Deut 20:1 - Kaqchiquel Bible

¹ Toq rix xkixbe pa labal kik'in ri etzelanel iwichin, y kan xke'itz'et chi ek'o janila kikiej y ki-carruaje e richin labal y kan janila e k'iy ri aj-labal más ke chiwech rix, man tixibij-iwi' chikiwech, roma rix man iyon ta ixk'o, kan k'o ri Jehová ri qa-Dios iwik'in, ri xojelesan-pe pan Egipto.

Deut 20:1 ပူးပေါင်းရင်းမြစ်များ

Deut 31:8

Kan ja ri Jehová xtinabeyej chawech y kan xtik'oje' awik'in. Kan man xkaruya' ta kan y man xkarumalij ta kan, y roma ri' man taxibij-awi' y man tamalij ak'u'x, xcha' chire.

Wuj Richin Bix Chire ri Dios 20:7

Ek'o ri xa rik'in ri ki-carruaje richin oyowal ri nikikuquba' kik'u'x; ch'aqa' chik nikikuquba' kik'u'x rik'in ri kikiej; jak'a roj kan kuqul qak'u'x rik'in ri Jehová ri qa-Dios.

Deut 31:6

Kan kow k'a kixk'oje', titija' iq'ij y man tixibij-iwi' chikiwech, roma ri Jehová ri qa-Dios kan k'o iwik'in y man xkixrumalij ta kan, xcha' ri Moisés.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Isaías 43:2

Toq xkixq'ax chupan ri palou, yin xkik'oje' iwik'in. Toq xkixq'ax chupan raqen taq ya', kan man xkixruk'uaj ta el. Y toq xkixq'ax chupan nimalej taq q'aq', man xkixk'at ta, ni ri ruxaq q'aq' man xkixrumej ta.

Wuj Richin ri Isaías 31:1

Toq'ex iwech rix ri yixbe pan Egipto richin nibeto-iwi' chiri', ri nikuquba' ik'u'x kik'in ri kikiej, ri nikuquba' ik'u'x kik'in ri janila chi carruaje, y chi kan janila kuchuq'a' ri yech'oke' chirij kiej. Jak'a xa man niya' ta itzubal rik'in ri Loq'olej qa-Dios, y man nikanoj ta ri Jehová.

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Wuj Richin Bix Chire ri Dios 118:6

Rija' kan k'o wik'in yin, roma ri' man xtinxibij ta wi', chire ri itzel ri xtuben ri wineq chuwe.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Wuj Richin Bix Chire ri Dios 46:7

Ri Jehová k'iytisanel richin ronojel jari' ri k'o qik'in roj. Ri nito'on qichin roj kan ja ri ru-Dios kan ri Jacob.

2 Crón 14:11

Ri Asá xuk'utuj to'onik chire ri Jehová ri ru-Dios y xubij: ¡Jehová, chawech rat junan richin ye'ato' ri aj-labal ri k'o kuchuq'a', y ri maneq kuchuq'a'! Y roma ri' qojato' Jehová ri at qa-Dios, roma kan awik'in rat qakuquban-wi qak'u'x, y pan abi' rat oj peteneq-wi chikij re achi'a' re'. ¡Jehová ja rat at qa-Dios; tak'utu' k'a awi' chi awik'in rat kan man jun nitikir!, xcha'.

Wuj Kichin ri To'onela' 6:12

Ri ángel ri' xuk'ut-ri' chuwech y xubij chire: Ri Jehová kan k'o awik'in. Rat kan at jun achin richin labal ri kan maneq xibinri'il chawech, xcha' chire.

2 Crón 20:12

¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

Wuj Richin ri Josúe 11:9

Ri Josué xuben kik'in achi'el rubin ri Jehová chire: Xekitzak'ila' k'a kan ri paten-iboch' richin ri kaqen ri kikiej, y ri ki-carruaje xekiporoj kan.

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Wuj Richin ri Q'axanri'il 23:21

Man jun itzel banobel ri tz'eton ta chikij ri e rijatzul kan ri Jacob; man jun ruk'ayewal ri niqaqa ta chikij ri israelita. Roma ri Jehová ri ki-Dios kan k'o-wi kik'in; rije' kan nikibij k'a chi ri Dios kan ja wi ri' ri ki-rey.

Wuj Richin ri Rutikeribel 26:3

Rokik ri' kak'oje' na juba' chupan re ruwach'ulew re'. Yin kan xkik'oje' awik'in y xtinya' urtisanik pan awi', roma chawe rat y chike ri awijatzul xtinya-wi kan re ruwach'ulew re', richin keri' xtinben achi'el toq xinya' nutzij chire ri atata' toq k'a k'es na.

Deut 7:18

Jak'a man tixibij-iwi' chikiwech, xaxe toqaqa chi'ik'u'x ri xuben ri Jehová rik'in ri rey richin Egipto y kik'in ri ruwinaq.

Deut 20:2

Toq xtichapatej ri labal, jari' toq ri sacerdote xtipa'e' chikiwech ri aj-labal,

Deut 20:3

y xtubij chike: Tiwak'axaj rix qawinaq; wakami xtibechapa' oyowal kik'in ri e etzelanel qichin, man timayamo-qa ri iwánima y man tixibij-iwi', y man kixbaybot chikiwech.

1 Sam 17:32

Y ri David xubij chire ri Saúl: Kan man jun k'a timayamo-qa ri ránima, roma la achin la' xa aj-Filistea. Roma yin ri in asamajel xkibe y xtinbenbana' oyowal rik'in, xcha'.

2 Crón 20:15

y roma ri' rija' xubij: Tiwak'axaj k'a chi'iwonojel rix ri ix richin ri ajawaren richin Judá, chuqa' rix aj-Jerusalem, y rat rey Josafat. Ri Jehová nubij chiwe chi man tixibij-iwi' y man kixmayamo-qa chikiwech ri janila chi winaqi' ri e peteneq chiwij, roma re labal re' man iwichin ta rix, xa kan richin ri Jehová.

Wuj Richin Bix Chire ri Dios 23:4

Stape' k'o chi yiq'ax chupan jun bey ri janila q'equ'm, kan man xtinxibij ta wi', roma rija' kan beneq wik'in. Yiruyuqej k'a rik'in ri ruch'ame'y y yirukol k'a rik'in ri ruch'aybal, re' kan nuben chuwe chi kan ninkuquba' nuk'u'x.

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Wuj Richin ri Q'axanri'il 10:9

Toq ixk'o chik chupan ri iruwach'ulew y ri etzelanel iwichin xkixkichop chi oyowal y rix yixel-el richin nibebana' oyowal kik'in, xtixupuj k'a ri ka'i' trompeta richin chi niya' rutzijol. Y keri' yin Jehová, ri i-Dios, xkixoqaqa k'a chinuk'u'x y kan xkixinkol pa kiq'a' rije'.

Deut 1:29

Jak'a yin xinbij chiwe: Man tixibij-iwi' y man kixbaybot chikiwech.

Deut 7:21

Man kixmayamo-qa chikiwech rije', roma ri Jehová ri qa-Dios kan k'o chi'ikojol rix, rija' jun Dios nim y kan k'o rukiy, y roma ri' xkebaybot chuwech.

Deut 9:3

Roma ri' tiwetamaj chi ri Jehová ri qa-Dios ja rija' ri ik'owineq chiwech rix, achi'el jun q'aq' ri nuk'is ronojel. Rija' xkeruk'is y xtuqasaj kiq'ij; y rix kan xke'iwelesaj-el y kan xke'ik'is chi'anin, achi'el xubij ri Jehová.

Wuj Kichin ri To'onela' 6:16

Ri Jehová xubij chire: Yin kan xkik'oje' awik'in, y rat kan xkach'akon chikij ri aj-Madián, achi'el xa ta xaxe rik'in jun achin ri naben-wi oyowal, xcha'.

2 Crón 14:10

K'ari' ri Asá xbe richin xberubana' oyowal rik'in, e rachibilan ri aj-labal y xek'oje' pa taq'aj kojol juyu' richin Sefata chunaqaj ri Maresá.

Wuj Richin Bix Chire ri Dios 46:8

Kixanpe, titz'eta' ri nima'q taq banobel ri rubanon ri Jehová. Kan nuk'is k'a el ruwech chijun ri ruwach'ulew.

Wuj Richin ri Jeremías 16:14

Kan xtoqaqa k'a ri q'ij toq man xtibix ta chik: Utz ruwa-ruq'ij ri Jehová, roma xerelesaj-pe ri qati't-qamama' chupan ri ruwach'ulew Egipto.

Wuj Richin ri Zacarías 10:5

Konojel rije' kan e aj-labal ri man jun xibinri'il chikiwech, y xkekixeq' k'a kan ri e etzelanel kichin, achi'el xa ta nikipalibej ri xeq-ulew pa taq bey. Kan xtikiben k'a labal roma yin kan ink'o chikikojol, y kan xkekich'ek ri achi'a' ri yech'oke' chirij kiej.