Deut 2:34 - Kaqchiquel Bible

³⁴ Y k'ari' xojok k'a chupan ronojel ri kitinamit y xeqak'is konojel; xeqakamisaj kan chi achi'a' chi ixoqi', chi ak'uala'. Y man jun xqak'asba' kan.

Deut 2:34 ပူးပေါင်းရင်းမြစ်များ

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.

Deut 7:2

Toq ri Jehová ri qa-Dios xerujech yan pan iq'a', man tijunamatej-iwech kik'in, ni man tijoyowaj kiwech, xa kan ke'ik'isa' k'a konojel.

Deut 3:6

Kan xeqak'is k'a konojel ri tinamit, chi achi'a', chi ixoqi', chi ak'uala' xeqakamisaj, achi'el xqaben toq xeqak'is ri Sihón rey richin Hesbón y konojel ri ruwinaq.

Wuj Richin ri Josúe 11:14

Y ri Josué y ri achi'a' xok kichin ronojel ri ek'o chupan ri tinamit ri xekich'ek, y chuqa' ronojel ri awej ri xekil chupan ri tinamit ri'; jak'a konojel ri winaqi' xekikamisaj chi espada, y kan man jun xk'ase' kan chike,

Wuj Richin ri Josúe 7:11

Ri e rijatzul ri Israel xemakun; xkiq'ej ruwi' ri nujikibel-tzij ri xinya' chike, roma xkichop ri banon chire chi nik'is jumul. Kan xe'eleq' k'a, kan xkitz'uk-tzij y kan xkewaj chukojol ri iwichin rix ri xa banon chire chi nik'is jumul.

Deut 7:26

Roma ri' man jun tik'uaj pan iwachoch ri man niqa' ta chuwech ri Dios, richin chi man yixk'is. Kan tiwetzelaj k'a ronojel re', roma ri Dios rubin kan chi xa nik'is jumul.

Wuj Richin ri Josúe 9:24

Y rije' xkibij k'a chire ri Josué: Roj kan xqetamaj k'a chi ri Jehová ri i-Dios xubij chire ri ánima Moisés, ri rusamajel richin nuya' chiwe ronojel re ruwach'ulew re' y chuqa' kan k'o chi xke'ikamisaj konojel ri ek'o chuwech. Roma ri' janila xqaxibij-qi' richin yojikamisaj, y roma ri' roj xqaben kere'.

Wuj Richin ri Josúe 6:21

Y ronojel ri xkil chupan ri tinamit ri', xekikamisaj rik'in espada; chi achi'a', chi ixoqi', chi ak'uala' y ri taq rijita'q, chuqa' ri bóyix, ri kokoj taq awej y konojel ri bur.

Wuj Richin ri Josúe 10:28

Y keri' chuqa' chupan k'a ri q'ij ri' ri Josué y ri achi'a' xkich'ek ri tinamit Maquedá, y xekikamisaj rik'in espada, keri' chuqa' xkikamisaj ri rey, y xekik'is k'a konojel ri winaqi' ri ek'o chupan ri tinamit ri'; y kan man jun k'a xkiya' kan, y xkiben chire ri rey achi'el xkiben chire ri rey richin ri Jericó.

Wuj Richin ri Josúe 10:40

Ri Josué y ri achi'a' xekich'ek k'a konojel tinamit ri ek'o pa xokon: Ri winaqi' ri ek'o chuwech ri ruwach'ulew ri ek'o chuwa taq juyu', ri ek'o pa xokon chire ri ruwach'ulew, ri ek'o pa taq'aj chuwech ri palou y ri ek'o pa xulan chire ri relebel-q'ij. Y xekikamisaj ri ki-rey y konojel winaqi' ri ek'o chiri', y kan man jun k'a xkiya' kan rik'in ruk'aslen. Kan konojel k'a xekikamisaj, achi'el rubin ri Jehová Dios richin Israel.