Deut 20:14 - Kaqchiquel Bible

¹⁴ Y xaxe ri ixoqi', ri ak'uala' y ri kawej y ronojel ruwech ri k'o chupan ri tinamit ri', xtok iwichin y kan xtik'atzin k'a chiwe ronojel ri xtiberuya' ri Jehová ri qa-Dios chiwe ri kichin kan ri e etzelanel iwichin.

Deut 20:14 ပူးပေါင်းရင်းမြစ်များ

Wuj Richin ri Josúe 8:2

Rix xtiya' k'a pikbel chirij ri tinamit. Y xtiben chike ri winaqi' richin ri tinamit Ai y chire ri ru-rey achi'el xiben rik'in ri tinamit Jericó y chire ri ru-rey. Xaxe k'a re wakami xtimej-pe ri k'o rejqalen chuwi-kiq'a' y ri kawej, ronojel k'a re' xke'ok iwichin rix, xcha'.

Wuj Richin ri Q'axanri'il 31:9

Y ri israelita xekik'uaj k'a el ri ixoqi' aj-Madián y chuqa' ri ak'uala', y konojel ri kawej, y xkijokola-el ronojel ri kibeyomel;

Romanos 8:37

Jak'a chupan ronojel ruwech tijoj-poqonal, roj kan yojch'akon-wi chire ronojel roma ri Cristo ri kan yojrajo'.

Wuj Richin Bix Chire ri Dios 68:12

Nikibij k'a: ¡Xe'animej, xe'animej ri e rey kichin ri e etzelanel qichin!, yecha'. Y ri ixoqi' chiri' pa kachoch xkitaluj k'a chikiwech ri k'o rejqalen ri xkik'en-pe pa labal

2 Crón 20:25

K'ari' ri Josafat y ri achi'a' xebe-qa richin xbekik'ama-pe ri kik'uan ri e etzelanel kichin; y xkil k'a pe janila chi beyomel, jebelej taq tzieq y ch'aqa' chik ri kan k'o rejqalen. Ronojel re' xekik'uaj; kan janila k'a k'iy, y roma ri' kan man xetikir ta xkimol ruchi' pa jun q'ij. K'o chi oxi' q'ij xek'oje' chiri' richin xkimol ruchi' ronojel ri k'o rejqalen ri kichin kan ri e etzelanel kichin.

Wuj Richin ri Josúe 11:14

Y ri Josué y ri achi'a' xok kichin ronojel ri ek'o chupan ri tinamit ri xekich'ek, y chuqa' ronojel ri awej ri xekil chupan ri tinamit ri'; jak'a konojel ri winaqi' xekikamisaj chi espada, y kan man jun xk'ase' kan chike,

Wuj Richin ri Q'axanri'il 31:18

Jak'a konojel ri xtani' ri ek'o chikikojol ri ixoqi', rije' man ye'ikamisaj ta, xa kan ke'ok iwixjayilal rix.

Wuj Richin ri Q'axanri'il 31:12

Xekik'en-pe chikiwech ri Moisés y ri sacerdote Eleazar y chuqa' chikiwech ri kiwinaq israelita ri akuchi ek'o-wi-qa pa taq'aj richin ri Moab ri k'o chuchi' ri raqen-ya' Jordán ri k'o chuwech-apo ri Jericó.

Wuj Richin ri Q'axanri'il 31:11

Y ronojel ri k'o rejqalen xkimej kan chuwi-kiq'a' ri etzelanel kichin y xekik'en-pe ri winaqi' y ri kawej.

Wuj Richin ri Q'axanri'il 31:15

K'ari' xubij chike: ¿Achike roma man xe'ikamisaj ta kan konojel ixoqi'?

Deut 20:15

Keri' niben kik'in ri tinamit ri ek'o nej ri man e richin ta ri ruwach'ulew ri xtiwichinaj rix.

Deut 2:35

Xa kan xaxe k'a ri awej y ronojel ri k'o rejqalen ri xok kan qichin roj chike ri tinamit ri xeqach'ek.