Deut 18:22 - Kaqchiquel Bible

²² Wi ri q'alajirisanel nubij pa rubi' ri Jehová, y man xtibanatej ta ri nubij, re' jun retal chi man ja ta ri Jehová ri qa-Dios biyon chire, nel chi tzij chi re q'alajirisanel re', xa xubij richin nunimirisaj-ri', roma ri' man tixibij-iwi' chuwech.

Deut 18:22 ပူးပေါင်းရင်းမြစ်များ

Deut 18:20

Jak'a wi k'o jun niyakatej-pe y nuben chi nuq'alajirisaj ri nuch'abel y nubij ch'abel ri xa man nubin ta yin chire, o wi nich'on pa kibi' ch'aqa' chik dios, re wineq re' kan nikamisex, xcha' ri Jehová chuwe.

2 Rey 20:1

Chupan k'a ri q'ij ri' ri Ezequías xuchop k'a jun nimalej yabil y kan niken yan. Y xapon k'a rik'in rija' ri Isaías ri q'alajirisey ruch'abel ri Dios y xubij chire: Ri Jehová nubij chi tachojmirisaj kan ronojel ri pan awachoch, roma kan xkaken. Xa man xkak'achoj ta chik, xcha'.

Wuj Richin ri Jonás 4:2

Y xch'on rik'in ri Jehová y xubij: ¡Kan xinbij na wi yin toq k'a ink'o na pa nuruwach'ulew, chi kere' naben! Y roma ri' xinanimej richin ta xibe pa Tarsis. Keri' xinben roma wetaman chi at jun Dios koch'onel y joyowanel. Y roma ri awajowabal, kan stape' nabij chi naya' ta jun ruk'ayewal, xa najel chik ri ach'obonik.

Wuj Richin ri Isaías 41:22

Kan tik'ama-pe ri ruwachibel ri i-dios, y tikiya' rutzijol chiqe ri achike xtiqak'uluwachij. Kan tikiq'alajirisaj k'a chiqawech ri xbanatej-pe k'a pa rutikeribel, y roj kan xtiqaya' qaxikin chike, richin xtiqetamaj ri ruk'isibel.

Wuj Richin Etamabel-Tzij 26:2

Kan achi'el k'a ri ti tz'unun ri nirumum pa kaq'iq', o ri ti buqul-sib ri nisumum niq'ax, xa keri' nuben ri ruk'ayewal, ri xa wineq noyon pa ruwi' jun chik ri xa maneq rumak.

Wuj Richin ri Jonás 3:4

Y toq ri Jonás xapon ri chiri', xuchop rubixik chi toq xtitz'aqet kawineq q'ij, ri Nínive xtibek'is. Kere' k'a nubila' beneq, chijun ri nabey q'ij keri' xuben.

Deut 18:21

Rik'in juba' rix nich'ob-qa achike rubanik niben richin niwetamaj chi ri xubij ja ri Jehová biyon chire o ni.

1 Rey 22:28

Y ri Micaías xubij chire: Wi rat xkatzolin-pe rik'in uxlanibel-k'u'x, man ja ta k'a ri Jehová ri xbin chuwe ri xinbij chawe ri', xcha'. Y ri Micaías chuqa' xubij chike ri winaqi': Rix kan xiwak'axaj k'a ri xinbij chire ri Acab, xcha'.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.

Wuj Richin ri Zacarías 2:13

Roma ri' man jun chik k'a wineq xtich'on ta chirij ri Jehová, roma rija' k'o pa rachoch, y kan nuchojmirisaj chik ri' richin nipe qik'in. Keri' xtabij, xcha' ri ruka'n ángel chire ri jun chik.