Deut 2:6 - Kaqchiquel Bible

⁶ Rix xtiloq' k'a el ronojel ri k'o chi nitej richin yixwa-yixuk'ya', xcha' ri Dios chuwe.

Deut 2:6 ပူးပေါင်းရင်းမြစ်များ

Romanos 12:17

Wi k'o jun wineq ri k'o itzel nuben chiwe, man tiben itzel chire. Jantape' tik'uaj jun k'aslen utz chikiwech konojel winaqi'.

San Mateo 7:12

Keri', ronojel k'a ri niwajo' rix chi nikiben ta ri winaqi' iwik'in, kan keri' k'a chuqa' tibana' rix nabey kik'in rije'. Keri' ri xutz'ibaj kan ri Moisés y ri e q'alajirisey ruch'abel ri Dios ri xek'oje' ojer.

Wuj Richin ri Q'axanri'il 20:19

Y ri achi'a' israelita ri e taqon-el xkibij: Xa kan choj k'a xtiqak'uaj-el ri nima-bey; y wi roj y ri qawej xtiqaqum-el ri ya' ri k'o iwik'in, xa kan xtiqatoj k'a kan chiwe. Ri niqajo' roj xaxe taya' q'ij chiqe richin yojq'ax-el re wawe', xecha'.

Deut 2:5

Man jun tiben chike re winaqi' re' richin niyek koyowal, roma re ulew re' kan man xtinya' ta chiwe, y man jun iq'a' chire re ruwach'ulew re'. Jare' ri kichinan ri e rijatzul kan ri Esaú y ja yin ri in yoyon chike.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.