Deut 23:5 - Kaqchiquel Bible

⁵ Jak'a ri Jehová ri qa-Dios man xrak'axaj ta ri Balaam, y pa ruk'exel ri itzel oyonik xa kan ja ri urtisanik xuya' pa qawi', roma janila rajowabal ri Jehová ri qa-Dios pa qawi' roj.

Deut 23:5 ပူးပေါင်းရင်းမြစ်များ

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Q'axanri'il 24:9

Rix kan yixuxlan achi'el jun koj; y man jun nik'ason richin. ¡Kan xtiqaqa k'a urtisanik pa kiwi' ri ye'urtisan iwichin: Kan xtiqaqa k'a etzelanik pa kiwi' ri yerayin itzel pan iwi'!

2 Corintios 4:17

Roma ri tijoj-poqonal ri niqak'owisaj, xa ti juba' ok y xa q'axel. Jak'a re' kan nuben chiqe chi nik'oje' qaq'ij-qak'ojlen ri xa kan más wi nim y man jun bey xtik'is.

Romanos 11:28

Ek'o nuwinaq judío ri niketzelaj ri Dios, roma man kiniman ta ri utzilej ch'abel richin kolotajik. Y roma k'a man kiniman ta, ri Dios xuya' ri ruch'abel chiwe rix ri man ix judío ta. Jak'a kan k'a yerajo' na ri nuwinaq, roma e rucha'on y roma chuqa' ri rutzil ri xusuj chike ri ojer taq qati't-qamama'.

Wuj Richin ri Miqueas 6:5

Nutinamit yin, toqaqa chi'ik'u'x ri xrajo' ta xuben chiwe ri Balac ri rey richin Moab, y ri xubij ri Balaam ri ruk'ajol ri Beor. Chuqa' toqaqa chi'ik'u'x ri xinben iwik'in toq xixq'ax-pe pa Sitim y xixapon pa Guilgal, richin niya' rejqalen ri ch'akonik ri xinya' chiwe yin, xcha' ri Jehová.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Ez 16:8

Chirij ri' xiq'ax chik jun bey chi'anaqaj y xintz'et chi k'o chik ajuna' richin nawajo' achin. Y xinrik' ri nuq'a' chawij richin xatinkuch y xinxim nutzij awik'in, richin xatok wichin.

Wuj Richin Etamabel-Tzij 26:2

Kan achi'el k'a ri ti tz'unun ri nirumum pa kaq'iq', o ri ti buqul-sib ri nisumum niq'ax, xa keri' nuben ri ruk'ayewal, ri xa wineq noyon pa ruwi' jun chik ri xa maneq rumak.

Wuj Richin Bix Chire ri Dios 73:1

Kan qitzij wi chi ri Dios kan janila utz rik'in ri rutinamit Israel, kik'in ri ch'ajch'oj kánima chuwech rija'.

Deut 33:3

Kan qitzij na wi ri Jehová kan nrajo' ri rutinamit, konojel ri kijachon-ki' pa ruq'a' kan yeruchajij. rije' kan janila nikiqasaj-ki' chuwech, y chikijujunal kan nikak'axaj ri rutijonik.

Romanos 9:13

Y roma ri' chupan ri ruch'abel ri Dios nubij*f19* chi ri Dios xrajo' más ri Jacob chuwech ri Esaú.

Wuj Richin ri Q'axanri'il 22:35

K'ari' ri ángel richin ri Jehová xubij chire: Xa kabiyin chikij ri achi'a' y xaxe k'a ninwajo' chi ja ri ch'abel ri xtinbij yin chawe, jari' ri xtabebij, xcha'. Y keri' ri Balaam xbe k'a chikij ri achi'a' ri e rutaqon-pe ri Balac.

Wuj Richin ri Malaquías 1:2

Yin Jehová kan ix wajowan-pe. Jak'a rix nik'utuj ri achoq ik'in nuk'utun-wi chiwech chi kan yixinwajo'. Stape' ri Jacob chaq'laxel chuwech ri Esaú, yin kan ja ri Jacob ri xincha'.

Deut 4:37

Rija' xerajo' ri qati't-qamama' y roma ri' xojrucha' roj y rik'in ri ruchuq'a' xojrukol pa ruq'a' ri Egipto.

Wuj Richin ri Josúe 24:10

Jak'a yin man xinya' ta q'ij chire ri Balaam, y roma ri' pa ruk'exel ri etzelanik ri', xinben chire chi ja ri urtisanik ri xya'ox pan iwi'. Y keri' toq yin xixinkol pa ruq'a' ri Balac.

2 Sam 16:12

Rik'in juba' ri Jehová xtutz'et ri tijoj-poqonal ri ninq'axaj, y kan xtujoyowaj nuwech pa ruk'exel ri itzel oyonik ri xuya' ri Simí pa nuwi', xcha'.

Wuj Richin ri Nehemías 13:2

Kere' xban chike, roma rije' ojer kan man xekik'ul ta ri qate-qatata' rik'in kiway-kuk'ya'. Pa ruk'exel ri' xa xkitoj ri Balaam richin ta chi xroyoj ri itzel pa kiwi'. Jak'a ri qa-Dios xa xuya' urtisanik pa kiwi' ri qate-qatata' y man ja ta ri etzelal.

Wuj Richin ri Q'axanri'il 22:5

K'o k'a jun achin rubini'an Balaam, ri ruk'ajol ri Beor, ri k'o pa tinamit Petor, chunaqaj ri raqen-ya' Éufrates. Y ri Balac xeruteq rik'in rija' ri achi'a' ri k'o kiq'ij chikikojol ri aj-Moab y ri aj-Madián y xubij-el: K'o jun tinamit ri eleneq-pe pan Egipto, ri nikinojisaj ruwech re ruwach'ulew y wakami xek'oje-qa ri chiqawech-apo.

Deut 2:29

Achi'el xkiben qik'in ri winaqi' edomita ri ek'o pa Seír y ri winaqi' moabita ri ek'o pan Ar, keri' ta k'a xtaben qik'in rat. Kan xqojato' ta k'a toq xtiqaq'axaj ri raqen-ya' Jordán richin yojapon chupan ri ruwach'ulew ri akuchi rusujun-wi ri Jehová qa-Dios chiqe, xicha'.