Deut 2:8 - Kaqchiquel Bible

⁸ Keri', roj xojbe k'a chuchi' ri kiruwach'ulew ri aj-Edom. Xojel-pe chupan ri bey ri peteneq pa tinamit Elat y Esión-guéber. Xeri' xojbe chupan ri bey ri nibe pa tz'iran ruwach'ulew richin Moab.

Deut 2:8 ပူးပေါင်းရင်းမြစ်များ

1 Rey 9:26

Chuqa' ri rey Salomón xeruben barco pa tinamit Esión-guéber ri k'o junan rik'in ri tinamit Elat chuchi' ri Kaqa-Palou chupan ri ruwach'ulew Edom.

2 Rey 16:6

Chupan ri q'ij ri' ri Resín xtikir xuch'ek chik kan ri tinamit Elat, y xerelesaj k'a el chiri' ri winaqi' aj-Judá. Chirij re' ri aj-Edom xe'apon k'a chiri' pan Elat y kan xek'oje' k'a chiri' k'a re wakami.

Wuj Kichin ri To'onela' 11:18

Chirij re' ri qati't-qamama' xebiyin pa tz'iran ruwach'ulew y xkisutij-rij ri ruwach'ulew Edom y chuqa' ri ruwach'ulew Moab. Xepe keri' pa relebel-q'ij chire ri Moab, y xek'oje-qa ri pa xokon chire ri raqen-ya' Arnón, y man xe'ok ta apo pa ruwach'ulew Moab; roma ri Arnón jari' ri k'ulba't richin ri Moab.

2 Rey 14:22

Y ri Azarías xuch'ek chik kan ri tinamit rubini'an Elat, y ja rija' xpaban chik q'anej ri tinamit ri'.

Deut 1:1

Wawe' tz'ibatel-wi ri xubij ri Moisés chike ri israelita, toq ek'o chiri' pa tz'iran ruwach'ulew Arabá ri k'o pa relebel-q'ij chire ri raqen-ya' Jordán. Ek'o k'a chiri' chuwech-pe ri taq'aj Suf, pa xaman chire ri tz'iran ruwach'ulew Parán, y ri tinamit Tófel, Labán, Haserot y ri Dizahab.

Wuj Richin ri Rutikeribel 25:23

Y ri Jehová xubij chire: E ka'i' nima'q taq tzobaj winaqi' richin ri ruwach'ulew ek'o awik'in, kan man junan ta pe kiwech, ri jun más xtik'oje' ruchuq'a' chuwech ri jun chik, y ri nimalaxel xtiberusamajij ri chaq'laxel, xcha'.

Wuj Richin ri Q'axanri'il 21:4

Ri israelita xe'el k'a pe ri chiri' rik'in ri juyu' Hor, ri akuchi ek'o-wi-qa y xkik'uaj-el ri bey ri nibe-qa k'a rik'in ri Kaqa-Palou, richin chi nikisutij-rij ri ruwach'ulew Edom y man yeq'ax ta chiri'; jak'a ri israelita xa xkimalij kik'u'x roma janila k'ayew kina'on.