Deut 20:4 - Kaqchiquel Bible

⁴ Roma ri Jehová ri qa-Dios ri k'o iwik'in rix, ja rija' ri xtibebanon oyowal kik'in ri e etzelanel qichin y kan xtuya' ri ch'akonik chiwe, xticha' ri sacerdote.

Deut 20:4 ပူးပေါင်းရင်းမြစ်များ

Ex 14:14

Jak'a ri Jehová xtibanon oyowal pa qak'exel roj y roj kan man jun ri k'o chi niqaben, xcha' ri Moisés.

Deut 3:22

Y man taxibij-awi' chikiwech ri winaqi' ri', roma ri Jehová ri qa-Dios kan ja rija' ri xtibanon oyowal pan ak'exel, xicha' chire.

Wuj Richin ri Josúe 23:10

Roma jun achin chi'ikojol rix, ye'animej k'a e 1,000 achi'a' chuwech, roma ja ri Jehová ri qa-Dios ri nibanon oyowal pa qak'exel achi'el rubin rija'.

Deut 1:30

Roma ri Jehová ri qa-Dios, kan beneq chiqawech, y kan ja rija' ri xtibanon ri oyowal pa qak'exel, achi'el ri xuben qik'in toq xojel-pe pan Egipto.

Deut 11:25

Man jun k'a ri xtupaba' ta ri' chiwech, roma ri Jehová ri qa-Dios xtuben chike chi xtikik'en ikiy, y xtipe jun nimalej xibinri'il pa kiwi' ri winaqi' ri ek'o pa nima'q taq ruwach'ulew ri akuchi xkixq'ax-wi, achi'el ri rubin rija' chiwe.

Romanos 8:37

Jak'a chupan ronojel ruwech tijoj-poqonal, roj kan yojch'akon-wi chire ronojel roma ri Cristo ri kan yojrajo'.

Wuj Richin ri Josúe 10:42

Ri Josué y ri achi'a' xekikamisaj k'a kan konojel re rey re' richin xkich'ek kan ri kiruwach'ulew: Y re' kan xetikir xkiben pa jun bey, roma ri Jehová ri ki-Dios xbanon oyowal junan kik'in rije'.

2 Crón 13:12

Tiwetamaj k'a, chi ri Dios kan ja rija' ri k'o pa qawi' roj y ri e ru-sacerdote kan koyoben richin nikixupuj ri trompeta richin retal labal chiwij rix. Roma ri' rix aj-Israel, man tiben oyowal rik'in ri Jehová ri qa-Dios roj y ri ki-Dios kan ri qati't-qamama', roma kan man utz ta xtel chiwech, xcha'.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Deut 31:6

Kan kow k'a kixk'oje', titija' iq'ij y man tixibij-iwi' chikiwech, roma ri Jehová ri qa-Dios kan k'o iwik'in y man xkixrumalij ta kan, xcha' ri Moisés.

Wuj Richin ri Josúe 10:11

Y toq e animajineq chikiwech ri e rijatzul kan ri Israel ri keri' pa xulan richin Bet-horón, ri Jehová xuben richin xpe nimalej taq saqboch pa kiwi' ri amorreo, y ri saqboch ri' xapon k'a ri chiri' pan Azecá, y kan e k'iy k'a xeken. Kan más e k'iy xeken roma ri saqboch ri', chuwech ri xeken rik'in espada.

1 Sam 14:23

Y xekitzeqelibej más kela' chire ri tinamit Bet-avén. Y keri' ri Jehová xerukol ri israelita chupan ri q'ij ri'.

1 Crón 14:15

Toq rat xtawak'axaj chi achi'el k'o nibiyaj pa kitum ri che', jari' toq xke'achop chi oyowal, roma yin xtinben chi k'o niq'ajan, y xkinik'o-el chiwech richin kan chaq jun xtinya' chike, y xkenk'is ri aj-labal aj-Filistea, xcha' ri Dios chire ri David.