Deut 2:36 - Kaqchiquel Bible

³⁶ Roj kan xeqach'ek k'a ronojel ri tinamit, nitiker-pe rik'in ri Aroer k'a pa Galaad, y ronojel ri tinamit ek'o-qa chuchi' ri raqen-ya' Arnón, kan man jun k'a ri xch'akon ta chiqij roj, roma ri Jehová ri qa-Dios xerujech pa qaq'a'.

Deut 2:36 ပူးပေါင်းရင်းမြစ်များ

Wuj Richin ri Josúe 13:9

Rije' xkichinaj k'a ri ruwach'ulew ri nitiker-pe pa tinamit Aroer ri k'o chuchi' ri ch'uti'n raqen-ya' Arnón y ri tinamit ri k'o pa taq'aj kojol juyu' chire ri raqen-ya' ri', y chijun ri chuwi' taq juyu' ri nitiker-el rik'in ri tinamit Medebá y napon k'a pa tinamit Dibón,

Deut 4:48

Re ruwach'ulew re' nitiker-el pa tinamit Aroer ri k'o chuchi' ri raqen-ya' Arnón, y napon k'a pa xaman rik'in ri juyu' Sirión ri nibix chuqa' Hermón chire;

Deut 3:12

Y ri Moisés xubij chike: Ri ruwach'ulew ri xok kan qichin chiri', k'o pa xaman chire ri tinamit Aroer, chuchi' ri raqen-ya' Arnón. Keri' chuqa' ri nik'aj chire ri chuwi' taq juyu' Galaad y ronojel ri rutinamit. Jare' k'a ri xinjech chike ri e rijatzul kan ri Rubén y ri e rijatzul kan ri Gad.

Wuj Richin Bix Chire ri Dios 44:3

Rije', man roma ta ri kikamisabal xe'ok kan chuwech ri ruwach'ulew ri', ni man ja ta ri kuchuq'a' rije' ri xekolo. Kan ja ri awijkiq'a' y ri asaqil rat kik'in rije' ri xbanon chike chi xech'akon, Kere' xaben kik'in roma kan xeqa' chawech.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Jeremías 48:19

Y rix winaqi' aj-Aroer, kixpa'e' k'a chuchi' ri bey y xke'itz'et ri winaqi' ri e animajineq. Xtik'utuj k'a chike, ri achike xbanatej.

Wuj Richin ri Isaías 17:2

Ri taq tinamit richin ri ruwach'ulew Aroer kan xkemalix kan, y xa kan xtok soq'olbel. Ri taq chikopi' kan jebel k'a ri xkewa' chiri' roma kan man jun xke'oqotan-el.

Wuj Richin ri Josúe 13:16

Y ri kiruwach'ulew rije' nitiker-pe pa tinamit Aroer ri k'o chuchi' ri ch'uti'n raqen-ya' Arnón y ri tinamit ri k'o pa taq'aj kojol juyu' chire ri raqen-ya' ri' y chijun ri chuwi' taq juyu' ri nitiker-el rik'in ri tinamit Medebá,

Wuj Richin ri Josúe 12:2

Y jun k'a chike ri rey ri xch'akatej, rubini'an Sihón, rija' ki-rey ri amorreo, ri k'o chiri' pa tinamit Hesbón. Ri ruq'atbal-tzij nitiker-pe pa tinamit Aroer, ri k'o chuchi' ri ch'uti'n raqen-ya' Arnón, y napon k'a akuchi nusutij-ri' ri ch'uti'n raqen-ya' Jaboc, y ri raqen-ya' ri' jari' ri ruk'ulba't kichin ri rijatzul kan ri Amón. Nel chi tzij chi numej nik'aj chire ri ruwi-juyu' richin ri Galaad.

Wuj Richin ri Josúe 1:5

Man jun k'a xtitikir chawij chupan ronojel q'ij chire ri ak'aslen, achi'el xik'oje' rik'in ri Moisés, kan keri' chuqa' xkik'oje' awik'in rat, man xkatinya' ta kan y man xkatinmalij ta kan.

Ex 23:31

Yin kan ninya' yan k'a chiwe ri k'ulba't richin re ruwach'ulew re ninya' chiwe. Nuchop-el rik'in re Kaqa-Palou, nijote-el ronojel ri ruchi' ri palou, nitzale' k'a akuchi k'o-wi ri raqen-ya' Éufrates y k'ari' nitzale' pa rajxokon chupan ri tz'iran ruwach'ulew y nik'ulun k'a akuchi k'o-wi ri Kaqa-Palou. Konojel k'a winaqi' richin re ruwach'ulew re' xkenjech pan iq'a' y rix xke'iwelesaj k'a el chupan ri kiruwach'ulew.

Wuj Richin ri Q'axanri'il 32:34

Ri tzobaj richin kan ri Gad xkichojmirisaj chik q'anej ri tinamit Dibón, ri Atarot, ri Aroer,

Wuj Kichin ri To'onela' 11:22

Kan xok k'a kan qichin roj ri ruwach'ulew kichin ri winaqi' amorreo ri nitiker-el rik'in ri raqen-ya' Arnón y napon k'a pa raqen-ya' Jaboc, y ri nitiker chik el pa tz'iran ruwach'ulew y napon k'a pa raqen-ya' Jordán.

Wuj Kichin ri To'onela' 11:26

Roj ri oj israelita ojk'o yan pe 300 juna' chiri' pa tinamit Hesbón y Aroer, y chupan ri kokoj taq tinamit ri ek'o chikinaqaj, y ronojel ri taq tinamit ri ek'o chuchi' ri raqen-ya' Arnón. ¿Achike roma man iwelesan ta chiqe chupan ri 300 juna' ri'?

2 Sam 24:5

Xe'el k'a el pa Jerusalem y xkiq'axaj ri raqen-ya' Jordán, y xe'apon pa tinamit Aroer. Chiri' k'a xkichop-wi-el ri tz'iban bi'aj pa xokon chire ri tinamit ri k'o pa nik'aj chire ri taq'aj. Chirij ri' xebe pa xaman pa ruwach'ulew Gad y k'ari' xe'apon pa tinamit Jazer.

2 Rey 10:33

Ri Hazael xuchop ronojel ruwach'ulew ri k'o pa relebel-q'ij chire ri raqen-ya' Jordán, nitiker-pe pa tinamit Aroer ri k'o chuchi' ri raqen-ya' Arnón, y xapon k'a pa Galaad y pa Basán. Re ruwach'ulew re' xkichinaj kan ri Gad, ri Rubén y ri nik'aj tzobaj richin ri Manasés.

Wuj Richin ri Josúe 21:44

Y man jun k'a chike ri etzelanel kichin ri xupaba' ta ri' chikiwech rije', roma ri Jehová kan xerujech pa kiq'a'. Y keri' kan xuya' k'a uxlanenri'il ri chiri' pa kiruwach'ulew, achi'el ri ya'on-tzij ri rubanon kik'in ri kite-kitata'.