Deut 22:21 - Kaqchiquel Bible

²¹ k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.

Deut 22:21 ပူးပေါင်းရင်းမြစ်များ

Deut 13:5

Jak'a ri wineq ri nubij chi q'alajirisey ruch'abel ri Dios o k'o ri yerachik'ala' y xa man keri' ta, kan k'o chi nikamisaj, roma xa yixrutaqchi'ij richin nipaba-iwi' chuwech ri Jehová ri qa-Dios ri xojelesan-pe pan Egipto ri akuchi xixxime' pa samaj. Rija' xaxe k'a nrajo' yixruch'er kan chire ri bey ri rubin ri Jehová ri qa-Dios chi nitzeqelibej. Jun wineq keri' kan tikamisex richin tik'is-el ri etzelal chi'ikojol.

Wuj Richin ri Rutikeribel 34:7

Ri e ruk'ajol ri Jacob xetzolej-pe pa juyu', jari' toq xketamaj, y rije' janila xyakatej koyowal roma kan janila itzel xuben ri Siquem chikikojol ri e rijatzul ri Israel, roma xuqasaj ruq'ij ri rumi'al ri Jacob, ri kan man ruk'amon ta chi nibanatej keri'.

Wuj Kichin ri To'onela' 20:6

Y roma ri' yin xinwelesaj pa kablajuj peraj ri ruch'akul ri nu-concubina, y xinteq jujun peraj pa taq itzobaj richin niwetamaj re jun nimalej etzelal y kamik re xbanatej chupan re qaruwach'ulew Israel.

Wuj Kichin ri To'onela' 20:10

richin nikichojmirisaj ronojel ri k'atzinel chike ri ch'aqa' chik aj-labal. Xkeqak'en k'a el e lajuj achi'a' chikikojol ri wok'al achi'a' chupan chikijujunal ri tzobaj, richin yek'oje' kan. Y ri ch'aqa' chik, jari' ri xkebe pan oyowal richin nikiben chike ri aj-Guibeá richin Benjamín, chi niqaqa pa kiwi' ri etzelal ri xkiben chupan ri qaruwach'ulew Israel, xecha'.

Deut 21:21

Jari' toq ri winaqi' richin ri tinamit nikikamisaj chi abej ri alk'ualaxel ri' y keri' nik'is-el ri etzelal ri k'o pan iruwach'ulew. Y toq xtikak'axaj k'a konojel ri qawinaq, xtikik'en rukiy.

Deut 19:19

jari' k'a niban chire achi'el ri xrajo' xban chire ri rachpochel, richin keri' nik'is ri man utz ta chi'ikojol rix.

Deut 17:7

Ri yetz'eton ronojel chirij, ja rije' ri nabey ri yek'aqon ri abej chirij ri wineq ri nikisujuj. Y k'ari' xtuben ri tinamit richin keri' nik'is ronojel ri itzel ri k'o chi'ikojol rix.

Wuj Richin ri Chojmirisabelri'il 21:9

Y chike ri e sacerdote tabij, chi wi k'o ta jun chike rije', ri k'o ta jun rumi'al ri niqasex ta ruq'ij y nuchop ta itzel k'aslen, ri' kan nuqasaj-ruq'ij ri rutata', y ri ixoq ri' kan xtiporox.

Deut 22:24

jari' xke'uk'uex-el chi e ka'i' chuchi' ri tinamit akuchi xkek'aq chi abej y xkeken chi e ka'i'; ri xten roma man xuraqaqej ta ruchi' richin ta xto'ox, y ri achin roma xuqasaj ruq'ij ri xten ri xok ta rixjayil ri rachpochel; keri' xtik'is-el re etzelal re' chi'ikojol rix.

Deut 22:22

Wi k'o ta jun achin nilitej kotz'ol rik'in jun ixoq ri k'ulan chik y k'o rachijil, kan chi e ka'i' xkekamisex; keri' xtik'is ri etzelal chikikojol ri qawinaq.

Deut 17:5

kan tuk'uex k'a chuchi' ri tinamit ri achike xbanon ri itzel banobel ri', y chiri' k'a tikamisex chi abej.

Deut 13:10

Kan tik'aqa' k'a chi abej y keri' niken, roma xrajo' xixruch'er kan rik'in ri Jehová ri qa-Dios ri xojelesan-pe pan Egipto ri akuchi xixxime' pa samaj.

Wuj Richin ri Chojmirisabelri'il 24:23

Y ri Moisés xubij k'a ronojel re' chike ri ruwinaq. Keri' xkelesaj k'a el ri xyoq'on rubi' ri Jehová, y xkikamisaj chi abej chirij-el ri akuchi ek'o-wi-qa, achi'el xubij ri Dios chire ri Moisés.

1 Corintios 5:13

Ri winaqi' ri man kikuquban ta kik'u'x rik'in ri Cristo, ja ri Dios ri niq'aton-tzij pa kiwi'. Jak'a ri qach'alal ri k'o chi'ikojol y najin chubanik ri etzelal, nik'atzin chi tiwelesaj-el chi'ikojol.

Wuj Richin ri Chojmirisabelri'il 19:29

Man k'a tiben chike ri imi'al richin nikichop itzel k'aslen,*f6* richin chi ri ruwach'ulew man ninoj ta rik'in etzelal.

Wuj Kichin ri To'onela' 19:23

Y xel k'a pe ri ti rajaw jay y xubij chike: Wach'alal, tibana' utzil man tiben re jun mak re'; roma yin xink'en-pe re jun achin re' pa wachoch richin nuq'axaj re aq'a' wawe'. Man tiben re etzelal re' rik'in.

Wuj Kichin ri To'onela' 20:5

Y xeyakatej k'a chuwij ri aj-Guibeá. Xkisutij-rij ri jay ri akuchi ojk'o-wi ri aq'a' ri', rik'in ri kich'obonik richin yinkikamisaj. Jak'a ri nu-concubina xkiqasaj ruq'ij y xek'oje' rik'in chi jun aq'a', y roma ri' xken.

Wuj Richin ri Rutikeribel 38:24

Oxi' yan k'a ik' tiq'ax toq xbanatej ri', jari' toq xapon rutzijol rik'in ri Judá y xbebix chire: Ri awali' Tamar xmakun rik'in achin y wakami royoben jun ak'ual, xuche'ex. Y ri Judá xubij: Tiwelesaj-pe richin tibox pa q'aq', xcha'.

Wuj Richin ri Chojmirisabelri'il 20:2

tubij chike ri winaqi': Xabachike k'a iwinaq o man iwinaq ta ri ek'o chi'ikojol, wi k'o ta jun yerusuj ri ralk'ual chire ri dios rubini'an Moloc, yin kan xkitzu'un pa ruwi' rija', y xtinwetzelaj roma kan nuben chire ri wachoch man ch'ajch'oj ta. Roma rija' niyoq'otej ri nubi', roma ri' xtikamisex chi abej koma ri iwinaq.

Deut 13:6

Y wi ta xa jun inimal, jun ichaq', jun ik'ajol, jun imi'al, o ri iwixjayil o jun iwach'alal ri kan janila niwajo', nutej ruq'ij chiwij pan ewel y nubij chiwe chi tiya' kiq'ij ch'aqa' chik dios ri man jun bey iwetaman ruwech, ni ta ri iwati't-imama' man xketamaj ta chuqa' kiwech.