Deut 20:11 - Kaqchiquel Bible

¹¹ Wi ri winaqi' richin ri tinamit ri' xtikajo' ri uxlanibel-k'u'x y nikiya' q'ij richin yixok-apo pa kitinamit; jari' ri xkesamej iwik'in y xke'ok isamajela' y kan xke'iya' pa kowilej taq samaj.

Deut 20:11 ပူးပေါင်းရင်းမြစ်များ

San Lucas 19:14

Jak'a toq k'o chik k'a chupan ri ruwach'ulew ri k'o chi napon-wi richin niban-pe rey chire, ek'o k'a achi'a' ri e beneq pa kibi' konojel ri ruwinaq ri xe'apon k'a akuchi k'o-wi rija'. Y re achi'a' re' xbekibij: Roj man niqajo' ta chi re achin re' nuq'et-tzij pa qawi', xecha'.

Wuj Richin Bix Chire ri Dios 120:7

Yin kan ja ri uxlanibel-k'u'x ri niqa' chinuwech, jak'a toq ninnataj re' chike, rije' kan yinkichop chi oyowal.

Wuj Kichin ri To'onela' 1:28

Jak'a ri tzobaj richin ri Manasés, toq xkina' chi k'o chik kuchuq'a', jari' toq xkiben chike ri aj-Canaán richin xe'ok kisamajela' y xeyuqe' pa samaj kik'in, y man xekoqotaj ta pe chikikojol.

Wuj Richin ri Josúe 16:10

Jak'a ri e rijatzul ri Efraín man xekelesaj ta el ri aj-Canaán ri ek'o chiri' pa tinamit Guézer, ri xa xek'oje-qa chikikojol rije'. Y xban chike ri aj-Canaán richin xeyuqe' pa samaj kik'in.

Wuj Richin ri Josúe 9:27

Chupan ri q'ij ri' xuben chike chi ri kisamaj rije' ja ri banoj si' y eran-ya' kichin ri winaqi' israelita y chuqa' xtikiben ri xtik'atzin chupan ri rachoch ri Jehová, xabakuchi ta k'a xtubij ri Jehová ri akuchi xtik'oje-wi ri rachoch. Y ri winaqi' ri' kan ja kisamaj ri' k'a re wakami.

Deut 20:10

Toq yixnaqajub-apo rik'in jun tinamit richin niben oyowal rik'in, ri nabey niben, tik'utuj chike richin nik'oje' uxlanibel-k'u'x chi'ikojol.

Deut 20:12

Jak'a wi man nikajo' ta uxlanibel-k'u'x iwik'in, y xa kan xkixkichop chi labal, rix kan xtisutij k'a ri kitinamit y kan xtiben oyowal kik'in.

Wuj Richin ri Josúe 9:8

Rije' xkibij chire ri Josué: Roj kan oj asamajela-wi, xecha'. K'ari' ri Josué xuk'utuj chik chike ri e achike k'a rije' y akuchi e peteneq-wi.

2 Rey 6:22

Y ri Eliseo xubij: Ni, man ye'akamisaj ta. ¿Ye'akamisaj kami rat ri e achapon-pe pan oyowal, ri e achapon-pe rik'in awuchuq'a' y rik'in ri a-espada y ri rute-ach'ab? Wakami k'a pa ruk'exel chi ye'akamisaj, xa kan taya' kiway y kiya' richin yewa' y yeuk'ya'; y chirij ri', xke'atzolij-el rik'in ri ki-rey, xcha'.

Wuj Richin ri Josúe 9:9

Rije' xkibij chire: Roj ri oj asamajela' oj peteneq pa jun ruwach'ulew janila nej, roma kela' qak'axan ri nima'q taq rubanobal ri Jehová ri i-Dios: Ri nima'q taq rubanobal ri xuben pan Egipto,

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.