Deut 19:5 - Kaqchiquel Bible

⁵ Wi k'o ta jun ri nibe rik'in jun rachibil pa juyu' richin nibekibana' kisi' y toq nuchoy ri che' rik'in ri ikej, xjolojo-el ri ch'ich' chirij ri raqen ikej y k'a chirij ri rachibil xapon-wi y kan xken; ri xbanon keri' kan xtanimej k'a el chi'anin y nibe pa jun chike ri tinamit ri', richin nukol-el-ri'.

Deut 19:5 ပူးပေါင်းရင်းမြစ်များ

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin Etamabel-Tzij 27:12

Ri wineq ri kan k'o na'oj rik'in, toq nunabej chi k'o ruk'ayewal peteneq, nukanoj akuchi nuto-ri'; jak'a ri wineq ri xa maneq runa'oj, choj nibe y k'a pa ruk'ayewal nibeqaqa-wi.

Wuj Richin ri Q'axanri'il 35:25

Y ri e aj-raqen richin ri tinamit xtikikol-el ri kamisanel chuwech ri najowan niya'on ruk'exel chire y xtibek'oje' chupan ri tinamit richin tobel. Chiri' k'a xtik'oje-wi k'a toq xtiken na ri nimalej sacerdote.

Deut 19:4

Wi jun wineq chaq k'ate' nukamisaj jun chik y xa man jun oyowal chikikojol, rija' ruk'amon chi xtanimej-el y nibe chiri' chupan ri tinamit richin tobel richin nukol-el-ri'.

Deut 19:6

Rik'in juba' k'o jun rach'alal ri xken ri nrajo' nuben ruk'exel chire, y nroqotaj rik'in janila royowal richin nukamisaj. Wi ta xaxe jun tinamit richin tobel k'o, y roma ri tinamit ri' kan janila nej k'o-wi, ri rach'alal ri xken kan xtuq'i' y xtukamisaj. Re' xa man ruk'amon ta richin nikamisex roma xa kan qitzij man jun rumak y chuqa' xa man jun bey xketzelaj ta ki'.

2 Rey 6:4

Xebe k'a qa, y toq xe'apon pa raqen-ya' Jordán xkichop ruchoyik ri che'.