Deut 20:18 - Kaqchiquel Bible

¹⁸ richin man nikik'ut chiwech ri itzel taq banobel ri xekibanala' rije', richin nikiya' ruq'ij ri ki-dios; y keri' nikiben chiwe richin yixmakun chuwech ri Jehová ri qa-Dios.

Deut 20:18 ပူးပေါင်းရင်းမြစ်များ

Ex 23:33

Kan man k'a tiya' q'ij chike re winaqi' re' chi yek'ase' chi'ikojol, roma rije' xa xtikiben chiwe chi yixmakun chinuwech. Y wi rix kan xke'isamajij ri ki-dios, jari' ri xtibanon chiwe chi xkixtzaq, xcha'.

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

2 Tesalonicenses 3:14

Wi k'o jun ri man nrajo' ta nuben ri xqabij yan qa, titz'eta' k'a achike ri' richin nich'er-el-iwi' rik'in y keri' nik'ixbitej.

2 Corintios 6:17

Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

1 Corintios 15:33

Man k'a kixq'olotej, roma rix iwetaman chi wi yixok kachibil ri man utz ta ri kich'obonik, xa kan xtiyojtej chuqa' ich'obonik rix.

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

Ex 34:16

Y toq rix xke'ik'en-apo ri kimi'al rije' richin chi ye'ik'uluba' kik'in ri ik'ajol rix; toq ri xtani' ri' xtikiya' kiq'ij ri ki-dios, xa kan xtikiben chike ri ik'ajol chi tikibana' chuqa' keri'.

1 Timoteo 6:5

Beneq-ruwech nuben oyowal junan kik'in ri ch'aqa' chik ri yojtajineq kina'oj, y man ketaman ta ri qitzij ruch'abel ri Dios, ri xa nikinimaj, xaxe richin chi ye'ok beyoma'.

Wuj Kichin ri To'onela' 2:3

Roma ri' yin ninbij chiwe chi roma man xe'iwoqotaj ta el re winaqi' re' chi'ikojol, ni man xe'iwelesaj ta el ri ki-dios chi'ikojol, xa xke'ok k'a pikbel chiwe rix, xcha'.

Deut 18:19

Y xabachike wineq ri man nrak'axaj ta ri nuch'abel ri nuq'alajirisaj rija' pa nubi' yin, ri wineq ri' kan xtinq'et k'a tzij pa ruwi'.

Ex 34:12

Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

Deut 9:5

Man roma ta k'a yalan utz ri ik'aslen, ni man roma ta utz ri ibanobal, roma ta ri' xkixok-apo y niwichinaj kan ri kiruwach'ulew rije'. Xa kan roma k'a ri itzel taq kibanobal re tzobaj winaqi' re' richin ri ruwach'ulew ri' ri Jehová ri qa-Dios xkerelesaj-el chiri', richin chi nujikiba' ri rubin-pe chike ri qati't-qamama' ri Abraham, ri Isaac y ri Jacob.

Deut 20:17

Konojel k'a re winaqi' re' xa kan ke'ikamisaj kan jumul: Ri hitita, ri amorreo, ri cananeo, ri ferezeo, ri heveo y ri jebuseo, y tibana' chike achi'el ri rubin ri Jehová ri qa-Dios,

Deut 20:19

Wi rix nichop chi oyowal jun tinamit, y k'o chi yixk'oje' chupan k'iy q'ij richin yixtikir nik'en kan chuwi-kiq'a'; man ke'iqasaj ri che' rik'in ikej, roma nik'atzin ri kiwech chiwe richin ye'itej, xa taq che' chuqa' richin pa taq juyu' y man e achi'a' ta richin yetikir nikikol-ki' chiwech rix. xbanon

2 Rey 21:3

Ri Manasés xerupabala' chik q'anej jun bey ri akuchi nikiya-wi kiq'ij ri wachibel pa ruwi' taq juyu', ri xa kan ruwulan chik kan ri Ezequías ri rutata'. Chuqa' xuben jun porobel richin nikiya' ruq'ij ri Baal, y kan xupaba' chik q'anej ri paban-che' richin Asera, achi'el xuben ri Acab rey richin Israel. Chuqa' xuya' kiq'ij konojel ri ek'o chuwech ri kaj.

Ex 23:32

Man tiben chi nijunamatej-iwech kik'in ri winaqi', rik'in jikibel-tzij y man tik'en kiwech ri ki-dios.

Deut 18:9

Toq xkixok chupan ri ruwach'ulew ri akuchi xtuya-wi ri Jehová ri qa-Dios chiwe; man titzeqelibej ri itzel taq banobel ri nikiben ri ch'aqa' chik ruwach'ulew.