Deut 22:1 - Kaqchiquel Bible

¹ Wi k'o ta jun chiwe rix nutz'et chi sachineq jun bóyix o jun karne'l richin jun ruwinaq, man tuben chi man retaman ta, xa kan tutzolij-el chire.

Deut 22:1 ပူးပေါင်းရင်းမြစ်များ

Wuj Richin Etamabel-Tzij 24:11

Rat kan ruk'amon chi ye'akol ri winaqi', ri nikitej poqon pa kiq'a' ch'aqa' chik winaqi', kan ke'akolo' k'a ri winaqi' ri choj e beneq richin yebeqaqa pa kamik.

Wuj Richin Etamabel-Tzij 27:10

Ri awachibil rat y ri e rachibil ri atata', kan man k'a ke'amestaj, roma ri q'ij toq xkaqaqa pa jun ruk'ayewal, man nik'atzin ta chi ja na ri rachoch ri awach'alal ri nakanoj; kan achi'el nubij ri tzij: Más nitikir yaruto' jun wineq ri k'o naqaj, ke chuwech ri awach'alal ri xa nej k'o-wi.

Wuj Richin Etamabel-Tzij 28:27

Kan man jun k'a ri xtibek'atzin-pe chire ri wineq, toq kan k'o ri nuya' chike ri winaqi' ri man jun k'o kik'in; jak'a ri wineq ri nim nuna-ri' y xa man yeruto' ta, k'iy ruk'ayewal ri xtiqaqa pa ruwi'.

Wuj Richin ri Isaías 58:7

Chuqa' kan tiya' ri iway chike ri maneq kiway, y kan tik'ulu' pan iwachoch ri maneq rachoch roma man iwinaq ta. Ri maneq kitziaq, kan tiya' kitziaq, y man tiya' kan richin ye'ito' ri iwach'alal.

Wuj Richin ri Isaías 8:17

Xtinwoyobej rik'in ri Jehová stape' kan man nuk'ut ta chik ri' chikiwech ri qawinaq israelita. Kan rik'in rija' xtinkuquba-wi nuk'u'x.

Ez 34:16

Xkenkanoj k'a ri e sachineq, xkenwaq'omaj ri e sokotajineq y xkento' ri maneq kuchuq'a'. Kan xkenchajij k'a ri nuwinaq pa ruchojmilal. Jak'a ri k'o kuchuq'a' y e ti'oj kan xkenk'is.

Ez 34:4

Rix man ye'ibochi'ij ta, achi'el ri yuq'unel ri man yeruto' ta juba' ri taq karne'l ri maneq kuchuq'a', ni man yeraq'omaj ta juba' ri taq e yawa'i' ni man nupis ta juba' kaqen toq e q'ajineq y ni man yerukanoj ta ri yesach kan. Keri' rix kan e iya'on pa poqon.

Wuj Richin ri Chojmirisabelri'il 20:4

Jak'a wi jun wineq nusuj ri ralk'ual chire ri dios Moloc y ri iwinaq xkiben chi achi'el man xkitz'et ta, y man nikikamisaj ta ri wineq ri',

Wuj Richin ri Chojmirisabelri'il 6:3

O rik'in juba' ja rija' xilo ri rusachon jun chik wineq y man rubin ta chi rik'in rija' k'o-wi. Y xabachike k'a ri xtibanon kere', kan nimakun-wi.

Wuj Richin ri Zacarías 7:9

Yin Jehová k'iytisanel richin ronojel ri yibin. Toq xtiq'et-tzij, kan tibana' k'a pa ruchojmilal. Kan xkixajowan k'a y tik'oje' k'a joyowanik chi'ikojol.

San Mateo 10:6

Xa kan nabey k'a kixbiyin kik'in ri qawinaq judío ri man ek'o ta apo rik'in ri Dios. Roma rije' kibanon kan, achi'el nikiben ri karne'l toq nikisech kan ki'.

San Mateo 15:24

Y ri Jesús xubij: Yin xitaq-pe xaxe chikikanoxik ri qawinaq judío ri man ek'o ta pa rajawaren ri Dios, xcha'.

1 Corintios 9:9

Roma ri pixa' ri' nubij: Ri bóyix toq nich'ayon trigo man tiya'ox ru-bosal. Toq ri Dios*f11* xubij keri', ¿xaxe kami pa kiwi' ri chikopi' xch'on-wi?

Deut 22:2

Jak'a wi ri rajaw xa man chunaqaj ta rachoch k'o-wi y man retaman ta ruwech, tuk'uaj-el ri ti chikop pa rachoch y tik'oje' rik'in, k'a toq xtibek'utux na rik'in k'ari' nuya-el chire.

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.