Deut 24:16 - Kaqchiquel Bible

¹⁶ Ri te'ej-tata'aj man yekamisex ta roma kimak ri alk'ualaxela', y ni ta ri alk'ualaxela' man yeken ta roma ri kimak ri kite-kitata', xa kan chikijujunal k'o chi yekamisex roma ri kimak.

Deut 24:16 ပူးပေါင်းရင်းမြစ်များ

Ez 18:20

Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.

2 Crón 25:4

Jak'a man xerukamisaj ta k'a ri kalk'ual rije'; xa kan xuben achi'el ri tz'ibatel kan chupan ri wuj richin ri pixa' ri ruya'on kan ri Moisés, akuchi nubij-wi ri Jehová, chi man yeken ta ri te'ej-tata'aj roma ri kimak ri alk'ualaxela', ni ri alk'ualaxela' roma ri kimak ri te'ej-tata'aj; xa kan chikijujunal k'a xkeken roma ri kimak.

Wuj Richin ri Q'axanri'il 26:11

Jak'a ri e ruk'ajol ri Coré k'a xek'oje' na kan: Rije' man xeken ta.

Dn 6:24

Chirij ri' ri rey kan xubij k'a chi kebek'amer-pe ri achi'a' ri nich'upun kik'u'x chirij ri Daniel, y kek'aq chupan ri jul ri akuchi ek'o-wi ri koj. Kan keri' k'a xban chike ri achi'a' ri', e kachibilan ri kixjayilal y ri kalk'ual. Y kan k'a man jani k'a ke'apon-qa kik'in ri koj, kan ja yan ri' xkik'eq-pe-ki' ri koj chikij, y kan xekiwech'.

1 Sam 22:16

Jari' toq ri rey xubij: Wakami k'a, kan xkaken rat y konojel ri aj pa rachoch kan ri atata', xcha'.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.