Deut 21:17 - Kaqchiquel Bible

¹⁷ Kan k'o chi niya'ox chire ri nabey ak'ual jun chik pa ruwi' chire ri ulew ri niya'ox chike ri ch'aqa' chik; roma ja rija' ri nabey ak'ual xk'oje' toq k'a janila ruchuq'a' k'o ri tata'aj. Kan chire rija' k'o chi niya'ox-wi roma ja rija' ri nimalaxel.

Deut 21:17 ပူးပေါင်းရင်းမြစ်များ

Wuj Richin ri Rutikeribel 49:3

Rat Rubén, ri nabey nuk'ajol, rat ri xaq'alajirisan ri wuchuq'a' y ri nabey walk'ual pa nuk'ajolil; rat kan k'o-wi aq'ij, rat kan k'o-wi awuchuq'a' chikiwech ri ch'aqa' chik nuk'ajol.

Wuj Richin Bix Chire ri Dios 105:36

K'ari' xerukamisaj-el konojel ri e nabey taq al alaboni'. Xeruk'uaj k'a konojel ri e nabey richin ri kuchuq'a'.

San Lucas 15:12

Jun q'ij ri chaq'laxel xubij k'a chire ri rutata': Táta, yin ninwajo' yan chi naya' chuwe ri k'o chi ninwichinaj kan awik'in, xcha'. Ri tata'aj kan xujech na wi chikiwech ri nikichinaj chi e ka'i'.

Apocalipsis 3:14

Y xubij chik k'a chuwe chi tintz'ibaj el chire ri ángel kichin ri molaj nimanela' ri chiri' pa Laodicea, y tinbij-el; chi ri kan qitzij, ri qitzij rutz'eton ronojel ri nubij, ri kan k'o pe nabey chuwech ri rutikeribel ronojel ri k'o, kere' nubij:

Deut 21:16

Toq napon ri q'ij richin nuch'er ri beyomel pa kiq'a' ri ralk'ual, man ruk'amon ta nuben nimalaxel chire ri ral ri ixjayilonel ri janila najowex y chire rija' nuya-wi kan más k'iy, y nuben chire ri nimalaxel chi maneq rejqalen.

2 Rey 2:9

Toq xeq'ax yan k'a, ri Elías xubij chire ri Eliseo: Tak'utuj ri achike nawajo' chi ninben awik'in, rokik k'a ink'o awik'in, xcha'. Y ri Eliseo xuk'utuj utzil chire chi tuya' kan chire ka'i' mul ri uchuq'a' ri chiri' chikiwech konojel ri ch'aqa' chik ri xetzeqeliben richin ri Elías, richin chi rija' nok kan aj-raqen.

2 Crón 21:3

Ri Josafat kan k'iy k'a sipanik ruya'on kan chike ri ralk'ual: Ri q'anapueq, ri saqipueq y ch'aqa' chik ri kan k'o rejqalen; chuqa' ruya'on kan chike tinamit ri kan jebel tz'apen-kij chi tz'aq ri ek'o chiri' pa Judá, jak'a ri q'atbel-tzij kan chire ri Joram ruya'on-wi kan roma ja rija' ri nabey ruk'ajol.