Deut 20:10 - Kaqchiquel Bible

¹⁰ Toq yixnaqajub-apo rik'in jun tinamit richin niben oyowal rik'in, ri nabey niben, tik'utuj chike richin nik'oje' uxlanibel-k'u'x chi'ikojol.

Deut 20:10 ပူးပေါင်းရင်းမြစ်များ

Efesios 2:17

Toq xpe ri Cristo, xoruya' ri utzilej rutzijol ri uxlanibel-k'u'x chike ri winaqi'.*f2* Xubij re' chiwe rix ri k'a nej ixk'o-wi chire ri Dios, y xubij chuqa' chiqe roj ri kan naqaj ojk'o chire rija'.

2 Corintios 5:18

Y ronojel k'a re', kan rik'in ri Dios xalex-wi-pe. Kan rurayibel k'a rija' chi roj junan ta qawech rik'in, y xukusaj ri Cristo richin xuben ri samaj ri'. Y ri samaj ri ruya'on chiqe roj, ja ri niqaya' ri ruchojmilal chike ri winaqi' ri rubanik chi nijunamatej kiwech rik'in ri Dios.

Hechos 10:36

Chiqakojol k'a roj judío xorutzijoj-wi-qa chi nuteq pe ri Jesucristo wawe' chuwech re ruwach'ulew, y rija' ri qajaw qonojel roj winaqi'. Y re ch'abel re' xoruya-qa kolotajik y uxlanen pa taq qánima.

Wuj Richin ri Zacarías 9:10

Rija' kan xkeruwulaj k'a ri carruaje e richin labal richin ri Israel. Y xkeruk'is k'a ri kiej e richin labal ri ek'o pa Jerusalem. Y xkeruk'is chuqa' ri ch'ab ri yekusex pa labal. Rija' kan xtrelesaj ronojel oyowal pa taq ruwach'ulew. Rija' xtuq'et-tzij chupan chijun ruwach'ulew; xtitiker-el chuchi' jun palou, xtapon k'a chuchi' jun chik palou, xtitiker-el chuchi' ri raqen-ya' Éufrates, y xtapon k'a pa ruk'isibel chire re ruwach'ulew.

Wuj Richin ri Isaías 57:19

Kan xtinben chike chi xketze'en. Kan xtinya' uxlanen kik'in ri ek'o nej; chuqa' kan xtinya' uxlanen kik'in ri ek'o naqaj. Y kan xtinwaq'omaj ri nutinamit. Yin Jehová ri yibin.

Deut 20:9

Toq rije' xketane-qa chi ch'owen, jari' toq ri aj-raqen xkek'oje-el chikiwech ri aj-labal y nikichop binen.

Deut 20:11

Wi ri winaqi' richin ri tinamit ri' xtikajo' ri uxlanibel-k'u'x y nikiya' q'ij richin yixok-apo pa kitinamit; jari' ri xkesamej iwik'in y xke'ok isamajela' y kan xke'iya' pa kowilej taq samaj.

Wuj Kichin ri To'onela' 21:13

Chirij ri' ri winaqi' israelita xkiteq koyoxik ri aj-Benjamín ri xkewaj-ki' chiri' pa Rimón, y xkibij-el chike chi tik'is ri oyowal y tijunamatej-kiwech.

Deut 2:26

Y toq ojk'o pa tz'iran ruwach'ulew richin ri Cademot, xenteq k'a el achi'a' e ya'ol rutzijol rik'in ri rey Sihón pa tinamit Hesbón, richin nibekik'utuj utzil chire y kere' k'a xinbij-el:

Wuj Kichin ri To'onela' 11:12

Ri Jefté kan jari' xeruteq achi'a' e uk'uey rutzijol rik'in ri rey kichin ri winaqi' amonita y xubij-el: ¿Achike roma rat xape wawe' y nawajo' naben oyowal wik'in yin y kik'in ri nuwinaq re ojk'o chuwech re ruwach'ulew re'?, xcha-el.