Deut 24:14 - Kaqchiquel Bible

¹⁴ Man tikamisaj pa samaj ri samajel ri nisamej chi q'ij iwik'in, ni man tiyek-qa ri xuch'ek yan, stape' iwinaq o man iwinaq ta.

Deut 24:14 ပူးပေါင်းရင်းမြစ်များ

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Wuj Richin Etamabel-Tzij 22:16

Ri wineq ri kan k'o ri nutz'oq chuwi-kiq'a' ri xa man jun ok k'o kik'in, xaxe richin chi rija' nibeyomer, y rija' k'o chi nutoj chire jun wineq más beyom, rija' xa nik'oje' chuqa' kan pa meba'il.

Am 4:1

Rix ixoqi' aj-Samaria, kan janila ix ti'oj, achi'el ri wákix ri ek'o pa ruwach'ulew Basán. Rix kan janila ye'itz'ila' ri winaqi' ri man jun k'o kik'in. Rix niben chike ri iwachijilal chi tikik'ama-pe más vino richin yixq'aber. Roma ri' tiwak'axaj re ch'abel re':

San Lucas 10:7

Rix kan kixk'oje' k'a qa chupan ri jay ri yixapon-wi y kan titija' y tiqumu' ri xtikisipaj chiwe, roma ri samajel kan ruk'amon-wi chi nitoj roma ri samaj ri nuben. Y man k'a tijalala' ri jay ri akuchi yixk'oje-wi.

Am 2:7

Xekitz'ila' y xkiqasaj kiq'ij ri winaqi' ri man jun k'o kik'in. Y kan man xkiben ta ruchojmilal pa kiwi' ri winaqi' ri man jun kiq'ij. Ri tata'aj y ri k'ajolaxel, xa jun ixoq nikikanoj richin yek'oje' rik'in chi e ka'i'. Rik'in re' nikiben chuwe yin chi maneq rejqalen ri loq'olej nubi'.

Am 8:4

Tiwak'axaj k'a rix winaqi' ri yixtz'ilo kichin ri maneq ok kiq'ij, y xa kan niben chike ri man jun ok k'o kik'in chi yek'oje' kan más pa meba'il.

Ez 22:7

Ek'o winaqi' chi'ikojol ri man nikiya' ta kiq'ij ri kite-kitata'. Chuqa' rix niben chike chi nikitej poqon ri man e iwinaq ta, y kan nik'o chik ruwi' ri niben chike ri meba'i' y ri malkani'.

1 Timoteo 5:18

Roma ri ruch'abel ri Dios nubij;*f2* chi ri bóyix, toq nich'ayon trigo, man ruk'amon ta niya'ox ru-bosal. Y chi ri samajel k'o chi nitoj roma ri samaj ri nuben.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Deut 15:7

Wi k'o ta jun chike ri iwinaq ri kan man jun k'o rik'in, ri k'o chupan ri tinamit ri xtuya' ri Jehová ri qa-Dios chiwe, rix kan man tikowirisaj ri iwánima richin nito'. Xa kan tiya' k'a ri k'atzinel chire;