Deut 23:19 - Kaqchiquel Bible

¹⁹ Man tich'ojij chire jun iwinaq richin nutoj ral ri qajo'n ri rubanon iwik'in, wi ta méro, o xabachike ri yetij o xabachike ri ruqajon iwik'in.

Deut 23:19 ပူးပေါင်းရင်းမြစ်များ

Ex 22:25

Toq niya' méro pa qajik chire jun iwinaq, ri kan man jun k'o rik'in, man tik'utuj ral chire.

Wuj Richin Bix Chire ri Dios 15:5

ri man nuk'utuj ta ral ri méro toq nuya' pa qajik, ri man niqa' ta chuwech nipuaqix richin nich'on itzel chirij jun ri xa maneq rumak. Ri kere' ruk'aslen man jun bey k'a xtibe pa xulan.

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Wuj Richin ri Isaías 24:2

Kan keri' xtibanatej kik'in ri winaqi' ri maneq kiq'ij, chuqa' kik'in ri sacerdote; kik'in ri samajela', chuqa' kik'in ri e ajaw; kik'in ri ixoqi' ri e rajaw ri jay, chuqa' kik'in ri aj-ik'a' ri yesamej kik'in; kik'in ri loq'onela', chuqa' kik'in ri k'ayinela'; kik'in ri yeya'on méro pa qajik, chuqa' kik'in ri yeqajo-el; kik'in ri yeya'on k'as y chuqa' kik'in ri yetojo k'as.

Wuj Richin ri Jeremías 15:10

Yin xinbij k'a qa: Toq'ex nuwech yin, roma ri nte' xiralaj chuwech re ruwach'ulew, xaxe richin konojel winaqi' nikiben oyowal wik'in. Man jun k'a achoq chire nuqajon-wi méro, ni man ya'on ta méro pa qajik chuwe yin. Man rik'in ri' konojel nikirayij chi niqaqa ta itzel pa nuwi'.