Deut 2:1 - Kaqchiquel Bible

¹ Chirij ri' xojtzolin y xojbe pa tz'iran ruwach'ulew, xqak'uaj ri bey ri nibe pa Kaqa-Palou, achi'el ri rubin ri Jehová chuwe, y kan xaxe k'a chunaqaj ri chuwi' taq juyu' richin Seír xojk'oje-wi. Y kan chaq yojbe kela' yojbe kela' xqaben ri janipe' juna' xojk'oje' chiri'.

Deut 2:1 ပူးပေါင်းရင်းမြစ်များ

Wuj Richin ri Q'axanri'il 14:25

Naqaj chik k'a ek'o-wi-apo ri winaqi' amalecita y ri winaqi' cananeo, ri chiri' pa taq taq'aj; jak'a rix, chua'q k'a xkixtzolej chik ri pa tz'iran ruwach'ulew y choj xkixbe pa ruchojmilal ri Kaqa-Palou, xcha'.

Wuj Richin ri Q'axanri'il 21:4

Ri israelita xe'el k'a pe ri chiri' rik'in ri juyu' Hor, ri akuchi ek'o-wi-qa y xkik'uaj-el ri bey ri nibe-qa k'a rik'in ri Kaqa-Palou, richin chi nikisutij-rij ri ruwach'ulew Edom y man yeq'ax ta chiri'; jak'a ri israelita xa xkimalij kik'u'x roma janila k'ayew kina'on.

Deut 1:2

Y richin yatel-pe pan Horeb y yatapon pa tinamit Cadés-barnea y nak'uaj ri bey richin ri ruwach'ulew Seír ri k'o chuwi' taq juyu', k'o chi yabiyin julajuj q'ij.

Deut 1:40

Rokik nibanatej re' kixtzolin y kixbiyin chupan ri tz'iran ruwach'ulew chupan ri bey ri nibe rik'in ri Kaqa-Palou, chayineq kan ri Dios.

Deut 11:4

Xitz'et k'a ri xuben kik'in ri aj-labal richin ri Egipto, kik'in ri kikiej y ri ki-carruaje, y toq xek'is kan chuxe' ri Kaqa-Palou toq xojkitzeqelibej-pe. Ri Jehová kan xeruk'is k'a kan jumul.

Deut 2:2

K'ari' ri Jehová xch'on wik'in y xubij chuwe:

Wuj Kichin ri To'onela' 11:18

Chirij re' ri qati't-qamama' xebiyin pa tz'iran ruwach'ulew y xkisutij-rij ri ruwach'ulew Edom y chuqa' ri ruwach'ulew Moab. Xepe keri' pa relebel-q'ij chire ri Moab, y xek'oje-qa ri pa xokon chire ri raqen-ya' Arnón, y man xe'ok ta apo pa ruwach'ulew Moab; roma ri Arnón jari' ri k'ulba't richin ri Moab.