Deut 2:3 - Kaqchiquel Bible

³ Janila yan k'iy juna' ri chaq yixbe-kela' yixbe-kela' niben chunaqaj re ruwach'ulew re'. Wakami k'a kixbiyin pa ruchojmil ri xaman.

Deut 2:3 ပူးပေါင်းရင်းမြစ်များ

Wuj Richin ri Q'axanri'il 9:22

Wi ri sutz' nipa'e' pa ruwi' ri rachoch ri Dios jun ka'i' q'ij, o jun ik', o jun juna'; rokik pa'el chiri', ri winaqi' israelita yek'oje' chiri' y man yesilon ta el. Jak'a toq ri sutz' niyakatej-el, rije' chuqa' ye'el-el chiri' y yebe.

Deut 1:6

Ri Jehová ri qa-Dios, xch'on qik'in pan Horeb y xubij: Janila ix yalojineq-qa, chuxe-pe re juyu' re'.

Deut 2:14

Kan xaxe k'a toq xojel-pe pa Cadés-barnea, k'a ri q'ij toq xqaq'axaj ri ti ch'uti'n raqen-ya' Zéred, q'axineq-pe juwineq waqxaqlajuj juna'. Y roma ri' konojel ri achi'a' ri e qawinaq ri k'o chik kijuna' richin yebe pa labal toq xojel-pe pan Egipto xa xek'is yan kan, achi'el ri ya'on-tzij ri rubanon ri Jehová.

Deut 2:2

K'ari' ri Jehová xch'on wik'in y xubij chuwe:

Deut 2:4

Kere' tabij chire ri tinamit: Rix kan yixbeq'ax yan k'a pa kitinamit ri edomita ri ek'o chiri' pa Seír, y ri winaqi' ri' kan e iwach'alal-wi. Rije' kan xtikixibij k'a ki' chiwech, jak'a rix kan utz tibana' kik'in.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.