Deut 20:8 - Kaqchiquel Bible

⁸ Chirij ri', chuqa' xtikibij: Wi k'o ta jun ri xa nuxibij-ri', más utz tibiyin kan pa rachoch, richin keri' man nuben ta chike ri rachibil chi nikixibij-ki', xkecha'.

Deut 20:8 ပူးပေါင်းရင်းမြစ်များ

Wuj Kichin ri To'onela' 7:3

Wakami k'a tataluj rutzijol chikikojol konojel ri awinaq y tabij chike: Achike k'a chiwe rix ri xa nuxibij-ri' y nibaybot, titzolin kan pa rachoch, xcha'. Y toq ri Gedeón xuk'utuj chike, xetzolej k'a kan e 22,000 achi'a' y k'a xek'oje' na kan e 10,000 rik'in.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Apocalipsis 3:16

Jak'a roma xa ix liloj, ni man ix meq'en ta y ni man ix tew ta, xa kan xkixinxa-el.

San Lucas 9:62

Jak'a ri Jesús xubij chire: Man jun wineq ri nuben ta arado y nitzu'un kan chirij, ri utz ta richin nutzijoj ri rajawaren ri Dios, xcha'.

Deut 23:9

Toq rix ixk'o pa labal kik'in ri e etzelanel iwichin, kan titija' k'a iq'ij richin man tiben ri man utz ta achi'el nubij ri pixa'.

Wuj Richin ri Q'axanri'il 32:9

Rije' xe'apon k'a ri kojol taq juyu' Escol y k'ari' xbekitz'eta' ri ruwach'ulew. Jak'a toq xetzolej-pe, xa xkiben chike ri qawinaq richin xkimalij kik'u'x richin man xe'ok ta chupan ri ruwach'ulew ri'.

Wuj Richin ri Q'axanri'il 13:31

Jak'a ri achi'a' ri xebe junan rik'in ri Caleb chunik'oxik ri Canaán, xa xkibij: ¡Ni, man yojtikir ta yojbe-el y nibeqabana' oyowal kik'in ri winaqi' ri', rije' más kuchuq'a' chiqawech roj!, xecha'.

Ex 15:15

Ri e aj-raqen ri chiri' pan Edom xkelawalo' roma xibinri'il, ri man jun bey nikixibij-ki' chiri' pa Moab, k'ari' xtikixibij-ki'. Y ri aj pa Canaán kan xtikik'en rukiy.

1 Corintios 15:33

Man k'a kixq'olotej, roma rix iwetaman chi wi yixok kachibil ri man utz ta ri kich'obonik, xa kan xtiyojtej chuqa' ich'obonik rix.

Deut 20:9

Toq rije' xketane-qa chi ch'owen, jari' toq ri aj-raqen xkek'oje-el chikiwech ri aj-labal y nikichop binen.

Wuj Richin Etamabel-Tzij 24:10

Rat ri nimayamo-qa ri awánima, toq k'o ruk'ayewal ri noqaqa pan ak'aslen, k'a jari' toq niq'alajin chi xa man yakowin ta, roma xa maneq ok awuchuq'a'.