Deut 17:8 - Kaqchiquel Bible

⁸ Wi k'o k'a jujun banobel ri janila k'ayew nuben chiwech toq niq'et-tzij, achi'el pa ruwi' jun kamik, oyowal, sokotajik o xabachike ta ri nibanatej chupan ri tinamit, kan jari' k'a kixbiyin pa rachoch ri Jehová ri qa-Dios.

Deut 17:8 ပူးပေါင်းရင်းမြစ်များ

Deut 12:5

Xtiya' k'a ruq'ij xa kan xaxe k'a ri akuchi xtucha-wi rija', richin chi chiri' ninatex-wi ri rubi' rija'.

Wuj Richin ri Hageo 2:11

Ri Jehová ri k'o ronojel uchuq'a' pa ruq'a' nuk'utuj chiwe rix sacerdote, pa ruwi' ri rupixa'.

Deut 1:17

Man tiben rukojolil kik'in ri winaqi' chupan jun q'atoj-tzij, xa junan tibana' kik'in, chi k'o kiq'ij chi maneq kiq'ij. Man jun achoq chuwech tixibij-iwi', roma re q'atoj-tzij re' kan richin ri Dios. Wi k'o jun k'ayew nuben chiwech, tik'ama-pe wik'in yin, richin chi ja yin ri yichojmirisan, xicha' chike.

Wuj Richin ri Malaquías 2:7

Rix sacerdote ja ta rix ri ix uk'uey rutzijol, y ri isamaj ja ta ri ye'itijoj ri winaqi' richin niketamaj nuwech yin Jehová ri in k'iytisanel richin ronojel. Y ri winaqi' k'o chi nikikanoj ri tijonik iwichin rix.

Deut 19:17

re nisujun y ri nisujux re e ka'i' re' ye'uk'uex pa rachoch ri Jehová chikiwech ri e sacerdote y ri to'onela' ri ek'o chupan ri q'ij ri'.

Deut 19:4

Wi jun wineq chaq k'ate' nukamisaj jun chik y xa man jun oyowal chikikojol, rija' ruk'amon chi xtanimej-el y nibe chiri' chupan ri tinamit richin tobel richin nukol-el-ri'.

Wuj Richin ri Q'axanri'il 35:16

Xabachike ta wineq ri nisokon rik'in jun ch'ich', o rik'in jun abej o rik'in jun che' y ri wineq xsokotej y xtiken, ri xbanon keri' kan jun k'a kamisanel ri' y xtikamisex.

Wuj Richin ri Q'axanri'il 35:11

kan ye'icha' kan tinamit richin tobel y chiri' napon-wi jun ri xkamisaj jun chik wineq, ri xa man runojin ta chi nuben.

Ex 22:2

Wi k'o ta jun eleq'om nilitej chaq'a' chupan ri jay ri akuchi nuben-wi eleq', y ri rajaw ri jay rik'in juba' xtukamisaj re eleq'om re' roma xril, re' kan man jun k'a xtiban chire roma ri kamik xuben.

Ex 21:28

Wi k'o jun bóyix nutoq' jun achin o jun ixoq, y kan nukamisaj, re bóyix re' kan xtikamisex chi abej, y man nitij ta ri rutijul, y ri rajaw ri bóyix man jun xtiban chire.

Ex 21:22

Wi ek'o e ka'i' achi'a' ri yech'ayon-ki', y chaq k'ate' nikimej jun ixoq yawa' chik y roma ri' re ixoq re' nuben-el tzaqonik y wi man jun ta chik ri achike xuk'uluwachij rija', ri aj-ch'a'oj xaxe k'a xtutoj ri xtuk'utuj ri rachijil ri ixoq y ri xtikiq'et ri q'atoy taq tzij pa ruwi'.

Ex 21:20

Y wi k'o ta jun achin nuch'ey chi che' jun rusamajel, stape' ixoq o achin y niken chuwech, kan xtiqaqa ri rutojbalil pa ruwi'.

Ex 18:26

Rije' kan xeq'aton k'a tzij pa kiwi' ri ch'ojinik ri nikiben ri winaqi' ronojel q'ij. Rije' k'a xechojmirisan ri kokoj taq ch'ojinik, y ri nima'q taq ch'ojinik xekik'en-pe chire ri Moisés.

Ex 18:15

Y ri Moisés xubij chire ri rujinan: Kere' ninben, roma ri winaqi' yepe wik'in roma nikajo' niketamaj ri achike k'a ri rurayibel ri Dios, richin chi jari' ri nikiben rije'.

Ex 22:8

Jak'a wi man nilitej ta ri eleq'om, ri wineq ri achoq ik'in uxqanen-wi kan ri méro jari' ri xtuk'uex k'a chikiwech ri to'onela', richin nitz'et wi xa ja rija' ri xchapo-qa ri uxqanen kan rik'in.

Deut 12:11

K'ari' ri chiri' ri akuchi xtucha' ri Jehová ri qa-Dios richin ninatex ri rubi'. Chiri' k'a xtisuj-wi ronojel re xinbij chiwe.

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Ez 44:24

Toq k'o jun ch'ojikil chi'ikojol, rije' xke'ok to'onela' y xtikiq'et-tzij achi'el nubij chupan ri nupixa'. Chuqa' rije' kan k'o chi xtikitzeqelibej ri ruchojmilal, k'o chi nikinimaq'ijuj ronojel nimaq'ij y xtikiya' rejqalen ronojel q'ij richin uxlanen.

Deut 12:14

xa kan xaxe k'a ruk'amon nisuj ri akuchi rucha'on-wi rija' chikikojol jun chike ri kitinamit ri itzobaj.

Deut 21:5

Ri sacerdote ek'o chiri' richin nikitz'et ronojel, roma ja rije' ri e rucha'on kan ri Jehová ri qa-Dios, richin nikisamajij y richin nikiya' urtisanik pa rubi' rija' y ja ri kich'abel rije' ri nibanatej, pa ruwi' ronojel oyowal o ch'ojinik.

2 Sam 15:2

Y rija' ronojel k'a q'ij nimaq'a' yan niyakatej, y nik'oje' chuxikin ri bey ri nok-apo pa tinamit Jerusalem. Y nuk'utuj k'a chike ri winaqi' ri yeq'ax wi ye'apon rik'in ri rey richin jun ch'ojikil, o richin nuq'et-tzij pa kiwi'. Y nuk'utuj k'a chike akuchi kepe-wi. Y wi nubij chi chupan jun chike ri tzobaj richin ri Israel ri k'o pa xaman,

1 Crón 26:29

Ri Quenanías rijatzul kan ri Ishar, y ri e ruk'ajol rija' ja rije' ri e aj-raqen pa kiwi' ri ruwach'ulew y to'onela' chikikojol ri winaqi' richin ri Israel.