Deut 20:5 - Kaqchiquel Bible

⁵ Y xeri' xkech'on ri samajela' richin ri tinamit y xtikibij: ¿K'o kami jun chiwe rix ri k'a juba' tupaba-q'anej jun rachoch y man jani tok-apo chupan? Wi k'o jun, titzolej kan y tibe pa rachoch, roma rik'in juba' xa xtiken kan pan oyowal y xa jun chik ri xtok kan chupan ri rachoch.

Deut 20:5 ပူးပေါင်းရင်းမြစ်များ

Wuj Richin ri Nehemías 12:27

Y keri' xk'achoj-q'anej ri tz'aq richin ri tinamit. Y toq xapon ri q'ij richin ri matioxinik chire ri Dios, xebekanox k'a konojel ri levita ri kitalun-ki' pa taq tinamit, richin ye'apon pa nimaq'ij richin ri matioxinik. Y rije' xe'apon k'a richin xebixan rik'in kikoten y xkiq'ojomaj ri platillo, arpa, y ri lira.

1 Sam 17:18

Y chire ri aj-raqen pa kiwi' ri awach'alal, nak'uaj-el re lajuj queso re'. Kabiyin y ye'atz'et kan ri animal achike kibanon. Wi utz kiwech, nak'en-pe chuwe jun xabachike retal richin kan q'alaj chi kan e utz, xcha'.

Deut 16:18

Kan ke'ikanola' k'a to'onela' y samajela' richin ri tinamit, richin nikiq'et-tzij pa ruwi' chijun ri ruwach'ulew ri xtibeya'ox chiwe chi'ijujunal ri tzobaj, richin keri' yixbiyin rik'in ruchojmilal.

Deut 1:15

Y keri' k'a toq yin xencha' ri achi'a' ri', y ja rije' ri xenya' pan iwi': Pa kiwi' 1,000 winaqi', pa kiwi' wok'al, pa kiwi' kawineq lajuj y pa kiwi' lajujteq winaqi' y ja rije' ri yeyuqen iwichin.

Wuj Richin ri Q'axanri'il 31:48

Chirij re' ri e aj-raqen pa kiwi' ri aj-labal, xepe k'a rik'in ri Moisés,

Wuj Richin ri Q'axanri'il 31:14

Y toq rije' xe'apon, ri Moisés xyakatej janila royowal chikij ri e aj-raqen pa kiwi' ri aj-labal ri xetzolej-pe.

Wuj Richin Bix Chire ri Dios 30:1

Jehová, kan xkatinnimirisaj k'a, roma kan xinakol. Kan man xaya' ta k'a q'ij chi ri e etzelanel wichin xekikot ta chuwij.

Deut 20:6

¿K'o kami jun chiwe rix ri rutikon uva y man rutijon ta ri ruwech? Wi k'o, tibiyin kan pa rachoch, roma rik'in juba' xa xtiken kan pan oyowal y man xtutej ta chik, y xa jun chik ri xtitijo kan pa ruk'exel.