Deut 19:10 - Kaqchiquel Bible

¹⁰ Richin keri' man chaq xtitix ta kik' chaq keri' chuwech ri ruwach'ulew ri xtiberuya' ri Jehová ri qa-Dios chiwe, y man xtiqaqa ta pan iwi' rix ri mak ri xtibanatej.

Deut 19:10 ပူးပေါင်းရင်းမြစ်များ

Wuj Richin ri Isaías 59:7

Kan anineq yixbe chubanik etzelal. Kan anineq yixbe chi relesaxik ri ruk'aslen ri xa man jun rumak. Ri ich'obonik xaxe richin ye'iben ri etzelal, y ri akuchi ri yixq'ax-wi, kan ronojel niyoj y niwulaj kan.

Wuj Richin Etamabel-Tzij 6:17

Y jare' k'a ri wuqu' banobel ri más nretzelaj rija': Ri nimirisanen; ri tz'ukuj-tzij; ri banoj kamik;

Wuj Richin ri Jonás 1:14

Y rije' xech'on rik'in ri Jehová rik'in raqoj-chi'ij y xkibij: Niqak'utuj k'a utzil chawe, Jehová, chi man ta xtaya' pa qawi' ri rukamik re jun achin re', roma rik'in juba' xa maneq rumak, y rat kan awetaman k'a re yatajin chubanik, xecha'.

Joel 3:19

Jak'a ri ruwach'ulew Egipto kan xtitole' kan, y ri Edom kan xtibe'ok jun tz'iran ruwach'ulew; roma kan xekikamisaj ri aj-Judá, y chupan ri kiruwach'ulew xbiyin kikik'el ri xa man jun kimak.

2 Rey 24:4

Y chuqa' rija' xuben chi xbiyin kikik'el ri winaqi' ri maneq kimak. Roma ri' ri Jehová man xukuy ta ri rumak.

2 Rey 21:16

Ri Manasés xuben chike ri winaqi' aj-Judá chi xemakun y keri' rije' xekibanala' itzel chuwech ri Jehová. Y man xaxe ta ri' ri xuben ri Manasés; kan e k'iy winaqi' ri maneq kimak ri xerukamisaj, y kan chupan k'a chijun ri Jerusalem k'o kamik ri xeruben, xtiker-pe ri jun ruchi' y xapon k'a ri jun chik ruchi'.

1 Rey 2:31

K'ari' ri rey xubij: Tabana' k'a achi'el xubij rija' chawe. Takamisaj k'a y tamuqu' kan. Rik'in keri' man ja ta chik roj ri oj aj pa rachoch kan ri David, ri nata' ri xqojejqalen ri kikamik ri e ka'i' achi'a' ri xa maneq kimak, ri xerukamisaj ri Joab.

Deut 19:13

Man tipoqonaj ruwech ri kamisanel, richin keri' man jun mak xtiqaqa pa ruwi' ri ruwach'ulew Israel, richin keri' ronojel utz xtel chiwech.

Wuj Richin ri Q'axanri'il 35:33

Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel.

Wuj Richin Bix Chire ri Dios 94:21

Ri winaqi' ri' xa kan nikimol k'a ki' richin nikelesaj ri ruk'aslen ri utzilej wineq. Nikiben k'a chire ri maneq rumak, chi nutoj rumak.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.

Deut 4:21

Ri Jehová kan xyakatej k'a royowal chuwij yin iwoma rix, y xujikiba' rutzij chi yin man xkiq'ax ta apo juk'an chire ri raqen-ya' Jordán, ni man xkinok ta apo chupan ri utzilej ruwach'ulew ri rusujun ri Jehová Dios chiwe richin chi niwichinaj kan rix.

Deut 26:1

Juba-apo, rix xkixok chupan ri ruwach'ulew ri akuchi xtuya-wi ri Jehová ri qa-Dios chiwe richin niwichinaj y kan xkixk'oje' chupan.