Deut 24:15 - Kaqchiquel Bible

¹⁵ Toq nuk'is ri q'ij, kan jari' titojo-el chire, y man tiben chi nik'is-qa ri q'ij y man niya' ta chire ri xuch'ek, roma rija' xa man jun k'o rik'in y xaxe rik'in ri' nuq'axibej-wi-ri'. Richin keri' man nisujun ta chuwech ri Jehová ri qa-Dios chiwij y man yixqaqa ta pa mak rix.

Deut 24:15 ပူးပေါင်းရင်းမြစ်များ

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.

Wuj Richin ri Jeremías 22:13

Y ri Dios xuya' chik re jun rutzijol re': Toq'ex ruwech ri rey ri nupaba-q'anej ri rachoch ri xa man pa ruchojmilal ta ri nuben, roma xa nuben chire ri ruwinaq chi nisamej rik'in y man nutoj ta.

Deut 15:9

Man tiya' q'ij chi nipe itzel taq ch'obonik iwik'in y nibij: Xa noqaqa yan ri juna' wuqu' toq nikuyutej ronojel k'as, yixcha-qa. Y roma ri' xa kan itzel chik k'a xtitz'et y man jun niya' chire. Man k'a tiben keri', roma rija' xa xtisujun-q'anej chuwech ri Jehová y rix kan xtiban chiwe chi kan ix aj-mak.

Wuj Richin ri Achin Job 35:9

Ri winaqi' xaxe ok toq nipe ruk'ayewal chikij ye'oq', kan nikajo' k'a chi k'o ta jun ri yekolon pa kiq'a' ri yeya'on kichin pa ruk'ayewal.

Wuj Richin ri Achin Job 34:28

Rije' kan man xekito' ta ri winaqi' ri man jun k'o kik'in y roma ri' ri koq'ej ri winaqi' ri' xapon k'a rik'in ri Dios; y rija' kan xrak'axaj k'a ri koq'ej ri kan k'o nik'atzin chike.

Marcos 10:19

Yin ninbij chi rat jebel awetaman ri lajuj pixa' ri xuya' ri Dios chire ri Moisés ojer kan, chi man tiben kamik, chi ri e k'ulan man tikikanoj jun chik, chi man kixeleq', chi man tiyek-tzij chirij jun chik wineq, man tiq'ol jun wineq y tiya' kiq'ij ri ite-itata', xcha'.

San Mateo 20:8

Jak'a toq xqaqa-qa ri q'ij, ri rajaw ri ulew xubij k'a chire ri k'o pa kiwi' ri samajela': Ke'awoyoj-pe konojel ri samajela' y ke'atojo-el. Nabey ye'atoj-el ri xe'oqaqa pa ruk'isibel y xkeruk'isibej kan ri xe'oqaqa pa nabey, xcha'.

Wuj Richin ri Isaías 5:7

Ri Jehová k'iytisanel richin ronojel, jari' ri rajaw ri tiko'n. Y ri tiko'n ri kan janila nrajo', re' kan nuk'exewachuj k'a konojel ri qawinaq israelita. Y re qejoj re' kan jare' ri k'o más rejqalen. Ri Jehová kan royoben k'a chi xkitaqej ta ri rupixa', jak'a xa ruyon kamik ri xkiben. Royoben k'a ruchojmilal, jak'a xa ruyon raqoj-chi'ij richin q'axo'n ri nrak'axaj.

Wuj Richin Bix Chire ri Dios 86:4

Tabana' chi yikikot yin ri in asamajel, y ri nuch'owen kan choj ta nibe-q'anej awik'in rat.

Wuj Richin Bix Chire ri Dios 25:1

Jehová, chawe rat ninya-wi ri nuch'owen.

Wuj Richin Bix Chire ri Dios 24:4

Xa kan xaxe k'a ri ch'ajch'oj kibanobal y ch'ajch'oj kánima, ri man kikuquban ta kik'u'x rik'in ri wachibel, ni man jun q'olonik nikiben.

Wuj Richin ri Achin Job 31:38

Ri wulew kan q'alaj chi man jun bey xe'oq' ta, roma man jun itzel banobel xinben. ri boloj ri ek'o pa wulew kan q'alaj chuqa' chi man xebison ta;

1 Timoteo 5:18

Roma ri ruch'abel ri Dios nubij;*f2* chi ri bóyix, toq nich'ayon trigo, man ruk'amon ta niya'ox ru-bosal. Y chi ri samajel k'o chi nitoj roma ri samaj ri nuben.

Wuj Richin ri Chojmirisabelri'il 25:35

Wi k'o ta jun iwinaq nipe ta jun ruk'ayewal chirij, y napon ta iwik'in, kan tito'. Tibana' utzil chire richin xtik'ase' chi'inaqaj achi'el jun man iwinaq ta ri k'o chi'ikojol, o xa choj q'axel.

Wuj Richin ri Achin Job 31:13

Wi yin man ta xinchojmirisaj ri kich'ojinik ri nusamajela', wi man ta xinwak'axaj ri ruch'ojinik ri nusamajel achin y ri ruch'ojinik ri nusamajel ixoq, toq xe'oqaqa wik'in,

Wuj Richin ri Achin Job 7:2

Ri wineq xa achi'el ri loq'on samajel ri janila nurayij jun muj; y xa achi'el chuqa' ri aj-chiq'ij samajel ri kan royoben chi nuk'ul ri rajel, roma xa roma ri' nisamej.

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.