Deut 19:14 - Kaqchiquel Bible

¹⁴ Chupan ri ruwach'ulew ri xtiberuya' ri Jehová ri qa-Dios chiwe richin niwichinaj kan, man chaq tichoy-apo ri k'ulba't richin ri iwachpochel, ri kibanon kan ri ojer taq winaqi'.

Deut 19:14 ပူးပေါင်းရင်းမြစ်များ

Wuj Richin Etamabel-Tzij 22:28

Rat, kan man k'a tajeluj-apo ri ak'ulba't, roma ri k'ulba't ri' kan ojer ri' k'o-pe; kan man k'a tajeluj-apo ri ak'ulba't, toq ri k'ulba't ri', kan ja ri awati't-amama' ri e yoyon kan chiri'.

Os 5:10

Ri e aj-raqen richin ri ruwach'ulew Judá kan xkiben k'a achi'el nikiben ri eleq'oma' richin k'ulba't. Pa kiwi' rije' kan xtinchoxij k'a pe ri woyowal achi'el xa ta ya'.

Wuj Richin Etamabel-Tzij 23:10

Rat, kan man k'a tajeluj-apo ri ak'ulba't pa jun ulew, toq ri k'ulba't ri' kan ojer ri k'o-pe chiri'; chuqa' kan man katok-apo pa rulew ri xa maneq chik rute-rutata'.

Wuj Richin ri Achin Job 24:2

Ri achi'a' ri' yekijuk' k'ulba't, richin ninimer ri kulew, yekeleq'ala' awej y man jun kik'ix yebe chikiyuq'uxik.

Wuj Richin Etamabel-Tzij 15:25

Ri Jehová kan nuwulaj ri rachoch ri wineq ri kan nim nuna-ri'; jak'a kan nuchajij jebel ri richinan kan ri malka'n-ixoq.

Ex 21:13

Jak'a wi k'o ta chik jun wineq ri xa maneq pa ránima richin nuben kamik y nukamisaj ta jun wineq, roma xa kan xapon ri q'ij richin niken, ri xbanon ri kamik utz chi niberewaj-ri' ri akuchi ri xtinbij-wi yin.

Deut 3:18

Chupan ri q'ij ri' xinya' chiwe rix ri ix rijatzul kan ri Rubén, ri Gad, y ri nik'aj chiwe ri ix rijatzul kan ri Manasés re jun ruchojmilal re': Ri Jehová ri qa-Dios nujech re ruwach'ulew re' chiwe richin niwichinaj kan. Jak'a konojel ri aj-labal, tikichapa' ri kikamisabal y ke'ik'o-el chikiwech ri qawinaq israelita.

Deut 4:41

Ri Moisés xucha' oxi' tinamit ri ek'o pa relebel-q'ij chire ri raqen-ya' Jordán