Deut 2:5 - Kaqchiquel Bible

⁵ Man jun tiben chike re winaqi' re' richin niyek koyowal, roma re ulew re' kan man xtinya' ta chiwe, y man jun iq'a' chire re ruwach'ulew re'. Jare' ri kichinan ri e rijatzul kan ri Esaú y ja yin ri in yoyon chike.

Deut 2:5 ပူးပေါင်းရင်းမြစ်များ

Wuj Richin ri Josúe 24:4

Y ri Isaac xinya' k'a ka'i' ruk'ajol; ri jun xubini'aj Jacob y ri jun chik xubini'aj Esaú. Ri Esaú xinya' chire ri juyu' rubini'an Seír richin xrichinaj, jak'a ri Jacob y ri e ralk'ual xebe pa ruwach'ulew Egipto.

Wuj Richin ri Rutikeribel 36:8

Y ri Esaú, ri chuqa' nibix Edom chire, xbek'oje' k'a chuwi' taq juyu' richin ri ruwach'ulew Seir.

Hechos 17:26

Chuqa' kan rubanon chiqe qonojel ri ojk'o chuwech re ruwach'ulew chi xa rik'in jun wineq oj peteneq-wi. Rija' ojer ri' rubin kan ri akuchi ojk'o-wi, y janipe' juna' yojk'ase'.

Hechos 7:5

Ri Dios kan man jun k'a ulew xuya' ta kan chire ri Abraham chupan re ruwach'ulew re', stape' ta xaxe richin nipa'e-wi. Jak'a ri Dios kan xusuj-wi k'a chire chi re ruwach'ulew re' xtok richin rija' y qichin roj ri oj riy-rumam. Kere' xubij ri Dios chire ri Abraham, stape' man jun ralk'ual chiri'.

Dn 4:32

Wakami xa xkatelesex k'a el chikikojol ri winaqi', y xa chikikojol k'a ri aj pa q'ayis taq chikopi' ri xkabek'ase-wi. Kan xtatej k'a ri q'ayis achi'el ri kiwaybal ri wákix. Y wuqu' k'a juna' keri' xtaben, k'a toq xtawetamaj chi kan xaxe ri nimalej Dios ri k'o pa ruwi' ronojel y nuya' ri ajawaren chire ri achike nrajo' rija', xcha' chuwe.

Dn 4:25

Kan xkatelesex k'a el chikikojol ri winaqi' y xkabek'ase' chikikojol ri chikopi' aj pa q'ayis. Kan xtatej k'a ri q'ayis achi'el ri kiwaybal ri wákix. Y xaxe k'a rik'in ri raxq'ab xkatatin-wi. Keri' xkak'oje', k'a toq xtiq'ax na chawech chi kan xaxe wi ri nimalej Dios ri k'o pa ruwi' ri ajawaren richin ri ruwach'ulew y kan nuya' ri ajawaren pa ruq'a' ri achike nrajo' rija'. Y re' xtuk'uaj wuqu' juna'.

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

Deut 32:8

Xtikitzijoj k'a chiwe chirij toq ri Dios xujech ri ruwach'ulew, toq xujech chikiwech konojel ri tzobaj winaqi' ri kiruwach'ulew. Chuqa' xuya' jun ángel pa kiwi' ri tzobaj richin yeruchajij. Jak'a ri xojchajin roj israelita ja ri Jehová.

Deut 2:6

Rix xtiloq' k'a el ronojel ri k'o chi nitej richin yixwa-yixuk'ya', xcha' ri Dios chuwe.

Deut 2:22

Keri' chuqa' xbanatej kik'in ri winaqi' horeo, toq ri Jehová xerukusaj k'a ri e rijatzul kan ri Esaú richin xekik'is-el ri winaqi' ri', y ja rije' xek'oje' kan pa kik'exel chiri' pa ruwach'ulew Seír.

Wuj Richin ri Rutikeribel 36:9

Jare' k'a ri e rijatzul ri Esaú, ri kitata' ri aj-Edom, ri ek'o chuwi' taq juyu' richin Seir.

Ez 35:2

Rat Ezequiel, katzu'un kela' pa ruwach'ulew Seir,*f12* y tabij chike ri achike ri xtiqaqa pa kiwi'.