Deut 23:6 - Kaqchiquel Bible

⁶ Y roma ri' rix man tirayij chi rije' utz ta nikik'uaj-ki' iwik'in y man jun oyowal chi'ikojol rokik k'o ik'aslen, y re' kan richin jantape'.

Deut 23:6 ပူးပေါင်းရင်းမြစ်များ

Wuj Richin ri Esdras 9:12

Roma ri' man tiya' ri imi'al chike ri kik'ajol rije' richin yek'ule', ni man tiya' ri ik'ajol chike ri kimi'al rije' richin yek'ule'. Chuqa' man tijikiba' itzij kik'in rije' richin ye'ito'. Wi xtinimaj nutzij, rix kan xtik'oje' iwuchuq'a', y xtitej ri ruwech ri che' richin re ruwach'ulew re' y kan xtikichinaj kan ri iwalk'ual rix, richin jantape', xabij chike ojer.

2 Sam 12:31

Y ri winaqi' ri man xeken ta, xeruya' pa samaj. Xesamej k'a rik'in qupibel-che' y rik'in ikej, y chuqa' xkisamajij ri ulew. Chuqa' xuben chike chi xkiben xan. Y kan keri' k'a xuben chike ri ch'aqa' chik kitinamit ri amonita. Chirij re' ri David y konojel ri aj-labal xetzolin pa kitinamit Jerusalem.

2 Sam 8:2

Y xeruch'ek chuqa' ri aj-Moab, y xuben chike ri aj-labal chi xejupe-qa pan ulew pa jun cholaj. K'ari' xuben chi ri ruwinaq xkirik' jun kolo' pa kiwi', y xretaj jun tzobaj ri aj-Moab. Y ri achi'a' ri' xekolotej-el. K'ari' xretaj chik ka'i' mul, y janipe' chike ri achi'a' ri e jupul chuxe' ri kolo', jari' ri xekamisex. Keri' xuben chike k'a xeruk'is na konojel ri e jupul chiri'. Y roma ri' ri aj-Moab xe'ok rusamajela' ri David, y k'o chi xkitoj chire ri k'atzinel.

Dn 4:27

Roma ri', rat rey, kan tak'ulu' k'a ri nupixabanik ri ninya' chawe: Kan tabana' k'a pa ruchojmilal, y man chik kamakun. Man chik ke'aben ri itzel taq banobel, xa kan más utz ke'ato' ri man jun k'o kik'in. Rik'in juba' rik'in re banobel re' xkak'ase' k'iy q'ij rik'in uxlanenri'il, keri' xubij chuwe.

Wuj Richin ri Q'axanri'il 24:10

K'ari' ri Balac xyakatej janila royowal chirij ri Balaam y roma ri' xupaq'aq'ej ri ruq'a' chirij y xubij chire: Yin xatinwoyoj k'a richin chi nawoyoj itzel pa kiwi' ri e etzelanel wichin, jak'a rat xa jare' oxi' yan mul taya' urtisanik pa kiwi'.

Deut 7:8

Ri Jehová ri qa-Dios kan yojrajo', y roma ri' xuben k'a ri rujikiban chik chike ri qati't-qamama'. Rik'in ronojel ruchuq'a' xojrukol-pe pa kiq'a' ri aj-Egipto y xojrelesaj-pe chiri' ri akuchi xqatej-wi poqon roma xojya'ox pa kowilej taq samaj.

2 Sam 16:12

Rik'in juba' ri Jehová xtutz'et ri tijoj-poqonal ri ninq'axaj, y kan xtujoyowaj nuwech pa ruk'exel ri itzel oyonik ri xuya' ri Simí pa nuwi', xcha'.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.