Deut 2:30 - Kaqchiquel Bible

³⁰ Jak'a ri rey ri' man xuya' ta q'ij richin xojq'ax-el chupan ri ruwach'ulew, roma ri Jehová ri qa-Dios xukowirisaj ri ránima y kan xupaba-ri' chiqawech. Ri Jehová xuben keri' richin chi xujech pa qaq'a' ri Sihón y ri ruwach'ulew.

Deut 2:30 ပူးပေါင်းရင်းမြစ်များ

Wuj Richin ri Q'axanri'il 21:23

Jak'a ri Sihón xa man xrajo' ta chi ri israelita xeq'ax ta chiri' pa ruruwach'ulew. Xa pa ruk'exel chi xuya' ta q'ij chike, xa xerumol k'a konojel ri ruwinaq richin oyowal y xeyakatej-el richin xebe k'a pa tz'iran ruwach'ulew richin chi xeberuchapa' chi oyowal ri winaqi' israelita. Y toq xe'apon ri chiri' pa Jahas, jari' toq xekichop chi oyowal.

Ex 4:21

K'ari' ri Jehová xubij chire ri Moisés: Toq xatapon yan k'a ri chiri' pan Egipto, kan tabana' k'a chuwech ri rey ronojel ri meyel taq banobel ri xinbij-el chawe; jak'a yin kan xtinkowirisaj k'a ri ránima ri rey y rik'in ri keri' rija' kan man xkerisq'opej ta pe ri nutinamit.

Ex 11:10

Y ri Moisés y ri Aarón kan xkiben-wi k'iy nima'q taq banobel ri chiri' chuwech ri rey. Jak'a ri Jehová kan xukowirisaj ránima ri rey, richin chi man xuya' ta q'ij richin xe'el-el ri israelita.

Wuj Richin ri Isaías 48:4

Ronojel re' xbanatej roma kan wetaman chi rix man ninimaj ta nutzij. Rix janila ix tix, y man niwajo' ta richin niqasex iq'ij.

Wuj Kichin ri To'onela' 11:20

Jak'a ri Sihón man xukuquba' ta ruk'u'x kik'in ri qawinaq israelita richin xuya' ta q'ij chike richin xeq'ax ta el chupan ri kiruwach'ulew. Xa xerumol k'a konojel aj-labal, y xebek'oje' pa tinamit Jahas, richin xkiben oyowal kik'in ri qati't-qamama'.

Deut 2:31

Ri Jehová xubij chik chuwe: Yin kan nuchapon chik k'a chi ninjech ri Sihón y ri ruruwach'ulew pan iq'a', kixok k'a chupan y tichapa' ruch'akik richin nok kan iwichin jumul.

1 Rey 12:15

Keri' ri rey xa man xerak'axaj ta ri winaqi'. Jak'a ri Jehová xya'on q'ij chi keri' xbanatej, richin keri' nibanatej ronojel achi'el xubij ri Jehová chire ri Ahías ri aj-Siló toq xch'on rik'in ri Jeroboam.

Wuj Richin ri K'uxla'anik 3:65

Takowirisaj k'a ri kánima, Taya' q'ij chi niqaqa ri etzelanik pa kiwi'.

Ex 7:14

Y k'ari' ri Jehová xubij chire ri Moisés: Ri rey kan janila k'a rukowirisan-ri', roma ri' man nuya' ta q'ij richin nibe ri tinamit.

Wuj Richin ri Q'axanri'il 21:33

K'ari' ri israelita xetzolin chik richin xebe pa xaman chire ri ruwach'ulew Basán. Y k'o k'a jun rey ri chiri' rubini'an Og. Y rija' xbeyakatej k'a pe e rachibilan konojel ri aj-labal, richin nibekibana' oyowal kik'in ri israelita.

Wuj Richin ri Q'axanri'il 21:34

Xeri' ri Jehová xubij chire ri Moisés: Man taxibij-awi' chuwech rija', roma yin xkenjech pan aq'a', e rachibilan konojel ri ruwinaq y chuqa' xtinya' chiwe ri kulew. Xaxe tabana' rik'in achi'el xaben rik'in ri Sihón, rey kichin ri winaqi' amorreo ri xk'oje' kan pan Hesbón.

2 Crón 10:15

Ri rey man xerak'axaj ta ri winaqi' ri', roma ja ri Dios xbanon chire richin keri' nibanatej, achi'el ri rubin ri Dios chire ri Ahías ri aj-Siló chirij ri Jeroboam ri ruk'ajol ri Nabat, chi keri' xtibebanatej.