Deut 19:11 - Kaqchiquel Bible

¹¹ Jak'a wi jun achin xa kan retzelan ri rachpochel y kan ruq'eleben y xapon k'a jun q'ij richin nukamisaj, y nanimej-el y nrajo' niberewaj-ri' pa jun chike ri tinamit richin tobel.

Deut 19:11 ပူးပေါင်းရင်းမြစ်များ

Wuj Richin Etamabel-Tzij 28:17

Ri wineq ri k'o kamik rubanon chikikojol ri ruwinaq, stape' nanimajilan y nrewala-ri' chupan chijun ruk'aslen keri' niken-el; kan man jun k'a xtiq'aton richin.

Wuj Richin ri Q'axanri'il 35:24

ri aj-raqen richin ri tinamit richin tobel, xtikiq'et-tzij pa ruwi' ri xbanon ri kamik. Y wi k'o ta jun rach'alal nrajo' nuya' ruk'exel, k'o chi nuben achi'el nuq'alajirisaj ri pixa'.

Wuj Richin ri Rutikeribel 9:6

Jun wineq kan achi'el nubanik yin, y wi k'o ta jun xtikamisan jun wineq, ri xtibanon xa kan xtiqaqa chuqa' pa ruq'a' jun chik wineq.

1 Juan 3:15

Y ri nretzelaj ri rach'alal xa achi'el jun kamisanel. Y rix iwetaman, chi ri kamisanel maneq ru k'aslen ri man k'isel ta.

Deut 19:12

K'ari' ri achi'a' ri k'o kiq'ij richin ri rutinamit xtikiteq ruk'amik chiri' chupan ri tobel. Xtijach-pe ri xbanon ri kamik pa kiq'a' ri rach'alal ri kamineq richin chi nikamisex chuqa' rija'.

Wuj Richin ri Rutikeribel 9:5

Roma kan qitzij ninbij chiwe, chi wi k'o jun chikop nukamisaj jun chiwe rix, k'o chi xtinch'ojij ri ik'aslen chire; y wi jun chiwe rix nukamisaj jun chik wineq, chuqa' xtinch'ojij ri ruk'aslen chire.