Deut 2:12 - Kaqchiquel Bible

¹² Ojer kan chupan chijun ri ruwach'ulew Seír xek'oje' ri winaqi' horeo, y xk'uluwachitej k'a chi ri edomita xekelesaj-pe chiri' y xekikamisaj konojel. Y ja k'a rije' ri xek'oje' kan chupan ri ruwach'ulew ri', kan achi'el k'a xqaben roj israelita pa ruwi' ri ruwach'ulew ri xuya' ri Jehová chiqe.

Deut 2:12 ပူးပေါင်းရင်းမြစ်များ

Wuj Richin ri Rutikeribel 14:6

y chuqa' xekich'ek ri rijatzul ri Hor ri ek'o chiri' pa juyu' rubini'an Seír y xekitzeqelibej k'a el k'a chuwa-taq'aj richin Parán ri k'o chunaqaj ri tz'iran ruwach'ulew.

Deut 2:13

Y ri Moisés xubij: Chirij re' xqaq'axaj ri ch'uti'n raqen-ya' Zéred achi'el rubin ri Jehová.

Deut 2:22

Keri' chuqa' xbanatej kik'in ri winaqi' horeo, toq ri Jehová xerukusaj k'a ri e rijatzul kan ri Esaú richin xekik'is-el ri winaqi' ri', y ja rije' xek'oje' kan pa kik'exel chiri' pa ruwach'ulew Seír.

Deut 2:32

Toq ri Sihón y ri aj-labal xepe richin nokibana' oyowal qik'in pa Jahas,