Deut 21:22 - Kaqchiquel Bible

²² Y wi k'o ta jun nimakun ri kan ruk'amon richin nikamisex y nitzeqebex chuwech jun che',

Deut 21:22 ပူးပေါင်းရင်းမြစ်များ

Hechos 26:31

Toq xbekimolo' chik k'a ki' juk'an, nikibila' k'a chikiwech: Ri Pablo man k'a ruk'amon ta chi k'o pa cárcel, k'a ta la' chik k'a chi nitaq pa kamik, roma man jun itzel rubanon richin niban ta keri' chire, yecha'.

Hechos 23:29

Xintz'et k'a chi nikisujuj roma man nuben ta ri nubij ri kipixa' rije'. Jak'a man roma ta ri' ruk'amon ta chi nitz'apex pa cárcel o nikamisex ta.

San Lucas 23:33

Toq xe'apon k'a chupan ri jun juyu' rubini'an Baq Richin Jolomaj, xkibajij k'a ri Jesús chuwa ri ru-cruz, y keri' chuqa' ri e ka'i' eleq'oma'. Jun xpabex pa rijkiq'a', y ri jun chik pa rajxokon.

San Mateo 26:66

¿Achike k'a nibij rix wakami chi niqaben chire?, xcha'. Y xkibij: Ruk'amon chi tikamisex, xecha'.

Deut 22:26

Jak'a ri xten man jun niban chire, roma rija' kan maneq rumak richin nikamisex, roma re' achi'el jun wineq ri niyakatej chirij jun rach'alal y nukamisaj,

Hechos 25:11

Wi k'o ta k'a mak ri nubanon y kan k'o chi yikamisex, man k'a chuqa' ninbij ta chi man kikamisex. Jak'a wi xa man jun chike ri nikibij chuwij nubanon, man jun k'a k'o ruq'a' chuwe richin yirujech ta el chike ri yebin chi k'o numak. Roma ri' ninwajo' chi kan ja ri César ri tiq'aton-tzij pa nuwi', xcha'.

Marcos 14:64

Rix, k'ari' k'a niwak'axaj-qa chi'iwonojel chi xuyoq' rubi' ri Dios. ¿Achike nibij wakami?, xcha' chike ri rachibil. Y konojel xkibij chi ruk'amon chi niqaqa ri kamik pa ruwi'.

2 Sam 21:9

Y re wuqu' re' xejach-el pa kiq'a' ri gabaonita, y rije' xekitzeqeba' chiri' pa jun juyu' chuwech ri Jehová. Keri' xeken ri e wuqu' e rijatzul kan ri Saúl. Re' xbanatej k'a pa nabey taq q'ij, toq xchap ri q'atoj richin cebada.

2 Sam 21:6

Jak'a re wakami wi rat qitzij chi nawajo' yojato', ke'ajacha' k'a pe chiqe e wuqu' chike ri e rijatzul kan ri Saúl, ri xcha'ox roma ri Jehová, richin xkeqatzeqeba' chuwech ri Jehová chiri' pa Guibeá ri rutinamit ri Saúl, xecha'. Y ri David xubij chi kan xkerujech k'a chike.

2 Sam 4:12

K'ari' ri David xuteq kikamisaxik ri ka'i' achi'a' ri'. Xtzak'ix k'a ri kiq'a', ri kaqen y ri kich'akul xbetzeqebex kan chuxikin ri yakbel-ya' richin Hebrón. Chuqa' ri rujolon ri Is-bóset xbek'amer-pe richin xbekimuqu' kan junan rik'in ri Abner chiri' pan Hebrón.

1 Sam 26:16

Re xaben, kan man utz ta. Pa rubi' ri Jehová, ninbij chi rat y ri achi'a' ri e awachibilan-pe kan ruk'amon ta richin yixkamisex, roma kan man ichajin ta ri rey ri iwajaw, ri kan cha'on roma ri Jehová. Wakami, tatz'eta' akuchi k'o-wi ri rukum ri rey y ri k'ojelibel ruya' ri k'o kan chunaqaj ri ruch'akat-ruwi', xcha'.

Wuj Richin ri Josúe 10:26

Chirij ri' ri Josué y ri achi'a' xekikamisaj ri e wo'o' rey ri' y k'ari' xekikanoj wo'o' che', y ri kich'akul xetzeqebex chike ri che' ri' y chiri' xek'oje-wi, k'a toq xqaqa na qa ri q'ij.

Wuj Richin ri Josúe 8:29

Y ri rey richin ri Ai, xtzeqebex chire ruq'a' jun che' k'a toq xqaq'ij na qa. K'ari' ri Josué xubij chi tiqasex ri ruch'akul, y tikiya-el chuchi' ri tinamit, y chiri' xkimol kan jun molaj abej pa ruwi', y kan k'o chiri' k'a re wakami.

Deut 19:6

Rik'in juba' k'o jun rach'alal ri xken ri nrajo' nuben ruk'exel chire, y nroqotaj rik'in janila royowal richin nukamisaj. Wi ta xaxe jun tinamit richin tobel k'o, y roma ri tinamit ri' kan janila nej k'o-wi, ri rach'alal ri xken kan xtuq'i' y xtukamisaj. Re' xa man ruk'amon ta richin nikamisex roma xa kan qitzij man jun rumak y chuqa' xa man jun bey xketzelaj ta ki'.

Hechos 25:25

Jak'a yin nintz'et chi re jun achin re' man jun itzel rubanon richin keri' nikamisex ta. Rija' xuk'utuj k'a chuwe chi ja ri César ri niq'aton-tzij pa ruwi', y yin ninteq k'a el rik'in ri César k'a chila' pa Roma.

Wuj Richin ri Q'axanri'il 25:4

K'ari' ri Jehová xubij chire ri Moisés: Ke'amolo' konojel ri e aj-raqen ri ek'o pa kiwi' ri awinaq y ke'akamisaj chinuwech yin Jehová y kan paq'ij k'a toq xke'akamisaj. Richin keri' ri woyowal ri yakatajineq chiwij xtik'is-el, xcha'.

Wuj Richin ri Josúe 10:27

K'ari' toq ri Josué xubij chi keqasex ri kich'akul, y keya'ox chupan ri jul akuchi xkewaj-wi-ki'. K'ari' xkitz'apej k'a kan ruchi' rik'in nima'q taq abej. Kan keri' xban chike, y chiri' ek'o-wi k'a re wakami.

Wuj Richin ri Rutikeribel 40:19

Pan oxi' q'ij apo ri rey xkaroyoj y xtrelesaj ajolon y k'ari' xkarutzeqeba' chutza'n jun che', y xkepe k'a ri aj-xik' taq chikopi' xtokitija-el ri ach'akul, xcha' chire.

2 Sam 21:10

Jak'a ri Rispá xberuk'ama-pe jun tzieq richin bis y xuya' pa ruwi' jun nimalej abej ri k'o chiri' richin xk'oje' rija' pa ruwi'. Rija' xk'oje' chiri' toq xtiker-pe ri q'atoj richin ri cebada k'a toq xqaqa na ri job.*f8* Y kan man xuya' ta q'ij chi ri aj-xik' taq chikopi' yekitej ta ri ch'akulaj ri paq'ij, ni man xuya' ta q'ij richin chi ri k'uxunela' taq chikopi' yekitej ta ri ch'akulaj ri chaq'a'.