Deut 23:18 - Kaqchiquel Bible

¹⁸ Roma wi keri' niben, ri Jehová kan man niqa' ta chuwech, stape' nik'en-pe ri isujun chire rija'.

Deut 23:18 ပူးပေါင်းရင်းမြစ်များ

Filipenses 3:2

Kan tichajij k'a iwi' chikiwech ri nuwinaq ri xaxe nokibana' itzel taq banobel. Yin ninch'ob chi rije' achi'el ri e itzel taq tz'i'. Rije' nikibij chi richin nikolotej jun wineq, kan nik'atzin chi niqupix richin jun retal chi niq'alajin chi richin ri Dios.*f3*

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.

San Mateo 7:6

Ronojel ri e jachon chik chuwech ri Dios, man ke'iya' chike ri tz'i', roma rije' xa xkepe chiwij rix. Y man tiya' chike ri aq, ri k'o janila rejqalen, roma xa xtikibech chi'aqen.

2 Pedro 2:22

Y re wawe' kan qitzij na wi chi nibanatej achi'el ri nubij jun tzij: Ri tz'i' nuberutija' chik pe ri ruxa'oj. Chuqa' achi'el ri nubij: Ri aq, stape' jebel atinisan chik el, niberukicha' chik pe ri' pa ch'abeq jun bey.*f2*

Wuj Richin ri Habacuc 1:13

Rat Jehová kan at ch'ajch'oj y man nakoch' ta natz'et ri mak. Chuqa' man nakoch' ta natz'et ri etzelal ri yebanatej. ¿Achike k'a roma xtaya' q'ij chike ri aj-Babilonia richin xtikiben ri etzelal? ¿Achike k'a roma kan man jun xtabij, toq rije' xqojkiya' pa tijoj-poqonal, stape' roj más choj qak'aslen chikiwech rije'?

Ez 16:33

Konojel k'a ixoqi' ri itzel kik'aslen, rije' k'o chi yetoj kan, jak'a rat xa man keri' ta naben. Xa ja rat ri yatojon-el kichin konojel ri ye'ajowan awichin. Ye'ayala' k'a sipanik chike ri achi'a' ri yepe pa taq jalajoj ruwach'ulew richin chi yemakun awik'in.

Wuj Richin ri Isaías 61:8

Roma yin Jehová kan niqa' chinuwech ri ruchojmilal, y kan ninwetzelaj ri eleq' y ri kamik. Roma yin kan jantape' ninben ri ninsuj, kan xtinya' k'a rajel ruk'exel chike roma ri utz kibanobal. Y xtinben jun jikibel-tzij kik'in richin jantape'.

Wuj Richin Etamabel-Tzij 26:11

Ri wineq ri xa maneq runa'oj, ri nitzolin chik chubanik ri itzel taq banobel, kan junan rik'in ri tz'i' toq nitzolin ri akuchi xxa'a' wi kan, richin niberutija' chik pe ri ruxa'on kan.

Wuj Richin Bix Chire ri Dios 22:16

Ri e banoy taq etzelal e yakatajineq chuwij, achi'el jun tzobaj tz'i' ri janila e k'a'el. Kan kisutin k'a wij richin nikiwech' ri nuq'a' y ri waqen.

Deut 23:21

Toq k'o jun nisuj chire ri Jehová ri qa-Dios richin niya' chire, xa kan tiya' chire chi'anin, roma rija' kan xtuk'utuj chiwe y kan xkixmakun chuwech, wi man xtiben ta ri isujun chire.

Wuj Richin ri Chojmirisabelri'il 18:22

Chuqa' man jun achin tik'oje' rik'in jun chik achin achi'el xa ta nik'oje' rik'in jun ixoq, roma re' kan man utz ta nintz'et yin.

Wuj Richin ri Malaquías 1:14

Kan xtiqaqa k'a itzel pan iwi' ri yixq'olon, roma xa nisuj jun chikop man ch'ajch'oj ta chuwe, stape' k'o jun utz iwik'in. Yin kan in jun nimalej rey y kan k'o nuq'ij chikikojol ri ruwach'ulew, yin Jehová ri in k'iytisanel richin ronojel ri yibin.

Deut 12:6

Chiri' k'a xtik'uaj-wi ri isipanik: Ri chikop ri niporox, ri sipanik richin ri jun chire ri lajuj, ri sipanik ri nalex-pe pan iwánima, ri sipanik toq nijikiba-tzij y ri nabey taq kal ri iwawej.

Wuj Richin ri Chojmirisabelri'il 7:16

Jak'a ri kamelabel ri rusujun chi nuben o jun kamelabel richin ri nalex-pe pa ránima jun wineq, utz nitij ri ti'ij chupan ri q'ij toq nisuj, y wi man nik'is ta, utz nitij ri jun chik q'ij.

Wuj Richin ri Chojmirisabelri'il 19:29

Man k'a tiben chike ri imi'al richin nikichop itzel k'aslen,*f6* richin chi ri ruwach'ulew man ninoj ta rik'in etzelal.

Wuj Richin ri Chojmirisabelri'il 20:13

Wi k'o ta jun achin nik'oje' rik'in jun chik achin achi'el xa ta rik'in ixoq nik'oje-wi, re' kan ninwixowaj yin, y roma ri' xkekamisex k'a chi e ka'i', roma kiyon rije' xkikanoj kikamik.

Deut 22:21

k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.

Wuj Richin ri Miqueas 1:7

Ri jebelej taq wachibel xkewulex y ri sipanik ri xtikich'ek ri ixoqi' ri yewer kik'in achi'a' ri ye'apon pa kachoch ri ki-dios xa xtiporox. Ri wachibel ri' xa xke'ok q'ayis. Ri Samaria xril k'a ronojel re' richin ninimaq'ijun richin nik'iyer ri rutiko'n. Jak'a ri e etzelanel kichin xa xtikik'uaj richin nibekiya' chike ri ixoqi', chupan ch'aqa' chik kachoch ri ki-dios richin nikiya' kiq'ij.

1 Rey 14:24

Chiri' pa Judá ek'o k'iy achi'a' ri kijachon-ki' chubanik ri itzel k'aslen richin xkiya' kiq'ij ri ki-dios. Rije' xekik'amala-apo ri itzel taq kibanobal ri ch'aqa' chik winaqi' ri xek'oje' chiri' ojer, y roma ri banobel ri' ri Jehová xerelesaj-el chuwech ri ruwach'ulew ri' toq xe'apon ri israelita chiri'.