Deut 24:1 - Kaqchiquel Bible

¹ Wi jun achin nik'ule' rik'in jun ixoq y chaq k'ate' man nrajo' ta chik, roma k'o jun ri man utz ta xutz'et chire, jari' toq nuben jun wuj richin jachojri'il y nuya-el chire ri ixoq y xtrelesaj-el pa rachoch.

Deut 24:1 ပူးပေါင်းရင်းမြစ်များ

Wuj Richin ri Jeremías 3:8

Y rije' xkitz'et chi ri tinamit Israel man xkijech ta ki' xaxe chuwe yin, xa xkiya' kiq'ij ch'aqa' chik dios. Roma ri' yin kan xinjech-wi' kik'in y kan xinya' jun wuj chike richin ri qach'arojri'il. Jak'a ri itzel rach'alal Judá xa man xkixibij ta ki' xa kan keri' chuqa' xkiben rije'.

Wuj Richin ri Isaías 50:1

Kere' k'a nubij ri Jehová: Rix walk'ual, ¿akuchi kami k'o-wi ri wuj ri nubij chi yin xinya' kan ri ite', achi'el nuben kan jun achin chire ri rixjayil? ¿Xixink'ayij roma k'o ta nuk'as? Ni, jak'a xa roma imak y ri iyakatajinenri'il. Chuqa' roma ri rumak ri ite', kan xinteq-el nej.

Deut 22:29

ri achin ri xk'oje' rik'in ri xten, xtuya' más juba' jun libra saqipueq chire ri rutata' ri xten. Y ri xten ri' xtok rixjayil ri achin ri' roma xuqasaj ruq'ij; y kan man xtujech ta k'a ri' rik'in chijun ruk'aslen.

Deut 22:19

y xtikiben chire chi xtuya' ka'i' libra rik'in nik'aj saqipueq, y re' xtuya' chire ri rujinan, roma xch'on itzel chirij jun xten chiri' pan Israel. Y chuqa' re achin re' kan jantape' k'a xtik'oje' ri rixjayil rik'in y man xtujech ta k'a ri' rik'in chijun ruk'aslen.

Deut 22:13

Wi jun ala' nik'ule' rik'in jun xten, y toq xk'oje' yan rik'in, xa man nrajo' ta chik,

Deut 24:3

jak'a wi ri ruka'n rachijil niken o napon jun q'ij man utz ta chik nutz'et y nujech-ri' rik'in y nuya' jun wuj richin ch'arojri'il chire y nrelesaj-el pa rachoch,

Ex 21:10

Y wi ta jun chik achin nuloq' jun xten richin nok rixjayil, man ruk'amon ta chi numalij ri nabey rixjayil chi man ta chik nutzuq, man ta nuya' rutziaq y man ta chik nik'oje' rik'in.

San Lucas 16:18

Chuqa' ri Jesús xubij: Wi k'o ta jun achin ri nujech-ri' rik'in ri rixjayil y k'ari' nik'ule' chik rik'in jun ixoq, re achin re' kan nimakun; nuben achi'el k'o ta rik'in jun ixoq itzel ruk'aslen. Y wi k'o jun chik achin ri nuk'uan-el ri ixoq ri rujachon ri' rik'in ri rachijil, chuqa' ri achin ri' nimakun, xcha' ri Jesús.

San Mateo 1:19

Jak'a ri José ri nibe'ok rachijil ri María, kan jun chojmilej wineq wi; y man xrajo' ta xuya' ruk'ix ri María chikiwech ri winaqi', roma ri' xuch'ob chi nuya' kan choj keri' y man nutaluj ta na rutzijol.

Wuj Richin ri Malaquías 2:16

Roma ri' ri Jehová kan nrixowaj toq jun achin nujech-ri' rik'in ri rixjayil, roma re' kan jun itzel banobel. Roma ri' rix achi'a' kan tichajij k'a iwi' y man tiben ri q'oloj ri'.

Deut 21:15

Wi k'o jun achin ri ek'o ka'i' rixjayil, ri jun janila nrajo', y ri jun man kan ta nrajo', y kik'in re chi e ka'i' ixoqi' re' xk'oje' ralk'ual. Y ri nabey ruk'ajol xalex rik'in ri rixjayil ri man kan ta nrajo'.

Wuj Richin ri Q'axanri'il 5:28

Jak'a wi ri ixoq kan ch'ajch'oj y xa kan choj ri ruk'aslen chuwech ri rachijil, rija' kan xtitotej y kan xtik'oje' chik ral. Keri' xubij ri Jehová chire ri Moisés chi tubij chike ri ruwinaq.

Deut 24:2

Y wi ri ixoq nik'ule' chik rik'in jun achin, kan utz tik'ule';

Wuj Richin ri Jeremías 3:1

Ri Jehová xch'on chik wik'in y xubij chuwe: Wi k'o ta jun achin nujech-ri' rik'in ri rixjayil y ri ixoq ri' nik'ule' ta rik'in jun chik achin, ¿nitikir kami ri nabey rachijil nitzolin rik'in re ixoq re'? ¿Roma ta kami ri' ri ruwach'ulew xtok man ch'ajch'oj ta? Rix xa xitzeqelibej ch'aqa' chik dios, achi'el nuben jun ixoq itzel ruk'aslen. Jak'a yin Jehová ninbij chi kixtzolin chik pe wik'in.