Deut 2:14 - Kaqchiquel Bible

¹⁴ Kan xaxe k'a toq xojel-pe pa Cadés-barnea, k'a ri q'ij toq xqaq'axaj ri ti ch'uti'n raqen-ya' Zéred, q'axineq-pe juwineq waqxaqlajuj juna'. Y roma ri' konojel ri achi'a' ri e qawinaq ri k'o chik kijuna' richin yebe pa labal toq xojel-pe pan Egipto xa xek'is yan kan, achi'el ri ya'on-tzij ri rubanon ri Jehová.

Deut 2:14 ပူးပေါင်းရင်းမြစ်များ

Wuj Richin Bix Chire ri Dios 106:26

Roma ri' kan xujikiba' rutzij chi xkerukamisaj chiri' pa tz'iran ruwach'ulew.

Wuj Richin Bix Chire ri Dios 90:15

Taya' k'iy q'ij richin kikoten chiqe, achi'el ri rajlabal ri q'ij ri xqaq'axaj pa tijoj-poqonal, achi'el rajlabal ri juna' ri kan xaxe ri ruk'ayewal ri xqatz'et.

Wuj Richin Bix Chire ri Dios 90:3

Rat kan naben chiqe chi yojok chik ulew. Kan yojawoyoj-wi richin yojok chik poqolaj.

Wuj Richin Bix Chire ri Dios 90:9

Ri q'ij chire ri qak'aslen xa kan beneq pa xulan roma rat nipe awoyowal chiqe. Ronojel juna' ri niqaq'axaj, xa achi'el ok jun ch'obonik.

Wuj Richin Bix Chire ri Dios 95:11

Roma ri' chupan ri woyowal xinya' nutzij, y xinbij chi rije' man xke'ok ta chupan ri ruwach'ulew ri xtikichinaj.

Ez 20:15

Chuqa' chiri' pa tz'iran ruwach'ulew xinjikiba' k'a chike chi man xtinya' ta chike ri ruwach'ulew ri nuya'on chik chike, ri kan más jebel chikiwech ri ch'aqa' chik ri akuchi niwachin ronojel ruwech tiko'n.

Wuj Richin ri Q'axanri'il 1:1

Ri e rijatzul kan ri Israel xe'el-pe chiri' pa ruwach'ulew Egipto y xe'apon pa tz'iran ruwach'ulew rubini'an Sinaí. Y chupan ri nabey q'ij richin ri ruka'n ik' chire ri ruka'n juna' ri ke'el-pe pan Egipto, jari' toq xch'on-pe ri Jehová chupan ri rachoch richin molojri'il y xubij chire ri Moisés:

Wuj Richin ri Q'axanri'il 13:26

Y xe'apon k'a rik'in ri Moisés, ri Aarón y ri ch'aqa' chik kiwinaq, ri chiri' pa tz'iran ruwach'ulew Parán, ri chiri' pa tinamit Cadés. Y xkitzijoj k'a ronojel chike y xkik'ut chikiwech ri ruwech ri tiko'n ri nuya' ri chiri'.

Wuj Richin ri Q'axanri'il 32:11

man jun chike ri achi'a' ri k'o juwineq kijuna' pa jotol ri xe'el-pe pa ruwach'ulew Egipto, ri xtibekitz'eta' ta ri ruwach'ulew ri xusuj, stape' kan xuya' rutzij chike ri Abraham, ri Isaac y ri Jacob, roma kan man choj ta xkiben chuwech rija'.

1 Corintios 10:5

Man rik'in ri' rije' xa man xkiben ta ri niqa' chuwech ri Dios, y roma ri' ri kich'akul xepunupuxin kan pa tz'iran ruwach'ulew.

Deut 1:19

Roj kan xojel k'a pe pan Horeb y xojpe pa ruchojmilal ri k'echelaj ri k'o pa kiruwach'ulew ri winaqi' amorreo, achi'el ri xubij ri Jehová ri qa-Dios chiqe. Xqaq'axaj k'a ri itzel y ri nimalej tz'iran ruwach'ulew, y keri' xojoqaqa pa Cadés-barnea.

Deut 1:2

Y richin yatel-pe pan Horeb y yatapon pa tinamit Cadés-barnea y nak'uaj ri bey richin ri ruwach'ulew Seír ri k'o chuwi' taq juyu', k'o chi yabiyin julajuj q'ij.

Deut 1:46

Keri', k'o chi xojk'oje' kan k'iy juna' ri chiri' pa Cadés.

Deut 2:13

Y ri Moisés xubij: Chirij re' xqaq'axaj ri ch'uti'n raqen-ya' Zéred achi'el rubin ri Jehová.

Deut 2:16

Y chirij k'a ronojel ri xbanatej, toq xa xeken yan kan chiqakojol konojel ri achi'a' ri e richin labal,

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Wuj Richin ri Josúe 24:7

Jak'a toq ri ite-itata' xech'on wik'in yin Jehová, yin xinya' jun q'equ'm chikikojol rije' y ri aj-Egipto, y xinben chike ri aj-Egipto richin xerumuq ri palou ri'. Rix kan xiwetamaj k'a ronojel ri xinben pan Egipto. Y rix kan xiq'axaj k'a k'iy juna' pa tz'iran ruwach'ulew.

Wuj Richin ri Josúe 5:4

Ri Josué xuben chi xequpix ri achi'a' richin ri ketal, roma konojel ri e eleneq-pe pan Egipto, ri aj-labal, xa xeken yan kan pa tz'iran ruwach'ulew,

Wuj Richin ri Josúe 5:6

Konojel k'a ri rijatzul kan ri Israel xebiyin pa tz'iran ruwach'ulew kawineq juna' y kan konojel ri aj-labal ri eleneq-pe pan Egipto xek'is k'a, roma man xkitaqej ta ri ruch'abel ri Jehová. Y roma ri' ri Jehová xuya' rutzij chike chi man nikitz'et ta ri ruwach'ulew ri ruya'on rutzij chire chi nuya' chike ri kite-kitata'; ri ruwach'ulew ri akuchi niwachin-wi ronojel ruwech tiko'n.

Judas 1:5

Y wakami ninwajo' k'a ninnataj chiwe ri xuben ri Dios ojer kan. Rix iwetaman chi ri Dios xerelesaj-pe ri qati't-qamama' chupan ri ruwach'ulew Egipto. Jak'a toq xekolotej yan pe, k'ari' xeruk'is ri man xkikuquba' ta kik'u'x rik'in.