Deut 18:13 - Kaqchiquel Bible

¹³ Jak'a rix kan choj ri ik'aslen tibana' chuwech ri Jehová ri qa-Dios.

Deut 18:13 ပူးပေါင်းရင်းမြစ်များ

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

Wuj Richin ri Rutikeribel 17:1

Ri Abram k'o jumuch' belejlajuj rujuna' toq xuk'ut chik ri' jun bey ri Jehová chuwech, y xubij chire: Ja yin ri in Dios ri k'o Ronojel Uchuq'a' Pa Nuq'a'.*f14* Tak'uaj ri nubey y tabana' ri utz.

Wuj Richin ri Rutikeribel 6:9

Jare' ri rubanik ri ruk'aslen ri Noé. Rija' jun achin choj ruk'aslen chuwech ri Dios chikikojol ri sol winaqi' chupan ri q'ij ri'. Xa kan xaxe rija' ri xk'ase' achi'el ri xrajo' ri Dios.

Filipenses 3:12

Yin man ninben ta k'a chi kan ta wilon chik ronojel ri k'o rik'in ri Cristo, ni man ninben ta chuqa' chi kan ta tz'aqet chik ri nuk'aslen. Jak'a kan nintej nuq'ij richin ninq'i' ri sipanik richin ch'akonik, ri romari' xiroyoj ri Cristo.

Wuj Richin Bix Chire ri Dios 37:37

Tatz'eta' ri wineq ri choj ruk'aslen, ri man jun itzel banobel nuben. Re wineq re' xtik'ase' rik'in uxlanibel-k'u'x.

Wuj Richin ri Achin Job 1:8

Xeri' ri Jehová xubij k'a chire: ¿Atz'eton ruk'aslen ri Job ri nusamajel? Rija' jun achin ri kan janila choj ri ruk'aslen y man jun achike ta itzel nilitej chirij. Rija' kan k'o nukiy chuwech y nuya' k'a nuq'ij. Chuqa' kan man jun chik ri achi'el ta rija' chuwech ri ruwach'ulew, xcha'.

Wuj Richin ri Achin Job 1:1

K'o k'a jun achin ri chiri' pa jun ruwach'ulew rubini'an Us, ri rubini'an Job. Re achin re' kan janila k'a choj ri ruk'aslen y kan man jun achike ta itzel nilitej chirij. Kan janila k'a rukiy ri Dios chuwech, y kan ruch'aron-ri' chire ri itzel taq banobel.

Apocalipsis 3:2

Roma ri', kan tuna' iwech jebel y titija' q'ij niben ri utz ri k'a ek'o na pa taq ik'aslen y xa nik'is yan qa. Roma nutz'eton chi ri ichapon rubanik xa man niqa' ta chuwech ri Dios.

Filipenses 3:15

Ronojel k'a ri xinbij chiwe, kan keri' ta ri niqach'ob qonojel ri oj k'iyineq rik'in ri kuqubabel-k'u'x. Jak'a wi jujun chiwe rix ri man junan ta nich'ob, ri Dios chuqa' xtuq'alajirisaj chiwech.

Wuj Richin ri Josúe 24:14

Wakami k'a kan tiqasaj-iwi' chuwech ri Jehová y kan xaxe rija' tisamajij rik'in ch'ajch'ojil y tz'aqetri'il; tiwelesaj chi'ikojol ri ch'aqa' chik dios, ri xkisamajij ojer kan ri qate-qatata' ri juk'an chik chire ri raqen-ya' Éufrates y ri chiri' pan Egipto. Kan ja k'a ri Jehová tisamajij.

1 Rey 8:61

Ri qánima kan ta choj k'a chuwech ri Jehová ri qa-Dios, qojbiyin chupan ri rubey y tiqataqej ronojel ri pixa' achi'el re yojtajin chubanik wakami, xcha' chike.