Deut 2:9 - Kaqchiquel Bible

⁹ Y ri Jehová xubij chuwe: Man jun tiben chike re winaqi' re' richin niyek koyowal, roma man ninya' ta chiwe ri ulew ri' richin niwichinaj. Roma yin xinya' yan ri tinamit Ar chike ri e rijatzul kan ri Lot richin xkichinaj kan, xubij ri Jehová, xcha' ri Moisés.

Deut 2:9 ပူးပေါင်းရင်းမြစ်များ

2 Crón 20:10

Jak'a re wakami jare' e peteneq richin nokibana' oyowal qik'in ri e rijatzul kan ri Amón, ri Moab y ri winaqi' ri aj chuwi' taq juyu' richin ri Seir. Ri ojer kan toq ri qati't-qamama' xeq'ax-pe chupan ri kiruwach'ulew ri winaqi' ri' toq e eleneq-pe pan Egipto, rat kan man xawajo' ta chi xok-apo ri atinamit Israel chiri'; xa xabij k'a chike chi tikich'ara-ki' kik'in, y man jun itzel tikiben kan chike.

Wuj Richin Bix Chire ri Dios 83:8

Keri' chuqa' ri winaqi' aj-Asiria kan xkitun chuqa' ki' kik'in konojel re winaqi' re'; kan xkisuj-ki' richin yekito' ri amonita y ri moabita.

Wuj Richin ri Isaías 15:1

Ri Dios xuq'alajirisaj chinuwech ri xtiberuk'uluwachij ri ruwach'ulew Moab. Y jare' ri rutzijol: Ri tinamit Ar kan xtik'is k'a chupan jun aq'a'. Keri' chuqa' ri tinamit Quir.

Wuj Richin ri Q'axanri'il 21:15

ri ch'uti'n raqen-ya', jari' ri ruk'ulba't ri Moab, y napon k'a pa tinamit Ar.

Wuj Richin ri Q'axanri'il 21:28

Roma ojer kan chupan ri tinamit Hesbón xel-pe q'aq', chupan ri rutinamit ri rey Sihón xbek'ulun-pe ruxaq q'aq'. Xuk'is k'a ri nimalej tinamit Ar ri richin ri ruwach'ulew Moab, xeruk'is k'a ri nima'q taq achi'a' ri ek'o chiri' pan Arnón.

Wuj Richin ri Q'axanri'il 22:4

K'ari' ri Balac ri rey kichin ri moabita xuteq koyoxik ri rijita'q taq achi'a' ri ek'o pa ruwach'ulew Madián, y toq ek'o chik chiri', xubij chike: Re winaqi' re' xa xtikik'is ronojel ri ek'o chuwech re qaruwach'ulew, achi'el nuben jun bóyix toq nuk'is-el jumul ri q'ayis ri k'o chuwech jun ulew, xecha' chike.

Deut 2:29

Achi'el xkiben qik'in ri winaqi' edomita ri ek'o pa Seír y ri winaqi' moabita ri ek'o pan Ar, keri' ta k'a xtaben qik'in rat. Kan xqojato' ta k'a toq xtiqaq'axaj ri raqen-ya' Jordán richin yojapon chupan ri ruwach'ulew ri akuchi rusujun-wi ri Jehová qa-Dios chiqe, xicha'.

Deut 2:5

Man jun tiben chike re winaqi' re' richin niyek koyowal, roma re ulew re' kan man xtinya' ta chiwe, y man jun iq'a' chire re ruwach'ulew re'. Jare' ri kichinan ri e rijatzul kan ri Esaú y ja yin ri in yoyon chike.

Wuj Kichin ri To'onela' 11:15

y xbekibij chire: Ri Jefté kere' nubij-pe: Roj ri oj israelita kan man jun ruwach'ulew kichin ri aj-Moab, ni ta ri iwichin rix ri ix rijatzul ri Amón ri qamajon ta kan.

Wuj Kichin ri To'onela' 11:17

Jari' toq xekiteq achi'a' ri e uk'uey rutzijol rik'in ri rey richin Edom, y xkibij chire: Niqak'utuj utzil chawe richin naya' ta q'ij chiqe richin yojq'ax pa iruwach'ulew, xecha' chire. Jak'a ri rey ri' xa xuben richin man xniman ta chike. Chuqa' xkiteq rutzijol chire ri Balac rey richin Moab, y chuqa' rija' man xrajo' ta; y roma ri' ri qati't-qamama' xek'oje-qa chiri' pa Cadés.

Wuj Kichin ri To'onela' 11:18

Chirij re' ri qati't-qamama' xebiyin pa tz'iran ruwach'ulew y xkisutij-rij ri ruwach'ulew Edom y chuqa' ri ruwach'ulew Moab. Xepe keri' pa relebel-q'ij chire ri Moab, y xek'oje-qa ri pa xokon chire ri raqen-ya' Arnón, y man xe'ok ta apo pa ruwach'ulew Moab; roma ri Arnón jari' ri k'ulba't richin ri Moab.