Deut 23:16 - Kaqchiquel Bible

¹⁶ Tiya' q'ij chire richin tik'oje' kan iwik'in rix, chupan ri tinamit ri akuchi nrajo' nik'oje-wi rija', y man jun titz'ilon richin.

Deut 23:16 ပူးပေါင်းရင်းမြစ်များ

Ex 22:21

Man ke'iya' pa tijoj-poqonal y man ke'iya' pa bis ri winaqi' ri man e iwinaq ta ri ek'o chi'ikojol, roma rix xixok chuqa' achi'el rije' toq xixk'oje' pan Egipto.

Ex 23:9

Man ke'iya' pa bis ri man e iwinaq ta ri ek'o chi'ikojol. Rix iwetaman ri nuna' ri kánima rije' roma ri man e iwinaq ta, roma xa kan xina' yan toq xixk'oje' pan Egipto.

Santiago 2:6

Man rik'in ri', rix xa iqasan kiq'ij ri winaqi' ri man jun ok k'o kik'in. ¿Kan man noqaqa ta k'a chi'ik'u'x chi xa ja ri beyoma' ri yeya'on iwichin pa k'ayew? ¿Man noqaqa ta chi'ik'u'x chi xa ja chuqa' rije' ri yixqiriren-apo pa taq q'atbel-tzij richin nikiq'abaj tzij chiwij?

Wuj Richin ri Malaquías 3:5

Ri Jehová ri k'iytisanel richin ronojel kan xtipe richin noruq'ata-tzij pan iwi' rix. Chuqa' kan chi'anin xtuya' rutojbalil-mak pa kiwi' ri yebanon itz, pa kiwi' ri winaqi' e k'ulan yekikanoj ch'aqa' chik richin yek'oje' kik'in, pa kiwi' ri nijikiba' kitzij y xa man qitzij ta, pa kiwi' ri nikiq'ol jun kisamajel, jun malka'n, jun meba' o jun wineq ri man israelita ta, y pa kiwi' ri man nikiqasaj ta ki' chuwech ri Jehová.

Wuj Richin ri Zacarías 7:10

Man ke'itz'ila' ri malkani', ri e meba'i', ri man e iwinaq ta y winaqi' ri man jun k'o kik'in, y man jun xtipe ta pa ránima chi xtuch'ob ta itzel chirij ri rachpochel.

Wuj Richin ri Jeremías 7:6

Man ke'iya' pa tijoj-poqonal ri man e iwinaq ta, ni ri meba'i', ni ri malkani'. Man ke'ikamisaj winaqi' ri xa maneq kimak. Man ke'iya' kiq'ij ch'aqa' chik dios, ri xa nuk'en-pe ruk'ayewal pan iwi'.

Wuj Richin Etamabel-Tzij 22:22

Rat, man k'a ke'atz'ila' ri winaqi' ri xa man jun ok k'o kik'in, y chuqa' kan man taqasaj kiq'ij ri chiri' akuchi niban-wi q'atoj-tzij roma rije' xa man tikirel ta chi nikito-ki'.