Deut 2:24 - Kaqchiquel Bible

²⁴ Y ri Moisés xubij: Ri Jehová xubij chuwe chi tiqachapa' chik k'a el bey y tiqaq'axaj la raqen-ya' Arnón, roma rija' rujachon chik pa qaq'a' ri Sihón ri rey kichin ri amorreo ri k'o pa tinamit Hesbón. Y xubij chuqa' chi tiqabana' k'a labal kik'in richin yojok kan chuwech ri ruwach'ulew richin niqichinaj kan.

Deut 2:24 ပူးပေါင်းရင်းမြစ်များ

Dn 4:17

Re ruk'ayewal re' jare' ri xuq'et kan ri ángel y kere' xtibanatej, richin konojel winaqi' tiketamaj chi kan xaxe wi ri nimalej Dios ri niq'aton-tzij pa kiwi' ri q'atoy taq tzij. Rija' kan nuya' k'a ri ajawaren pa ruq'a' ri achike nrajo' rija', y kan nuben chire jun wineq ri kan man jun ok ruq'ij, chi nok aj-raqen pa ruwi' jun ruwach'ulew, xcha' ri ángel.

Dn 2:38

kan ruya'on k'a pan aq'a' ri uchuq'a' richin naq'et-tzij pa kiwi' konojel tinamit, pa kiwi' awej, y pa kiwi' ri aj-xik' taq chikopi'. Roma ri' ri jolomaj ri xatz'et ri banon rik'in q'anapueq kan nuk'exewachuj k'a chi ja rat ri'.

Ez 29:20

Xtinsipaj k'a ri ruwach'ulew Egipto chire ri rey Nabucodonosor, roma xeruteq-el ri aj-labal chirij ri Tiro, roma ri wutzil yin Jehová, ri ink'o pa ruwi' ronojel.

Wuj Richin ri Jeremías 27:5

Kan rik'in k'a ri nimalej wuchuq'a' xinben ri ruwach'ulew, ri winaqi' y ri chikopi' ri ek'o chuwech. Y xinya' chire ri achoq chire xinwajo' xinya-wi.

2 Crón 36:23

Ri Ciro rey richin Persia kere' nubij: Ri Jehová Dios ri rajaw ri kaj, xuya' chuwe ronojel q'atbel taq tzij richin ri ruwach'ulew; y rija' yiruteq richin ninbenpaba-q'anej jun rachoch pa Jerusalem ri k'o pa ruwach'ulew Judá. Achike k'a chiwe rix ri kan k'o chupan ri rutinamit ri Jehová, ja ri Jehová ri xtito'on richin y xtibe chila' pa Jerusalem. Y ja ri Jehová ri ru-Dios ri xtuk'uan richin, xcha' ri Ciro.

Wuj Richin ri Josúe 6:16

Y toq xtz'aqet yan wuqu' mul xesutin chirij ri tinamit, jari' toq ri e sacerdote xkeyaloj richin nikixupuj ri xupubel, y chuqa' jari' toq ri Josué xubij chike ri achi'a': Kixsik'in, roma ri Jehová xujech yan pa qaq'a' re tinamit re'.

Deut 2:36

Roj kan xeqach'ek k'a ronojel ri tinamit, nitiker-pe rik'in ri Aroer k'a pa Galaad, y ronojel ri tinamit ek'o-qa chuchi' ri raqen-ya' Arnón, kan man jun k'a ri xch'akon ta chiqij roj, roma ri Jehová ri qa-Dios xerujech pa qaq'a'.

Wuj Richin ri Esdras 1:2

Kere' k'a ri ninbij yin, Ciro, rey richin Persia: Ri Jehová, ri Dios richin ri kaj, xuya' ronojel ri q'atbel-tzij pa nuq'a' richin chijun ruwach'ulew. Y ri Dios xubij chuwe chi tinpaba-q'anej jun rachoch pa tinamit Jerusalem, ri k'o chiri' pa ruwach'ulew Judá.

Wuj Richin ri Q'axanri'il 21:12

Xe'el chik el ri chiri', y xebek'oje' ri pa taq'aj chuchi' ri raqen-ya' Zéred.