Deut 18:20 - Kaqchiquel Bible

²⁰ Jak'a wi k'o jun niyakatej-pe y nuben chi nuq'alajirisaj ri nuch'abel y nubij ch'abel ri xa man nubin ta yin chire, o wi nich'on pa kibi' ch'aqa' chik dios, re wineq re' kan nikamisex, xcha' ri Jehová chuwe.

Deut 18:20 ပူးပေါင်းရင်းမြစ်များ

Wuj Richin ri Jeremías 27:15

Ri Jehová kan nujikiba' chi rija' maneq e rutaqon y pa rubi' rija' nikitz'uk-tzij. Y keri' rija' xkixrutaluj-el iwonojel rix y ri q'alajirisey ri xkibij ronojel re' chiwe, xicha' chike.

San Mateo 7:15

Kan nik'atzin k'a chi nichajij-iwi' chikiwech ri man e qitzij ta q'alajirisanela'. Roma toq k'ari' ye'apon iwik'in, ri k'aslen ri nikik'ut, kan janila jebel, achi'el kibanik ri taq karne'l. Jak'a toq nikik'ut-pe ri etzelal ri k'o pa taq kánima, xa kan e achi'el chik ri itzel taq utiwa'.

Wuj Richin ri Zacarías 13:3

Y wi k'a k'o ta na jun ri nuben keri', ri rute-rutata' xtikibij chire chi rija' ruk'amon richin niken, roma nubij tz'ukun taq tzij pa nubi' yin. Y toq nich'on, ri rute-rutata' kan xtikichuq'ij pa rupan.

Ez 13:6

Nikibij chi k'o ri nik'utumej chikiwech, jak'a xa yesach. Nikibij ri peteneq chikiwech-apo, jak'a xa man qitzij ta ri nikibij. Kan pa nubi' yin yech'on-wi, jak'a xa man ja ta yin ri in taqayon-el kichin. Y pa ruwi' ri', kan nikoyobej chi nibanatej ri nikibij.

Wuj Richin ri Jeremías 23:31

Kan in yakatajineq chikij ri nikibananej chi nikiq'alajirisaj rik'in ri kich'abel y nikibij: Re' kan ja ri Jehová nibin, yecha'.

Wuj Richin ri Jeremías 2:8

Ri e sacerdote man xkibij ta: ¿Akuchi k'o-wi ri Jehová? Ri yeya'on pixabanik richin ri tinamit man xkiya' ta chik wejqalen. Ri aj-raqen xa xeyakatej chuwij, ri e q'alajirisey nuch'abel xa xech'on pa rubi' ri Baal y kan xekitzeqelibej dios ri xa man jun kejqalen.

1 Rey 18:27

Jari' toq ri Elías niyojoben-apo chikij y xubij chike: Kixsik'in kow, roma rija' kan dios-wi, rik'in juba' xa xbechulun kan, o k'o jun rusamaj nuben, o xa xbebiyaj, o rik'in juba' xa niwer y k'o chi nik'asoj, xcha' ri Elías chike.

2 Pedro 2:12

Jak'a ri man e qitzij ta tijonela' kan e achi'el k'a chikopi' ri man yech'obon ta jebel, ri xe'alex xaxe richin yebechap-pe y yekamisex. Rije' itzel yech'on chirij ri xa man niq'ax ta chikiwech; roma ri' chuqa' xa xkekamisex achi'el ri chikopi'.

1 Rey 18:40

K'ari' ri Elías xubij chike: Ke'ichapa' ri achi'a' ri yesamajin kichin ri Baal, y man jun chike rije' tanimej chiwech. Y ri winaqi' xekichop k'a ri achi'a' ri', y xkitzeqelibej ri Elías k'a chuchi' ri ch'uti'n raqen-ya' Quisón, y chiri' xuqupij ri kiqul y xeken.

Apocalipsis 19:20

Jak'a ri keq rij chikop xchap el, rachibilan ri jun achin ri nibin chi q'alajirisey ruch'abel ri Dios y xa man qitzij ta, ri xerubanala' meyel taq banobel chuwech ri chikop, ri rik'in ri' xeruq'ol ri winaqi' richin chi xkik'ul ri ketal nik'aj-kiwech o ri pa taq kiq'a', y kan kiya'on-pe ruq'ij ri ruwachibel ri chikop. K'ari' ri chikop y ri jun ri xeq'olon ri winaqi', kan e k'es xek'aq chupan ri q'aq' ri achi'el choy ri xolon rik'in chuwilej-abej ri nik'a'on.

1 Rey 18:19

Tataqa' k'a rubixik chike ri winaqi' aj-Israel chi tikimolo-ki' wik'in yin ri chiri' pa ruwi' ri juyu' Carmelo, y chuqa' chi tikimolo-ki' ri e 450 achi'a' ri yesamajin kichin ri Baal, y ri e 400 achi'a' ri yesamajin kichin ri Asera, ri yetzuq roma ri Jezabel, xcha' ri Elías.

Deut 17:12

Jak'a wi k'o jun nupaba-ri' y man xtunimaj ta kitzij, ri wineq ri' kan xtikamisex k'a, richin keri' xtel ri itzel chukojol ri tinamit Israel.

Deut 18:21

Rik'in juba' rix nich'ob-qa achike rubanik niben richin niwetamaj chi ri xubij ja ri Jehová biyon chire o ni.

Deut 18:22

Wi ri q'alajirisanel nubij pa rubi' ri Jehová, y man xtibanatej ta ri nubij, re' jun retal chi man ja ta ri Jehová ri qa-Dios biyon chire, nel chi tzij chi re q'alajirisanel re', xa xubij richin nunimirisaj-ri', roma ri' man tixibij-iwi' chuwech.

Wuj Richin ri Jeremías 23:30

Roma ri' yin kan in yakatajineq chikij ri winaqi' ri nikibij chi e q'alajirisey nuch'abel y nikeleq'aj ri nuch'abel y chikijujunal rije' nikiben-qa kichin chire.

Wuj Richin ri Jeremías 26:11

K'ari' ri e sacerdote y ri nikibananej chi e q'alajirisey ri ruch'abel ri Dios xech'on kik'in ri aj-raqen y kik'in ri winaqi' richin chijun ri tinamit y xkibij chike: Re achin re' k'atzinel richin nikamisex roma kan xch'on itzel chirij ri qatinamit y rix kan jebel xiwak'axaj, xecha'.

Deut 13:6

Y wi ta xa jun inimal, jun ichaq', jun ik'ajol, jun imi'al, o ri iwixjayil o jun iwach'alal ri kan janila niwajo', nutej ruq'ij chiwij pan ewel y nubij chiwe chi tiya' kiq'ij ch'aqa' chik dios ri man jun bey iwetaman ruwech, ni ta ri iwati't-imama' man xketamaj ta chuqa' kiwech.

Wuj Kichin ri To'onela' 2:15

Y xabakuchi k'a yebe-wi pan oyowal, ri Jehová man xeruto' ta y kan xuben chike chi nikitej poqon; achi'el rubin rija' chike, y kan rujikiban chi keri' nuben; y kan janila k'a xepoqonatej.

1 Rey 13:19

K'ari' ri achin aj-Judá xbe pa rachoch ri ti achin richin xwa-xuk'ya'.

Wuj Richin ri Zacarías 13:2

Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu.