yebin.

Santiago 2:6

Man rik'in ri', rix xa iqasan kiq'ij ri winaqi' ri man jun ok k'o kik'in. ¿Kan man noqaqa ta k'a chi'ik'u'x chi xa ja ri beyoma' ri yeya'on iwichin pa k'ayew? ¿Man noqaqa ta chi'ik'u'x chi xa ja chuqa' rije' ri yixqiriren-apo pa taq q'atbel-tzij richin nikiq'abaj tzij chiwij?

San Lucas 3:14

Chuqa' ek'o ka'i-oxi' aj-labal, xkik'utuj-apo chire: Roj, ¿achike ruk'amon chi niqaben?, xecha'. Ri Juan xubij chike: Man jun tiwelesaj chuwi kiq'a' ri winaqi', xaxe roma k'o q'atbel-tzij pan iq'a'. Ni man jun achike ke'iq'abala' chikij winaqi'; xa kan kixkikot rik'in ri nich'ek, xcha' chike.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Zacarías 7:10

Man ke'itz'ila' ri malkani', ri e meba'i', ri man e iwinaq ta y winaqi' ri man jun k'o kik'in, y man jun xtipe ta pa ránima chi xtuch'ob ta itzel chirij ri rachpochel.

Ez 22:29

Y rix winaqi' xa niwelesaj beyomel chuwi-kiq'a' ri xa kichin ch'aqa' chik, chuqa' ichapon rubanik eleq', ye'iya' pa tijoj-poqonal ri man jun k'o kik'in y ri man e iwinaq ta. Y man niben ta pa ruchojmilal, kacha' chike.

Ez 22:7

Ek'o winaqi' chi'ikojol ri man nikiya' ta kiq'ij ri kite-kitata'. Chuqa' rix niben chike chi nikitej poqon ri man e iwinaq ta, y kan nik'o chik ruwi' ri niben chike ri meba'i' y ri malkani'.

Wuj Richin ri Jeremías 22:3

Kere' nubij ri Jehová: Tiq'ata-tzij pa ruchojmilal y tikolo' ri nitz'ilox roma jun chik wineq y man ke'iq'ol. Man kixeleq' kik'in ri man e iwinaq ta, ni kik'in ri meba'i', ni kik'in ri malkani'. Chuqa' man ke'ikamisaj ri winaqi' ri xa maneq kimak.

Wuj Richin ri Isaías 33:15

¿Achike kami wineq ri nibiyin pa ruchojmilal? Ri nibin ri qitzij; ri man nibeyomer ta rik'in ri man ruch'akon ta; ri man nuya' ta q'ij chi nipuaqix; ri man nrajo' ta nrak'axaj toq niban ch'owen chirij jun kamik; y ri man nuch'ob ta nuben ri itzel taq banobel.

Wuj Richin ri Isaías 3:15

Y nuk'utuj chuqa' chike ri achike roma nikiben chi nikitej poqon ri rutinamit, y achike roma toq nikikich kipalej pa poqolaj ri man jun k'o kik'in. Keri' nuk'utuj ri Jehová ri k'iytisanel richin ronojel.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin Etamabel-Tzij 31:5

Man xa roma ri tijoj ya', tikimestaj ri tzij richin ruchojmilal ri kibin chik, y xa nikimestaj ri choj rukusaxik ri chojmilal, kik'in ri winaqi' ri nikitej poqon.

Deut 24:13

K'o chi nitzolij-el chire toq niqaqa yan qa ri q'ij, richin keri' k'o nuq'uj-qa toq niwer-qa. Keri' rija' xtroyoj urtisanik pan iwi' y kan xtiben jun utzilej banobel chuwech ri Jehová ri qa-Dios.

Deut 24:6

Wi k'o jun wineq k'o nuqej iwik'in man tik'utuj kan ri ruka' o ri ruq'a' ruka' chire richin jun retal chi nutzolij ri ruk'as chiwe, roma re' xa kan achi'el ja ta ri ruk'aslen ri nik'utuj kan.

Wuj Richin ri Chojmirisabelri'il 19:33

Man k'a ke'iwetzelaj ri man e iwinaq ta ri ek'o chi'ikojol.

Deut 24:18

Man k'a timestaj chi rix chuqa' xixxime' pa samaj pan Egipto, y ri Jehová ri qa-Dios xixelesan-pe chiri'. Roma ri' ninbij chiwe richin kan titaqej ronojel re'.

Wuj Richin ri Achin Job 22:6

Roma toq ri awach'alal xkiben jun kiqajo'n awik'in, kan k'o na chi k'o xkiyuquba' kan awik'in y xa maneq achike roma xaben keri', kan xawelesaj kan ri kitziaq ri nikiq'uj, kan xaben k'a chike chi tew xkina'.

Wuj Richin ri Achin Job 24:3

Yekeleq'aj-el ri taq kibur ri meba'i', y kan yekimej ri kibóyix ri malkani', ri e yuqul kan roma k'as.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.