Deut 23:23 - Kaqchiquel Bible

²³ Ronojel k'a ri nisuj richin sipanik chire ri Jehová ri qa-Dios, kan k'o chi niben, kan tiya' k'a apo ri xisuj rik'in ronojel iwánima.

Deut 23:23 ပူးပေါင်းရင်းမြစ်များ

Wuj Richin Etamabel-Tzij 20:25

Kan jun pikbel chire ri wineq toq kan k'o nusuj y xa man nuch'ob ta jebel rij ri nusuj, y kan k'a toq k'achojineq chik na ri k'o chi nuben, k'ari' nuch'ob rij jebel chi xa man utz ta ri xuben.

Hechos 23:21

Jak'a rat man tanimaj ri', roma ek'o más e kawineq achi'a' ri xkeq'eleben richin ri Pablo ri pa bey, y ri achi'a' ri' kan kibin k'a chi man xkewa-xke'uk'ya' ta, k'a jampe' xketikir xtikikamisaj, y chi ja ta ri Dios ri xtiya'on ruk'ayewal pa kiwi', wi xtikiq'ej kitzij. Wakami xaxe chik k'a koyoben ri achike xtabij-el rat, xcha' ri ala'.

Hechos 23:12

Pa ruka'n q'ij chire ri tich'on ri ajaw Jesucristo rik'in ri Pablo, ek'o k'a chike ri judío ri pan ewel xkich'obola' achike ri xtikiben chire ri Pablo. Kan xkibij chi man xkewa' ta ni man xke'uk'ya' ta, wi man xketikir ta xtikikamisaj. Xkibij chuqa' chi kan ja ta k'a ri Dios ri xtiya'on ruk'ayewal pa kiwi', wi xtikiq'ej ri kitzij.

Wuj Richin Bix Chire ri Dios 116:18

Wakami kan xtinben k'a ri nusujun chawe, y xkinkitz'et k'a konojel ri nuwinaq,

1 Sam 14:24

Ri Saúl ruya'on rutzij chike, y xubij: K'o chi yeqak'is ri e etzelanel qichin chupan re q'ij re', y kan itzel k'a ruwa-ruq'ij xabachike ri xtitijo ruway, xcha'. Y roma ri' konojel ri aj-labal kan man jun kitijon, y roma ri' maneq chik kuchuq'a'.

1 Sam 1:11

Y xuben k'a jun jikibel-tzij rik'in ri Dios y kere' xubij: Wi rat Jehová kan at qitzij k'iytisanel richin ronojel, xtaya-pe jun ti wal ala', y yin kan xtinya' k'a chawe y kan xtok awichin chijun ruk'aslen y man xtisokex ta rusumal-ruwi', xcha'.

Wuj Richin ri Q'axanri'il 30:2

Toq k'o jun achin ri nujikiba' rutzij chuwech ri Jehová k'o chi nuben y man tujel ri ruch'obonik.

Wuj Kichin ri To'onela' 11:35

Y toq rija' xutz'et ri rumi'al, kan xuretz ri rutziaq chirij y xubij: ¡Numi'al yin, kan qitzij chi wakami xinaya' pa k'ayew! Kan ja chik k'a rat ri xatel-pe richin naya' re q'axo'n re' chuwe, roma yin kan k'o nusujun chire ri Jehová y man yitikir ta chik nintzolij-wi' chuwij, xcha'.

San Mateo 5:33

Y chuqa' rix kan jebel iwetaman ri xbix chike ri qawinaq ojer kan, chi man tikiq'ej ruwi' ri ya'on-tzij ri nikiben. Xa kan tikibana' k'a ri xkiya' kitzij chire richin nikiben chuwech ri ajaw.

Deut 23:22

Wi rix man jun nisuj man jun mak niben.

Deut 23:24

Toq yixok-apo chupan ri rulew jun iwinaq ri akuchi tikil-wi uva, man jun rubanon wi nitej ri janipe' niwajo', jak'a man jun tik'uaj-el pa taq iwachoch.

Wuj Richin ri Jeremías 44:17

Y pa ruwi' ri' roj xa kan xtiqaben ri qach'obon chik. Kan xtiqasuj pom chuwech ri reina richin ri kaj. Chuqa' kan xtiqasuj vino chuwech, achi'el ri qabanon-pe y chuqa' achi'el kibanon-pe ri qate-qatata', ri qa-rey y ri e aj-raqen chupan ri tinamit Jerusalem y ri ch'aqa' chik tinamit richin ri Judá. Y toq xqaben keri', kan pa ruk'iyal ri qaway xk'oje'. Xojkikot y kan utz k'a oj beneq y kan man jun ruk'ayewal ri xpe pa qawi'.

Wuj Richin ri Chojmirisabelri'il 27:2

Kere' k'a tabij chike ri awinaq: Wi k'o ta jun wineq nrajo' nukol jun chik wineq ri sujun chik chuwe yin, xtuk'en k'a pe ri saqipueq y xtetex rik'in ri etabel ri ek'o chupan ri wachoch. Xtutoj k'a chuwe achi'el ri rajlabal ri k'o:

Wuj Richin ri Josúe 9:18

Jak'a ri israelita man xekikamisaj ta ri winaqi' richin ri e kaji' tinamit ri', roma ri e tata'al kiya'on-kitzij pa rubi' ri Jehová ri ki-Dios chi man yekikamisaj ta. Roma ri' konojel k'a ri winaqi' yexebexot chikij ri e tata'al ri'.

Wuj Richin Bix Chire ri Dios 50:14

Ri abix richin matioxinik, jari' ta ri sipanik chire ri Dios. Kan tabana' k'a ronojel ri asujun chire ri nimalej Dios.