Deut 2:18 - Kaqchiquel Bible

¹⁸ Wakami k'a, kixbiyin y pa tinamit Ar yixok-wi-el richin niq'axaj ri ruwach'ulew Moab.

Deut 2:18 ပူးပေါင်းရင်းမြစ်များ

Wuj Richin ri Isaías 15:1

Ri Dios xuq'alajirisaj chinuwech ri xtiberuk'uluwachij ri ruwach'ulew Moab. Y jare' ri rutzijol: Ri tinamit Ar kan xtik'is k'a chupan jun aq'a'. Keri' chuqa' ri tinamit Quir.

Wuj Richin ri Q'axanri'il 21:13

Y toq xe'el chik el ri chiri' pa Zéred, xebek'oje' kan k'a chuchi' ri raqen-ya' Arnón, ri k'o chupan ri tz'iran ruwach'ulew. Y ri raqen-ya' Arnón jari' ri k'ulba't richin ri ruwach'ulew Moab, y kichin ri winaqi' amorreo. Y keri' ri israelita xe'apon k'a ri pa kiruwach'ulew ri winaqi' amorreo.

Wuj Richin ri Q'axanri'il 21:15

ri ch'uti'n raqen-ya', jari' ri ruk'ulba't ri Moab, y napon k'a pa tinamit Ar.

Wuj Richin ri Q'axanri'il 21:23

Jak'a ri Sihón xa man xrajo' ta chi ri israelita xeq'ax ta chiri' pa ruruwach'ulew. Xa pa ruk'exel chi xuya' ta q'ij chike, xa xerumol k'a konojel ri ruwinaq richin oyowal y xeyakatej-el richin xebe k'a pa tz'iran ruwach'ulew richin chi xeberuchapa' chi oyowal ri winaqi' israelita. Y toq xe'apon ri chiri' pa Jahas, jari' toq xekichop chi oyowal.

Deut 2:17

jari' toq ri Jehová xubij chuwe:

Deut 2:9

Y ri Jehová xubij chuwe: Man jun tiben chike re winaqi' re' richin niyek koyowal, roma man ninya' ta chiwe ri ulew ri' richin niwichinaj. Roma yin xinya' yan ri tinamit Ar chike ri e rijatzul kan ri Lot richin xkichinaj kan, xubij ri Jehová, xcha' ri Moisés.

Wuj Kichin ri To'onela' 11:18

Chirij re' ri qati't-qamama' xebiyin pa tz'iran ruwach'ulew y xkisutij-rij ri ruwach'ulew Edom y chuqa' ri ruwach'ulew Moab. Xepe keri' pa relebel-q'ij chire ri Moab, y xek'oje-qa ri pa xokon chire ri raqen-ya' Arnón, y man xe'ok ta apo pa ruwach'ulew Moab; roma ri Arnón jari' ri k'ulba't richin ri Moab.